Ажри Аллоҳнинг зиммасида бўлган 3 амал

1.  Одамларни авф этиш:
Ушбу амалнинг ажри қанча эканлиги айтилмаган. Аллоҳ таоло айтади: “Бас, кимки афв этиб (ўртани) тузатса, бас, унинг мукофоти Аллоҳнинг зиммасидадир”  (Шўро сураси, 40-оят).

2.  Сабр:
Бунинг ҳам ажри қанча эканлиги айтилмаган. Аллоҳ таоло айтади: “Албатта, сабр қилувчиларга (охиратда) мукофотлари беҳисоб берилур”  (Зумар сураси, 10-оят).

3.  Рўза:
Рўзанинг ҳам ажри қанча эканлиги айтилмаган. Аллоҳ таоло айтади: “Одам боласининг ҳамма амали ўзи учун, фақат рўзани мен учун тутади ва унинг ажрини Ўзим бераман” (Ҳадиси қудсий).

Қиёмат кунида ушбу учта амални қилган кишилар чақириладилар ва уларга ажрлари берилади.

✍ Одилхон қори ЮНУСХОН ўғли

☝️ДЎСТЛАРИНГИЗГА ҲАМ УЛАШИНГ!!!
👉 @Rumiy_AforizmlariUz 📚 /
Ma'nolarning tuganmas jilosi

​​АЁЛ ҚАЧОН БАХТЛИ БЎЛАДИ?

– Аёл – нафис олам! Унинг бахти – кўнгил. Аёл ана шу оламдан ўзи учун хаё ва ибо нуридан ёруғ йўл излайди. Кўнгили эса ширин сўзга доимо эҳтиёж сезади. Бу ҳақиқат, аммо бу ҳақиқатга олиб борувчи сўқмоқлар анчагина. Оила, фарзандлар камоли, уларнинг соғ-саломат униб-ўсиб, жамият, ота-она корига ярайдиган фарзандлар бўлиб вояга етиши ҳам аёлнинг бахтидир. Аёл оиласини бекаму кўст кўришни истайди. Гарчи бахт молу дунё билан ўлчанмасада, аммо у ҳаёт кемтикларини тўлдирувчи, орзу-умидларини қўллаб-қувватлаб турувчи дунёвий воситалардир.
Нима бўлганда ҳам сўз яна кўнгилга бориб тақалади. “Ширин сўз – жон озиғи”, – деганларидек аёлга озгина эътибор, бир оғиз ширин сўз бўлса, турмушнинг барча камчиликларига кўз юмади ва дунёда ўзини энг бахтли аёл ҳисоблайди...

☝️ДЎСТЛАРИНГИЗГА ҲАМ УЛАШИНГ!!!
👉 @Rumiy_AforizmlariUz 📚 /
Ma'nolarning tuganmas jilosi

🇺🇸Green Card g’oliblari diqqatiga!

8 yillik tajribaga ega STATUS kompaniyasi Green Card g’oliblariga quyidagi xizmatlarni taklif etadi:

✅ DS-260 formasini to'ldirish;
✅ Tibbiy ko'rik kunini belgilash;
✅ Xujjatlarni tarjima qilish;
✅ Suhbatga tayyorlash;
✅ Anketani oʻzgartirish, bloklash va boshqa Davlatga koʻchirish;
✅ Barcha turdagi KEYSLAR bilan shug'ulanish;
✅ Oila birlashuvi dasturini 0-dan VIZA-gacha boʻlgan xizmatlar;
✅ Ma'muriy tekshiruvda boʻlganlarni ishiga amaliy yordam;
✅ BEPUL KONSULTATSIYA;
Xizmatlarimiz narxi:

🤝Siz shunchaki xujjatlaringizni bizga topshiring qolgan ishni biz bajaramiz!

📞Murojaat uchun:
+998991720011 | Yozish📝
+998996820011 | TEL☎️

📌 Manzil: Samarqand Payariq tumani chelak shaxri mòljal shaxar gazellari bekati qarshisida

🇺🇸GREEN CARD yutgan tanishlarga yuboring!

Biz ijtimoiy tarmoqlarda 📲
+998991720011

@GREEN_CARD_UZB1
https://t.iss.one/green_card_uzb11

#ибрат

Отанинг улуғлигини ифодаловчи кўплаб хислатлари борки, улардан баъзиларини келтириб ўтамиз.

