🟨 Կադրեր Իրանի ԱԳՆ Արաղչիի և Գերմանիայի, Ֆրանսիայի, ՄԹ-ի ու ԵՄ-ի ԱԳ ղեկավարների բանակցություններից։

🟨 Իսրայելի վարչապետ Բենիամին Նեթանյահուն այցելել է Վեյցմանի ինստիտուտ, որը մի քանի օր առաջ ոչնչացվել էր իրանական հրթիռակոծության հետևանքով։

🟨 Ստամբուլում Հայաստանի և Թուրքիայի ղեկավարների հանդիպումն ավարտվել է։

▫️Քննարկվել է Հայաստան-Թուրքիա հարաբերությունների կարգավորման ընթացքը, ընդգծվել կառուցողական երկխոսության շարունակականության և կոնկրետ արդյունքների հասնելու կարևորությունը։

▫️Զրուցակիցներն անդրադարձել են նաև տարածաշրջանային իրադարձություններին և այդ համատեքստում երկկողմ համագործակցության հնարավոր ուղղություններին։

🟨 Նիկոլ Փաշինյանն ընդգծել է ՀՀ հավատարմությունը տարածաշրջանում խաղաղության և կայունության ապահովման գործընթացին և շեշտել հարևանների հետ հարաբերությունների կարգավորման քաղաքականության շարունակականության իր հանձնառությունը։

▫️Ղեկավարները վերահաստատել են ուղիղ կապերն ու երկխոսությունը շարունակելու պատրաստակամությունը։

▫️Մտքեր են փոխանակվել Հայաստան-Ադրբեջան խաղաղության գործընթացի, նաև «Խաղաղության խաչմերուկ» նախագծի շուրջ։

🟨 Էրդողանը հայտարարել է, որ Թուրքիան կօգտագործի դիվանագիտական բոլոր ​​միջոցները ոչ միայն Կովկասում, այլև ամբողջ տարածաշրջանում կայունություն հաստատելու համար։

Anadolu

🟨 Իրանում 5 մագնիտուդ ուժգնությամբ երկրաշարժ է տեղի ունեցել։

🟨 Չնայած Իսրայելի կողմից շարունակվող հարվածներին՝ Իրանի արտգործնախարար Արաղչիին խնդրել ենք շարունակել բանակցությունները։

Ֆրանսիայի ԱԳ նախարար Ժան-Նոել Բարո

🟨 Մենք չենք բանակցի որևէ կողմի հետ, քանի դեռ շարունակվում են Իսրայելի հարձակումները:

▫️Իրանը կշարունակի իրացնել ինքնապաշտպանության իր օրինական իրավունքը:

Աբբաս Արաղչի

🟨 Էրդողանը ուշադրություն է հրավիրել Ադրբեջանի և Հայաստանի միջև խաղաղության բանակցություններում ձեռք բերված համաձայնության կարևորության վրա։

▫️Նա շեշտել է, որ Թուրքիան կշարունակի ամեն հնարավոր աջակցություն ցուցաբերել տարածաշրջանի զարգացման ջանքերին՝ առաջնորդվելով «բոլորի օգտին» սկզբունքով։

ՄԱՆՐԱՄԱՍՆԵՐ

🟨 Արաղչին ԵՄ գործընկերներին հայտնել է, որ Իրանը պատրաստ է դիտարկել Իսրայելին ուղղված հարվածները դադարեցնելու հարցը՝ «դուռ բացելով» բանակցությունների համար, եթե հարձակումները փոխադարձաբար դադարեցվեն։

CNN

🟨 Իրանին առավելագույնը 2 շաբաթ ժամանակ եմ տալիս։ Մենք պատրաստ ենք, ցանկություն ունենք և կարող ենք բանակցել։

▫️Անհնար է կանգնեցնել Իսրայելին, երբ նրանք հաղթում են։ Իսրայելը սահմանափակ հնարավորություններ ունի իրանական օբյեկտները ոչնչացնելու համար: Նրանք չեն կարող շատ խորը ներթափանցել: Հնարավոր է՝ դա նույնիսկ անհրաժեշտ չլինի։

Դոնալդ Թրամփ

🟨 Առանձին շրջաններում սպասվում է կարճատև անձրև և ամպրոպ։

Եղանակը Երևանում հունիսի 21-ին՝

🌖 Ցերեկ +32 +34
🌗 Երեկո +23 +25
🌘 Գիշեր +15 +17

ՄԱՆՐԱՄԱՍՆԵՐ

🟨 Իրանը գիշերը մի քանի հրթիռ է արձակել Իսրայելի ուղղությամբ։ Հրթիռներից մեկի բեկորները վնասել են Հոլոնում գտնվող շենք, որում հրդեհ է բռնկվել:

🟨 Նեթանյահուն վաղուց էր ցանկանում պատերազմել Իրանի դեմ, քանի որ այդպես կարող է մնալ իշխանության։

ԱՄՆ նախկին նախագահ Բիլ Քլինթոն

🟨 Իսրայելն օրական մինչև 200 մլն դոլար է ծախսում Իրանի հետ պատերազմում միայն պաշտպանության համար, առնվազն 400 մլն դոլար կծախսվի վերականգնողական աշխատանքների վրա։

ՄԱՆՐԱՄԱՍՆԵՐ

🟨 Իսրայելի կողմից Իրանի վրա հարձակումների մեկնարկից ի վեր զոհվել է 430 խաղաղ բնակիչ, վիրավորվել է ավելի քան 3500-ը։

Իրանի առողջապահության նախարարություն

🟨 Սիրելի բուժաշխատողներ, շնորհավորում եմ մասնագիտական տոնի կապակցությամբ։

▫️Երևան քաղաքը խորապես գնահատում է ձեր նվիրումն ու առաքելությունը։ Դուք ամեն օր կանգնած եք մարդկանց կողքին կյանքի ամենաբարդ ու պատասխանատու պահերին՝ հոգատարությամբ, մասնագիտական կարողություններով և մարդկային ջերմությամբ։

Տիգրան Ավինյան

🟨 Պատրաստվում եմ Թուրքիայի նախագահ Ռեջեփ էրդողանին հրավիրել Հայաստան՝ մասնակցություն ունենալու հաջորդ տարի գարնանը Երևանում տեղի ունենալիք եվրոպական քաղաքական համայնքի գագաթաժողովին:

Նիկոլ Փաշինյան

🟨 Տարածաշրջանային մի շարք հարցերի վերաբերյալ ՀՀ և Թուրքիայի դիրքորոշումները բավականին մոտ են։

▫️Իրանում տեղի ունեցող իրադարձությունները մտահոգիչ են։ Թե՛ Թուրքիայի նախագահի, թե իմ աշխատանքային օրակարգում այս հարցը մեծ տեղ է զբաղեցնում։

Նիկոլ Փաշինյան

🟨 Կարևորում եմ Հայաստան-Ադրբեջան խաղաղության օրակարգի հետագա ընթացքի վերաբերյալ մեր մոտեցումները Թուրքիայի նախագահի հետ անձամբ կիսելու հնարավորությունը։

Նիկոլ Փաշինյան

🟨 Թուրքիայի համար կարևոր օրակարգ է «Միջին միջանցքը»։ «Խաղաղության խաչմերուկ» նախագծի կարևոր առանձնահատկություններից մեկն այն է, որ լիարժեքորեն ներգրվում է «Միջին միջանցքի» նախագծին։

▫️Գոնե ինձ համար ակնհայտ է, որ «Խաղաղության խաչմերուկը» կարող է լինել «Միջին միջանցքի» մաս։

Նիկոլ Փաշինյան