SO‘NGGI QO‘NGʻIROQDAN KO‘ZLARINGDA NAM...

So‘nggi tomchi ko‘kdan tomgani kabi
So‘nggi qo‘ng‘iroqdan ko‘zlaringda nam...
Navnihol vujuding o‘yg‘ongan qalbi,
Chorlaydi qoshingda o‘zga bir olam...

Imlasa-da shodlik sari beozor,
Gʻamgin tuyuladi oxirgi sado.
To‘rt fasling ichida yashnaydi bahor,
Nelarni ko‘rgaysan yetganingcha to...

Azizim, qayg‘urma, so‘nggi dam emas,
Toleing yo‘llari uzoqdir, uzoq.
Qalbingni to‘ldirib bunda har nafas
Umiddan taxt tilar so‘nggi qo‘ng‘iroq!

Qarasang, yo‘l ko‘pdir axir dunyoda,
So‘nmas ohangini tingla yurakdan.
Orzularing bo‘lsin haddan ziyoda,
Qalbing ayrilmasin ezgu tilakdan...

Hayotning tugamas ertalari bor,
Oxirgi kalomin aytolmas hech vaqt.
Yana yaratajak ertaklari bor,
Gohida mahzundir, gohida xushbaxt...

Azizim, umrning gulgun bog‘ida
Turfa gullar ochsa qismat go‘zal, boq.
Yashash va yaratish ishtiyoqida
Shijoat, shahd tilar so‘nggi qo‘ng‘iroq!

Voyaga yetkazgan maskanga ta’zim
Har qancha qilmaki, bilgil, bo‘lar oz.
Bu hayot aslida ulug‘ muallim,
Otayu onangdir eng katta ustoz...

O‘ksinma, tashvishda ko‘p ham chekma ranj,
Hali qo‘ng‘iroqlar bo‘lar besanoq.
Ularning har biri bamisoli ganj,
Do‘stu g‘animingdan aylaydi ogoh.

Azizim, esda tut, ekansan hayot,
Insonlik sharafin ko‘tar balandroq.
Bu yo‘lda matonat, ishonchu sabot,
Iroda, ahd tilar so‘nggi qo‘ng‘iroq!

Falakda har ezgu ishingni yoqlab
Mangulik bonggini uradi quyosh.
Yashagin qalb yo‘lin mudom ardoqlab,
Azizim, umiding ko‘zlarini och.

O‘ylama, bu emas aslo so‘nggisi,
Xulosa qilmoqqa shoshilma darhol.
Bilmaysan, oldinda nelar kutgusi,
Qayoqqa yetaklab ketadi bu yo‘l...

Hikmat bor har ishda, sira g‘am yutma,
Bugundan boshlanar sirli kelajak.
Azizim, ko‘rinar axir, unutma,
So‘nggi tomchidan so‘ng ranggin kamalak.

Faqat sen umiddan bo‘lma mosuvo,
Tilagim: o‘chmasin sen yoqqan chiroq.
Birozdan jarangi tinadi, ammo
Tuganmas baxt tilar so‘nggi qo‘ng‘iroq!

✅ Ijtimoiy tarmoqlardagi sahifalarimiz:

Samarqandim.uz | Telegram | Instagram | Facebook | You tube

TA’LIMDA XALQARO HAMKORLIK

O‘zbekiston Xitoy bilan ta’lim sohasida hamkorlik aloqalarini kuchaytiradi.
Samarqandda ta’lim, fan va texnologiyalar sohasidagi II innovatsion hamkorlik forumi bo‘lib o‘tdi. Unda mamlakatimiz va Xitoydagi oliy ta’lim muassasalari rektorlari, vazirlar va hududlar rahbarlari ishtirok etdi.
Forumni O‘zbekiston Respublikasi Oliy ta’lim, fan va innovatsiyalar vaziri Qo‘ng‘irotboy Sharipov kirish so‘zi bilan ochdi.
Xitoy Xalq Respublikasi Shensi viloyati gubernatori Chjao Gang keyingi yillarda ikki davlat ta’lim, ilm-fan sohasida ham yaqin hamkorlik qilayotganini ta’kidladi.
Samarqand davlat universiteti rektori Rustam Xolmurodov forum mobaynida Sian arxitektura-texnologiya universiteti bilan hamkorlik va akademik almashinuv to‘g‘risida memorandum imzoladi.
 
Samarqand davlat universiteti
Axborot xizmati

✅ Ijtimoiy tarmoqlardagi sahifalarimiz:

Samarqandim.uz | Telegram | Instagram | Facebook | You tube

XALQARO FORUM DAVOM ETMOQDA

Samarqandda mamlakatimiz va Xitoydagi oliy ta’lim muassasalari rektorlari, vazirlar va hududlar rahbarlari ishtirokida ta’lim, fan va texnologiyalar sohasidagi II innovatsion hamkorlik forumi bo‘lib o‘tmoqda. Bugun forum o‘z ishini davom ettirdi.

Batafsil: 👉 https://samarqandim.uz/news/219

✅ Ijtimoiy tarmoqlardagi sahifalarimiz:

Samarqandim.uz | Telegram | Instagram | Facebook | You tube