• Ота танбеҳ берганида фарзанддан жирканмайди.
• Ота босим қилганида у фарзанднинг ўсишини истайди.
• Ота жим турганида у фарзандининг келажаги ҳақида бош қотираётган бўлади.
• Ота иқтисод қилган пайтда у ўз нафсини бутунлай енгган бўлади.
• Ота қаттиққўл бўлиб қолса, демак фарзанд унинг кўрсатмаларига юрмаган бўлади.
• Ота эшик хонасини қулфлаб олган пайтида йиғлаётган бўлади.
•Фарзанд отага нисбатан овозини баландлатса, бундан ёмони йўқ,
• Фарзанд ўзини дарбадар ва саргардон ҳолда кўрса, демак, отаси ундан ғазабланган бўлади.
• Ота тўшакка чўзилиб олиб, гапирмаётган бўлса, фарзанд улкан суянчиқ тоғини йўқотиб, бўшлиққа юз тутган бўлади. У бўшлиқни хеч қандай хотира ҳам тўлдира олмайди.

👉 @Rumiy_AforizmlariUz 📚 /
Ma'nolarning tuganmas jilosi

• Агар фарзандим мендан олдин вафот этса нима қиламан?
• Ёки мен у кичиклигида вафот этсам нима қилади? Унга ким тарбия беради? Ким меҳр беради?
• Боламни ухлатаётиб, унга қараб шуларни ўйлай бошладим. Сўнг менинг сийнамга Раҳмон ва Раҳийм сифатини жойлаб қўйган Аллоҳ, мен бўлсаму бўлмасам, бошқаларни сабабчи қилиб ҳам ўша меҳрни бера олади. Тарбияни ҳам беришимда ҳозир Аллоҳ мени сабабчи қилаётган бўлса, мен ўлсам ҳам бошқасини сабабчи қила олади. Асл қайғуришим керак бўлган нарса, фарзандимнинг охирати бўлиши лозим. Ўлим бу айрилиқ дегани эмас. Асл айрилиқ ўлимдан сўнг биримиз Жаннат биримиз (Аллоҳ асрасин) Жаҳаннамга кетишимизда бўлади. Шунинг учун мана шундай боқий айрилиқ бермаслигини дуо қилиб сўраб, Аллоҳ қодир қилганча гўзал тарбия бериш керак. Ўзидан ҳидоят, ёрдам, тавфиқ сўраб, гўзал нарсалар ҳақида ўйлаш керак.

© Тунчироқ

👉 @Rumiy_AforizmlariUz 📚 /
Ma'nolarning tuganmas jilosi

#ибрат

ҚАНДАЙ ЯШАМОҚДАСАН?

Умидсизликка тушма! Умидсизлик Аллоҳнинг раҳматига ношукрлик бўлади.

Ғазабланма!
Ғазаб фазилатларни барбод қилади.

Кек сақлама!
Кек сақлаш ҳаётнинг гўзаллигини ўчириб юборади.

Маҳзун бўлма!
Маҳзунлик жисмга ҳам, асабга ҳам талофат етказиб, чидаб бўлмас ғам-ғуссага гирифтор қилади.

Атрофингдаги воқеаларга бепарво бўлма!
Бошқаларга самимий ҳамдард бўлиш – инсоний хусусиятлардандир.

Ҳаргиз худбин бўла кўрма!
Бошқаларга яхшиликни раво кўриш (ийсор) инсоний фазилатларнинг энг гўзалидир.

Қўлга кирита олмаган нарсангга маҳзун бўлма!
Агар у пешонангга ёзилган бўлса, албатта насиб қилади.

👉 @Rumiy_AforizmlariUz 📚 /
Ma'nolarning tuganmas jilosi

ЮЗИНГИЗ ЭНГ ГЎЗАЛ БЎЛИШИНИ ИСТАЙСИЗМИ?

Ҳасан Басрий айтади: «Кечаси туриб ўқилган намоздан ҳам савоби ортиқроқ ибодатни билмайман». У зотдан сўрашди: «Нима учун одамлар орасида кечаси туриб таҳажжуд ўқувчиларнинг юзлари энг гўзалдир?» У зот жавоб бердилар: «Улар тунда Раҳмон билан ёлғиз қолишади ва Аллоҳ уларга ўз нуридан инъом этади».

КЕЧАДА ТУРИШГА ЁРДАМ БЕРАДИГАН САБАБЛАР ҲАҚИДА
   Кечада қоим бўлиш жуда оғир, қоим бўлиш шартларидан хабардор кишигина кечалари туришга муваффақ бўлади.
Бу сабабларнинг баъзилари зоҳирий, баъзилари ботинийдир.

