Космик технологиялардан вирусологиягача — 350 ўринга мўлжалланган очиқ стипендия танловлари эълон қилинади

Бу ҳақда АОКАда ўтказилаётган матбуот анжуманида Давлат хизматини ривожлантириш агентлиги Бош инспектори Абдураҳмон Умаров маълум қилди:

〰️〰️〰️
📈 Давлатимиз раҳбарининг 2020 йил декабр ойида Олий Мажлис ва Ўзбекистон халқига қилган Мурожаатномасида иқтидорли ва истиқболли ёшлар учун бениҳоя улкан имконият, яъни 2021 йилдан бошлаб «Эл-юрт умиди» жамғармаси орқали илк бор бакалавр дастурига стипендиялар ажратилиши, шунингдек, магистратура ва докторантура дастурлари орқали энг нуфузли хорижий давлатларда таҳсил олиш учун стипендиялар миқдорини 5 баробарга ошириш таклифи илгари сурилган эди. Шу боис, «Эл-юрт умиди» жамғармаси Ўзбекистон учун энг устувор соҳалар, жумладан:

🔹космик технологиялар, нанотехнологиялар, IT ва рақамлаштириш, сунъий интелект соҳаларида;
🔹атом ва қуёш энергетикаси ҳамда энергиянинг тикланадиган манбаларидан фойдаланишнинг бошқа йўналишларида;
🔹соғлиқни сақлаш, фармацевтика, телемедицина, вирусология, микробиология, иммунология ва бошқа соҳаларда;
🔹электроэнергетика, нефть-газ, нефть-кимё, кимё, металлургия соҳасининг устувор тармоқларида;
🔹машинасозлик, автомобиль, электротехника, тўқимачилик ва маҳсулотларни стандартлаштириш йўналишларида;
🔹табиий ресурслардан оқилона фойдаланиш, сув тежовчи технологияларни кенг жорий этиш, боғдорчилик, сабзавотчилик, чорвачилик, паррандачилик каби аграр соҳанинг муҳим тармоқларида

🎓 350 ўринга мўлжалланган очиқ стипендия танловларини эълон қилади.

https://t.iss.one/Rasmiy_xabarlar_Official

Одилбек Сатторов, Мутахассисларни хорижда тайёрлаш ва ватандошлар билан мулоқот қилиш бўйича «Эл-юрт умиди» жамғармаси директори ўринбосари:

⏳ «Аввал жамғарма томонидан танловлар йилига бир ёки икки марта ўтказилган, 2021 йилдан танловлар йил давомида ўтказилади. Номзодлар жамғармага ҳужжатларни онлайн топшириши ҳам мумкин.

✅ Ҳужжатлар қабул қилинганидан кейинги танловлар ҳам соддалаштирилди. Илгари танлов 4 босқичда малга оширилган бўлса, янги тартибга мувофиқ танловлар 2 босқичга камайтирилди.

🔎 Бакалавриатга ҳужжат топширмоқчи бўлган номзодлар учун ёш чегараси 25 ёш этиб белгиланган. Магистратурага топширмоқчи бўлганлар учун 20-45 ёшгача; докторантура таълим дастурига эса 22 ёшдан 45 ёшгача бўлган фуқаролар номзодлик қилишлари мумкин.

💼 ОТМ бакалавриат ва магистартурасини тамомлаган номзодлардан икки йиллик меҳнат стажи талаб этилмайди. Бироқ вазирлик ва идоралардан ҳужжат топширмоқчи бўлган номзодлар икки йиллик меҳнат стажига эга бўлишлари лозим».

https://t.iss.one/Rasmiy_xabarlar_Official

АОКАдаги матбуот анжуманидан

«Эл-юрт умиди» жамғармаси 2021-2022 ўқув йили учун энг нуфузли хорижий давлатларда:

📌 бакалавриат таълим дастури учун 100 нафар,
📌 магистратура таълим дастури учун 150 нафар,
📌 докторантура таълим дастури учун 100 нафар стипендиялар ажратишини маълум қилади.

АҚШ, Буюк Британия, Германия, Франция, Канада, Япония, Испания, Жанубий Корея ва бошқа ривожланган мамлакатларнинг энг нуфузли таълим ва тадқиқот, инновация ва амалиёт масканларида таълим олишни истаган, юқори интеллектуал салоҳиятга эга, замонавий ва креатив фикрлайдиган, мамлакат илм-фанига инновацион ғоялар ва технологиялар олиб кириш ҳамда уни рақамли асосда қайта шакллантириш асносида ривожлантиришни ўз олдига мақсад қилиб қўйганлар учун бу катта имконият.

Номзодларнинг ҳужжатлари 2021 йил 1 апрелдан — 1 майга қадар, республиканинг барча ҳудудлари вакиллари учун ягона тартиб ва тенг имконият асосида, онлайн режимда ва электрон тарзда қабул қилинади.

Саралаш босқичлари 2021 йил 1 майдан — 20 майга қадар давом этади. Саралаш танловига оид барча маълумотлар «Эл-юрт умиди» жамғармасининг www.eyuf.uz сайти орқали батафсил эълон қилиб борилади.

https://t.iss.one/Rasmiy_xabarlar_Official

​Туркия ва Қозоғистонда карантин чекловлари кучайтирилмоқда

🇹🇷 Туркия Республикаси Вазирлар Маҳкамасининг жорий йил 29 мартдаги навбатдаги йиғилишида мамлакатнинг эпидемиологик вазияти ёмонлашганлиги сабабли, Президент Ражаб Тойиб Эрдўғон томонидан янги чекловлар эълон қилинди.

Шу билан бирга, Рамазон ойи учун алоҳида янги чеклов чоралар (2021 йил 13 апрель - 12 май)и жорий қилинмоқда.

🇰🇿 Қозоғистон Республикасининг Толдиқўрғон шаҳрида 1 апрель соат 00:00 дан 15 апрель 07:00 га қадар карантин чоралари🦠❌ кучайтирилмоқда.

🚫 Шаҳар Бош санитар врачининг тегишли қарорига кўра:
• жамоат овқатланиш жойлари;
• томоша, маданий, оммавий спорт тадбирлари, кўргазмалар, анжуманлар, форумлар, оилавий, хотира тадбирлари;
• кўнгилочар объектлар, жумладан, тунги клублар, чилимхоналар, букмекерлик идоралари, бильярдхоналар, караоке, PS-клублар, квестлар, антикафелар, боулинг-марказлари, лото-клублар, компьютер клублари, болалар кўнгилочар марказлари (ўйин майдончалари), ёпиқ ва очиқ шаклдаги аттракционлар;
• бассейнлар, ўқув-тайёргарлик машғулотлари истисно қилинган ҳолда;
• шаҳардаги номунтазам (туристик) йўловчиларни ташиш фаолияти тўхтатилмоқда.

РАСМИЙ ХАБАРЛАР 👇👇👇
t.iss.one/Rasmiy_xabarlar_Official