💥 O‘zbekiston joriy yilning 14 sentyabr – 6 oktyabr kunlari  futzal bo‘yicha 2024-yilgi dunyo mundialiga mezbonlik qiladi.

🗓10-futzal bo‘yicha Jahon chempionatiga aylanadigan mazkur katta sport tadbiri Markaziy Osiyoda ilk bora o‘tkazilsa, Osiyo qit’asida esa to‘rtinchi mundial sifatida tarixdan o‘rin oladi.

🔖Musobaqada dunyoning eng kuchli 24 terma jamoasi futzal bo‘yicha Jahon chempionligi uchun kurash olib boradi. Tarixda 10-bor tashkil etilayotgan turnirda amaldagi g‘olib Portugaliyadan tortib, besh karra chempion Braziliya, shuningdek, Fransiya va Yangi Zelandiya kabi debyutantlar jam bo‘lishadi.

📝Mundialning qur’a tashlash marosimi joriy yilning 26-may kuni Samarqand shahridagi Registon maydonida bo‘lib o‘tadi.

🔎Mezbon sifatida, aynan, O‘zbekiston tanlanganligi ham yurtimizda sport bo‘yicha erishilgan natijalar hamda kelgusida amalga oshirilishi kutilayotgan istiqbolli rejalar tasdig‘idir. Turnir nafaqat O‘zbekiston, balki jahon futzali rivojida muhim qadam bo‘ladi!

📍Eslatib o‘tamiz, bu mamlakatda o‘tkaziladigan birinchi xalqaro turnir emas. O‘zbekiston 2022-yilning 1−19-iyun kunlari futbol bo‘yicha U23 Osiyo kubogiga mezbonlik qildi. Bundan tashqari, 2023-yilning mart oyida mamlakat o‘z uyida U20 Osiyo kubogini qo‘lga kiritdi.

🌐 Ijtimoiy tarmoqdagi rasmiy sahifalarimiz⭕️
🚀Telegram. 📷Instagram. 🔵 Facebook.  🎬 You tube