ЗОҲИРИЙ САБАБЛАР:
- Кўп таом емаслик. Баъзилар айтади: «Эй муридлар жамоаси! Зиёда таом есангиз, ортиқча сув ичасиз, бас, кўп ухлайсиз. Натижада ортиқча пушаймон бўласиз»;
- Кундузи ўзини оғир иш билан толиқтирмаслик;
- Кумдузи қайлула - бир оз ором олишни тарк этмаслик. Зеро, бу кечаси қоим бўлишга ёрдам беради;
- Гуноҳлардан эҳтиёт бўлиш. Имом Саврий айтади: «Бир гуноҳим сабабидан беш ой кечалари туришдан маҳрум бўлдим».

БОТИНИЙ САБАБЛАР:
- Қалбнинг мусулмонларга ҳасад қилиш, уларни кўрольмаслик каби иллатлардан фориғ бўлиши. Уни бидъат ва залолатдан холи, ортиқча дунё ҳожатидан халос қилиш;
- Қалбда доим ҳавф - қўрқувнинг бўлиши;
- Кечаси қоим бўлиш фазлини билиш;
- Аллоҳ йўлидаги муҳаббат ва имон қуввати энг шарафли рағбат, сабабларидандир, чунки Парвардигорга муножот қилувчи тунда қоим бўлса, У Зот ҳозир ва унга шоҳиддир. Бас, муножоти уни тун бўйи рағбатлантиради.

Абу Сулаймон (раҳматуллоҳи алайҳ) айтади: «Тун аҳли кечалари дилхушлик билан банд ўйин аҳлидан кўра кўпроқ лаззатда бўлади. Тун бўлмаса, дунёда яшашни истамас эдим».

Имом Муслимнинг «Саҳиҳ» ида Пайғамбаримиздан (соллаллоҳу алайҳи ва саллам) ривоят қилинган ҳадисда у зот (алайҳиссалом) марҳамат қилдилар: «Кечада дуолар ижобат бўладиган шундай бир соат борки, агар мусулмон банданинг дуоси шу соатга тўғри келиб қолса, яхши тилагини Аллоҳ унга ато этади. Бу соат ҳар тунда бўлади».

☝️ДЎСТЛАРИНГИЗГА ҲАМ УЛАШИНГ!!!
👉 @Rumiy_AforizmlariUz 📚 /
Ma'nolarning tuganmas jilosi

ДУНЁДА ТЕКИН ДАВОЛОВЧИ 1️⃣2️⃣ ТАБИБ

1️⃣ 🕋Қуръони каримни тиловат қилиш;

2️⃣ 🕌Беш вақт намоз ўқиш;

3️⃣ 🤲Бир йилда бир ой, ойда уч кун, ҳафтада икки кун рўза тутиш;

4️⃣ 🫙Етарли сув ичиш;

5️⃣ 🌌Кечаси тўйиб ухлаш;

6️⃣ 🏞Тоза, очиқ ҳавода сайр қилиш;

7️⃣ 🚶🏻‍♂️Ҳар куни ярим соат пиёда юриш;

8️⃣ 🥗Витаминларга бой таомлар ейиш;

9️⃣ 🌞Қуёш нурида (айниқса, чошгоҳгача) туриш;

1️⃣0️⃣ 🍯Асал ялаш;

1️⃣1️⃣ 🌺Седана чайнаб ютиш;

1️⃣2️⃣ 📿Ихлос, зикр, қаноатли бўлиш.

☝️ДЎСТЛАРИНГИЗГА ҲАМ УЛАШИНГ!!!
👉 @Rumiy_AforizmlariUz 📚 /
Ma'nolarning tuganmas jilosi

НЕГА ДОИМ МАҒЛУБМИЗ?

Испания ҳудудидаги Кастилия қироли кунларнинг бирида ўзининг энг ишончли жосусини Андалусияга, урушдан олдин мусулмонларнинг ҳоли ҳақида маълумот йиғиш учун жўнатди.

Хуллас, жосус савдогар либосини кийиб, сафарга отланди. Дарёни кечиб, мусулмонлар ҳудудига кирганида ёш болаларнинг камондан ўқ отиб, машқ қилаётганликларини кўрди. Улар орасида бир болакай йиғлаб ўтирарди. Жосус унинг олдига бориб, йиғининг сабабини сўради.
Бола унга жавобан деди:
— Мен нишонга қарата 10 та ўқ отдим, аммо биргина ўқим нишонга тегмай қолди.
— 10тадан 9таси тегибди, бу ажойиб-ку!
— Аммо жанг майдонида биргина ўқим душманга тегмай қолса, ўша душман мени ёки биродарларимдан бирини ўлдиришидан қўрқаман...

Жосус унинг гапларидан ҳайрон қолди. Кўп ўтмай у қироли ҳузурига қайтди ва камончи болалар ҳақида айтиб, урушни бир қанча муддатга қолдиришни таклиф қилди. Қирол: "Агар Андалусия болакайи шу қадар бўлса, у ҳолда баҳодирлари қандай бўлиши мумкин?" деб, ўйга толди.

Орадан йиллар ўтди. Мусулмонларнинг Андалусиядаги таъсири сезиларли даражада сусайди. Қирол яна жосусини маълумот йиғиш учун жўнатди.
Жосус белгиланган ҳудудга кирар экан, дарё бўйида кўз-ёш тўкиб ўтирган навқирон йигитга кўзи тушди. Олдига бориб ўтирди ва уни гапга солишга уринди. Маълум бўлишича, йигит ўзи севиб қолган қиз унинг совчиларини рад қилганидан йиғлаётган экан.

Жосус унинг устидан кулиб, мусулмонлар орасига киришни ҳаёлига ҳам келтирмай ортига қайтди. Кўп ўтмай қирол ўз қўшини билан Андалусияга ҳужум қилди ва мусулмонлар қўшинини тор-мор қилди.

Бу мағлубият ҳали-ҳанузгача давом этаяпти...

P.S.: Бугун умматнинг дарди майдалашди: данғиллама уй қуриш, дабдабали тўй қилиш, янги машина олиш... Бу йўлда керак бўлса бир-бирини талашдан ҳам қайтмаяпмиз...

👉 @Rumiy_AforizmlariUz 📚 /
Ma'nolarning tuganmas jilosi

#Олтинга_тенг_сўзлар
Ҳотимул Асом раҳматуллоҳи алайҳ айтади: Булар тилло суви билан ёзиб қўйиладиган сўзларлар:

1. Яхши маскан билан ғурурланма! Чунки жаннатдан кўра афзалроқ макон йўқ. Отамиз Одам алайҳис салом у ерда нимага йўлиққан бўлса, йўлиқди.

2. Кўп ибодат қилиш билан фахрланма! Шайтон узоқ ибодатидан кейин ҳам нимага йўлиққан бўлса, йўлиқди.

3. Илмнинг кўплигидан фахрланма! Чунки Балъам Аллоҳнинг исми Аъзамини яхши билар эди, лекин охир оқибат нима бўлганига қара! (Балъам ибн Бауро Баний Исроилнинг катта олимларидан бўлиб, Мусо алайҳиссалом замонасида яшаган, Исми Аъзамдан хабардор бўлган дуоси ижобатли олим эди. Охир оқибат куфр келтириб залолатга кетган.)

4. Солиҳ кишилар билан учрашиб турганингга фахрланма! Муҳаммад мустафо соллаллоҳу алайҳи васалламдан кўра солиҳроқ ва улуғроқ шахс бўлмаган. Лекин қариндошларидан айримлари у зотдан фойдаланишмади, аксинча душман бўлишди.

"Ҳикматлар чашмаси"дан.

☝️ДЎСТЛАРИНГИЗГА ҲАМ УЛАШИНГ!!!
👉 @Rumiy_AforizmlariUz 📚 /
Ma'nolarning tuganmas jilosi

ҚАДРИГА ЕТИНГ

Қадрига етинг бўлса акангиз,
Қўлидан етакланг, бўлса укангиз.
Кун келиб, мабодо кучдан қолсангиз,
Бегоналар сари чопа олмайсиз,
Улардан бошқани топа олмайсиз.

Бошга кўтаринг, бўлса синглингиз,
Шу қизча кўтарар бир кун кўнглингиз,
Мудом интизордир, пойлаб йўлингиз.
Косада луқма-ошни юта олмайсиз,
Улардан бошқани топа олмайсиз.

Агар ёнингизда, бўлса опангиз,
Эмаклаб боринг-да, пойин ўпингиз.
Яккаю-ягона дуогуйингиз,
Бозордан бошқа бир опа олмайсиз,
Улардан бошқани топа олмайсиз.

Яхши кунда қадрин билинг ёрингиз,
Ўшадир номус, ўша орингиз,
Тарқалиб кетганда йўғу борингиз.
Кўз ёшни ўзгага сепа олмайсиз,
Ундан бошқасини топа олмайсиз.

Бугун шўх югурган жажжи болангиз,
Артади кун келиб, кўзда жолангиз,
Суйкалиб келса гар бошин силангиз.
Ўзганинг боласин ўпа олмайсиз.
Улардан бошқасин топа олмайсиз.

Оҳ, қадрига етинг бўлса онангиз.
Дуосини олинг бўлса отангиз
Тузатинг шу бугун бўлса хатонгиз.
Аттанг эшигини ёпа олмайсиз,
Улардан бошқасин топа олмайсиз.

Жигарларга юборамиз!!!

👉 @Rumiy_AforizmlariUz 📚 /
Ma'nolarning tuganmas jilosi

​СОЛИҲ ДЎСТ

Ҳасан Басрий раҳимаҳуллоҳдан "Энди бизлар учун на оқловчилар ва на бирон қадрдон дўст бордир" (Шуаро: 100, 101) оятлари ҳақида сўралганда шундай дедилар:

"Бу қиёмат куни бўлади. Жаннат аҳли жаннатга, дўзах аҳли дўзахга кириб бўлгандан кейин, жаннат аҳлидан бўлган бир киши:

- "Эй Роббим, фалончи ҳамроҳим қаерда, фалончи дўстим қаерда? Уни жаннатда кўрмаяпман-ку!" дейди. Шунда унга:

- "У дўзахда", дейилади. Шунда ҳалиги киши:
- "Эй Роббим, ё Парвардигоро! Унинг ёнимда эмаслиги сабаб жаннат менга татимаяпти", дейди.

Шунда Аллоҳ таоло унинг дўстини дўзахдан чиқарилишига буйруқ беради. У дўзахдан чиқиб, жаннатга кираркан, дўзах аҳли:

- "Уни ким шафоат қилди, уни ким чиқарди?! Унинг солиҳ амали борми?!" дейдилар.

- "Йўқ", деб жавоб берилади.

- "Унда шаҳид отаси ёки шаҳид акаси шафоат қилдими? дейдилар.

- "Йўқ", дейилади.

- "Унда, пайғамбарлар ва расуллар шафоат қилишдими?" дейдилар.

- "Йўқ, уни солиҳ бир дўсти шафоат қилди", дейилади.

Шунда дўзах аҳли фарёд қилишади ва "Энди бизлар учун на оқловчилар ва на бирон қадрдон дўст бордир. Бас қанийди яна бир марта (яшашнинг иложи) бўлса-ю, бизлар ҳам мўминлардан бўлсак", дейдилар. (Шуаро: 100-102).
Кошки дунёга бир зумга бўлсада қайтарилсагу, яхши инсонлар билан танишсак, дейдилар... Аллоҳ бизларни Жаннатда жам буладиган дустлардан қилсин. Амийн.
Жаннат эгалари жаннатга кирганларида дунёда эзгу йўлда бирга юрган дўстларини кўрмасалар иззат соҳиби (буюк Аллоҳ)дан "Эй Роббимиз дунёда биз билан бирга намоз ўқиган рўза тутган дўст биродарларимиз бор эди, уларни кўрмаяпмиз" деб сўрашади! Аллоҳ таоло "дўзахга боринглар юрагида зарра оғирлигича иймони борларни олиб чиқинглар" деб марҳамат қилар экан! Ҳасан Басрий роҳимаҳуллоҳ "мўмин дўстларни кўпайтиринглар, қиёматда улар шафоат қиладилар" дедилар. Сизни жаннатга етаклаган дўст чин вафодордир..!!!

Ибн Ал-жавзий роҳимаҳуллоҳ" агар жаннатда мени орангизда топмасангиз"
Эй Роббимиз фалончи банданг дунёда бизга сени эслатарди денглар" дедилару йиғладилар... Аллоҳ у кишини ўз раҳматига олсин.
Мен ҳам ораларингизда бўлмасам мени суриштиринглар эҳтимол бир мартагина бўлса ҳам Аллоҳни эслатгандирман!!!. Эй Аллоҳ сенга итоат қилишда кўмакдош яхши дўстлар бергин.

☝️ДЎСТЛАРИНГИЗГА ҲАМ УЛАШИНГ!!!
👉 @Rumiy_AforizmlariUz 📚 /
Ma'nolarning tuganmas jilosi

​​🌸 ГЎЗАЛ ФИКР!

Бир аёл доим кўз ёш тўкарди. Унинг катта қизи соябон сотадиган савдогарга турмушга чиққан эди, кичкинаси эса лағмон сотувчининг хотини эди.

Аёл ҳаво очилиб, қуёш чарақлаётганини кўрганда, йиғларди ва ўйларди:

- Қандай дахшат, энди қизалоғимни дўконидан ҳеч ким соябон сотиб олмайди. Энди нима қилади?

Ҳаво бузилиб, ёмғир ёға бошласа, яна кўз ёш тўкарди, энди кичкина қизини ўйларди:

- Лағмонлар қуёшда қуримаса, қизим уларни сотолмайди. Энди нима қилади?

Шундай қилиб у ҳар куни, ҳар қандай об-ҳавода ҳасрат чекарди: ҳали катта қизи учун, ҳали кичкина қизи учун.

Кунлардан бир кун аёл бир донишмандга дуч келди, у аёл нега бундай аччиқ кўз ёш тўкаётгани билан қизиқди. Аёл унга бор ғамини сўйлаб берди.
Донишманднинг юзига табассум югурди ва у шундай деди:

- Сен, шунчаки, фикрлаш тарзингни ўзгартир, чунки сен, барибир, об-ҳавони ўзгартиролмайсан. Қуёш чарақлаганда, сен катта қизингни соябонлари ҳақида ўйлама, сен кичкина қизингни лағмонлари ҳақида ўйла.

- Қуёш нур сочяпти, кичкина қизимни лағмонлари яхши қурийди, бугун савдоси баракали бўлади, деб қувон

Ёмғир ёғса катта қизингни соябонларини эсла

- Мана, ёмғир бошланди! Қизимни савдоси яхши бўладиганга ўхшайди, деб айт

Аёлга бу маслаҳат жуда ёқди. У донишмандга миннатдорчилик билдириб, унинг тавсияларига риоя қила бошлади. Шу кундан бошлаб аёл ортиқ кўз ёш тўкмай қўйди, ҳар он қизлари учун хурсанд бўла бошлади, натижада онасини овутолмаётган қизларининг ҳам, ўзининг ҳам ҳаётига қувонч кириб келди.

Қиссадан ҳисса: Ҳақиқат дунё каби қадимийдир - сиз вазиятни ўзгартира олмасангиз, унга муносабатингизни ўзгартиринг. Атрофга бошқа назар билан қарай бошлашингиз билан, ҳаётингиз ҳам бошқа оқим бўйлаб оқа бошлайди.

Назарингиз яхшиликда бўлса,
бахт сизга ҳамроҳ бўлади...

☝️ДЎСТЛАРИНГИЗГА ҲАМ УЛАШИНГ!!!
👉 @Rumiy_AforizmlariUz 📚 /
Ma'nolarning tuganmas jilosi

ЎЛИМНИ ЭСЛАШНИНГ ФАЗИЛАТИ

Расулуллоҳ соллаллоҳу алайҳи васаллам дедилар: «Лаззатларни мағлуб этадиган нарсаларни кўп зикр қилинглар» (Tермизий, Насоий, Ибн Можа ривояти).

Яъни ўлимни кўп эслаш билан лаззатлар қасрини бузинг. Шунда, шаҳватларга бўлган майлингиз сўнади, Оллоҳ таолога яқин бўласиз.

Расулуллоҳ соллаллоҳу алайҳи васаллам дедилар:
«Агар ҳайвонлар ҳам одам фарзандлари даражасида ўлимни англаганларида эди, уларнинг семизини емаган бўлар эдинглар» (Байҳақий ривояти).

Оиша розияллоҳу анҳо Пайғамбаримиздан сўради:
- Эй Расулуллоҳ, маҳшарда шаҳидлар билан бирга тириладиган киши ҳам бўладими?
- Ҳа, бир кеча-кундузда ўлимни йигирма маҳал ёд этган банда шаҳидлар билан бирга тирилади, - дедилар Набий соллаллоҳу алайҳи васаллам.

Имом Ғаззолий, "Ўлимни эслаш" китобидан.

☝️ДЎСТЛАРИНГИЗГА ҲАМ УЛАШИНГ!!!
👉 @Rumiy_AforizmlariUz 📚 /
Ma'nolarning tuganmas jilosi

🌱Aссалому алайкум
Хайрли тонг..☀️

🌹Соғ–саломат уйғотган Роббимизга хамдлар бўлсин!

🌹Тонгда Ўқиладиган Дуо..🤲

🌹Алҳамду Лиллахиллазий Ахяна Баъда Ма Аматана Ва Илайҳин Нушур..

🌹Эрта Тонг Аллоҳга Ҳамд билан бошлашликни сизга Ҳам илиндим.

🍃🌸АЛБАТТА ЯҚИНЛАРИНГИЗГА ҲАМ ТАРҚАТИНГ!!!☝️✔️

👉 @Rumiy_AforizmlariUz 📚 /
Ma'nolarning tuganmas jilosi

​​​​АЁЛЛАР УЧУН 30 ТА ШАРЪИЙ ҚАЙТАРИҚ

1. Соч улашдан қайтарилган.
2. Баданига чизиш-чиздириш, тиши орасини очиш-очтириш ва қош териш-тердиришдан қайтарилган.
3. Кўчага атир сепиб чиқишдан қайтарилган.
4. Эркаклар олдида зийнатини кўрсатишдан қайтарилган.
5. Эри тўшакка чақирганда, бош тортишдан қайтарилган.
6. Эр-хотин ўртасидаги сирларни ошкор қилишдан қайтарилган.
7. Эрининг изнисиз нафл рўза тутишдан қайтарилган.
8. Эрининг уйидан унинг изнисиз инфоқ қилишдан қайтарилган.
9. Эрига итоатсизлик қилишдан қайтарилган.
10. Эридан сабабсиз талоқни талаб қилишдан қайтарилган.
11. Эрига нонкўрлик қилишдан қайтарилган.
12. Бегона билан холи қолишдан қайтарилган.
13. Бегоналарга қарашдан қайтарилган.
14. Бегоналар билан қўл бериб сўрашишдан қайтарилган.
15. Эркакларга ўхшашдан қайтарилган.
16. Эрига бошқа аёлни сифатлаб беришдан қайтарилган.
17. Аёлнинг авратига қарашдан қайтарилган.
18. Маҳрамсиз сафар қилишдан қайтарилган.
19. Ҳожатсиз уйидан чиқишдан қайтарилган.
20. Мусибат пайтида дод солиб, юзга уриб, кийим йиртиб йиғлашдан қайтарилган.
21. Аёл билан битта кийимда қучоқлашишдан қайтарилган.
22. Ғийбат, чақимчилик, жосуслик, зулмдан қайтарилган.
23. Мусулмонлар билан уч кундан ортиқ аразлашишдан қайтарилган.
24. Эркаклар билан жанозага қатнашишдан қайтарилган.
25. Силаи раҳмни узишдан қайтарилган.
26. Коҳин, фолбин, мунажжим, азайимхонга боришдан қайтарилган.
27. Фарзандларини дуойибад қилишдан қайтарилган.
28. Хизматкорларни азоблашдан қайтарилган.
29. Қўшнига озор беришдан қайтарилган.
30. Маййитга уч кундан ортиқ мотам тутишдан қайтарилган. Фақат эрига тўрт ою ўн кун мотам тутади.

Муслима синглим! Аллоҳ таоло қайтарган ишларни қилиб қўйишдан эҳтиёт бўлинг! Агар юқоридаги ишлардан бирортасини қилиб қўйсангиз, истиғфор ва тавбага шошилинг! Зеро, Аллоҳ таоло Қуръони Каримнинг Оли Имрон сурасида шундай деган:

وَالَّذِينَ إِذَا فَعَلُواْ فَاحِشَةً أَوْ ظَلَمُواْ أَنْفُسَهُمْ ذَكَرُواْ اللّهَ فَاسْتَغْفَرُواْ لِذُنُوبِهِمْ وَمَن يَغْفِرُ الذُّنُوبَ إِلاَّ اللّهُ وَلَمْ يُصِرُّواْ عَلَى مَا فَعَلُواْ وَهُمْ يَعْلَمُونَ

135 . Ва улар фоҳиша иш ёки ўзларига зулм қилган чоғларида Аллоҳни эслаб, гуноҳларини мағфират қилишни сўрайдилар, гуноҳларини Аллоҳдан ўзга ким ҳам мағфират қиларди? Ва улар, билиб туриб, қилган гуноҳларида бардавом бўлмаслар. (Демак, бир марта, билмасдан ёки заифлик тутиб, гуноҳ қилиб қўйган одам дарров тавба қилса ва гуноҳдан тўхтаса, шундагина тавбаси қабул экан. Бу қоида ва мағфират бобидаги бир оят ва ҳадисларга тегишлидир. Баъзи нафси бузуқ одамлар ўйлаганидек, оғзида тавба қилдим деб қўйиб, қайта-қайта гуноҳ қилаверадиганлар бу ҳукмга кирмайдилар.)

Нозимжон Ҳошимжон

✅❗️ Бу маълумотни имкон қадар бошқа группаларга ҳам тарқатинг-ки, унга ким амал қилса савобига сиз ҳам шерик бўласиз!

☝️ДЎСТЛАРИНГИЗГА ҲАМ УЛАШИНГ!!!
👉 @Rumiy_AforizmlariUz 📚 /
Ma'nolarning tuganmas jilosi

ИНСОННИНГ 5 НУҚСОНИ

Агар бир инсон машина ишлаб чиқарса, уловнинг сифатини, имкониятларини ва нуқсонларини жуда яхши билади. Худди шундай, Аллоҳ таоло инсонни яратди ва У Зот инсоннинг имкониятларини жуда яхши билади.
Қуръони каримнинг қай ўрнида инсоннинг яхши жиҳатлари саналган бўлса, ўша жойда унинг беш нуқсонини ҳам санаб ўтилган.

Инсон золимдир
Инсоннинг энг катта нуқсонларидан бири у золимдир.
إِنَّهُ كَانَ ظَلوُمًا
«Дарҳақиқат, у (инсон) ўта золимдир», (Аҳзоб сураси, 72-оят).
Албатта, инсон золим бўлиши билан бирга, унда бу нуқсонини тўғрилаш имконияти бор. Яъни, инсон золимдан Аллоҳ таолога мақбул бўлган одил сифати билан сифатлана олиши мумкин.

Инсон жоҳилдир
Иккинчи нуқсони шуки, инсон ўта жоҳилдир.
كَانَ ظَلُومًا جَهُولًاإِنَّهُ
«Дарҳақиқат, у (инсон) ўта золим ва ўта жоҳилдир», (Аҳзоб сураси, 72-оят).
Албатта, инсонда бу сифатнинг тескариси бўлган илм ҳосил қилиш истеъдоди бор. Гуё Аллоҳ таоло бу икки лафз (жоҳил ва золим) билан шунга ишора қиляптики, агар инсон ҳаракат қилса, ўзининг жоҳиллигини олимликка, золимлигини эса одилликка ўзгартириши мумкин.

Инсон заифдир
وَ خُلِقَ الْإِنْسَنُ ضَعِيفًا
«Ва инсон заиф яратилгандир», (Нисо сурси, 28-оят).
Инсон шу даражада заифки, унинг онгида, инглизлар таъбири билан айтганда, “FEAR OF UNKNOWN” “нотаниш нарсадан хавфсираш” доим бўлади. Инсон шу даражада заифки, уни заррадек келадиган вирус бемор қилиб қўя олади. Шу даражада инсон иложсиз қоладики, шифокор бу давосиз касаллик, дейди. Ваҳоланки, у вирус шу даражада кичикки, уни ҳатто оддий кўз билан кўриб бўлмайди. Лекин шу зарра миқдоридаги вирус инсонларни ҳалокат ёқасига олиб боради.

Инсон шошқалоқдир
Тўртинчи нуқсон бу шошқалоқликдир.
وَ كَانَ الْإِنْسَانُ عَجُولًا
«Ва инсон шошқалоқ бўлгандир», (Исро сураси, 11-оят).
Инсон табиатан шошқалоқдир. Агар тўрт кун нафл намозларини ўқиса, бешинчи куни Шайх Шиблий раҳматуллоҳи алайҳдек ёки Жунайд Бағдодий раҳматуллоҳи алайҳдек кароматлар кўрсатишни орзу қилади, дуолари ўша заҳоти қабул бўладиган зот бўлишни хоҳлаб қолади. Бир, икки марта дуо қилиб, менинг дуоларим ижобат булиши керак, деб даъво қила бошлайди.

Инсон беҳафсала ва тор юраклидир
Аллоҳ таоло бешинчи нуқсонни бундай баён қилиб марҳамат қилади:,
إِنَّ الْإِنْسَانَ خُلِقَ هَلُوْعًا
«Албатта инсон ўта беҳафсала қилиб яратилингандир», (Маъориж сураси, 33-оят).
Бу ояти каримани “тор юраклидир” деб тафсир қилганлар ҳам бор. Яъни, инсон шу даражада беҳафсалаки, унга Аллоҳ таоло томонидан яхшилик етса, фаромуш қилади, озгина мусибат етса, сабот билан сабр қилмайди. Агар бирон муваффақиятга эришса, фақат ўзининг кучи билан унга эришганини даъво қилади. Аллоҳ таолонинг берган тавфиқини унутади.

Шайх Зулфиқор Аҳмад Нақшбандий

☝️ДЎСТЛАРИНГИЗГА ҲАМ УЛАШИНГ!!!
👉 @Rumiy_AforizmlariUz 📚 /
Ma'nolarning tuganmas jilosi