🟨 🟧 Մենք ոչնչացրել ենք Թեհրանում Հեղափոխության պահապանների հետախուզության ղեկավարին և նրա տեղակալին։

▫️Իրանի ռեժիմն այս պահին շատ թույլ է։

Բենիամին Նեթանյահու

🟨 Ապարանում պտտահողմի հետևանքով մարմնական վնասվածք է ստացել 4 անձ։ Նրանցից 3֊ը չափահաս են, մեկը՝ երեխա։

▫️Վնասվածքները միջին և թեթև ծանրության են, կյանքին սպառնացող վտանգներ չկան։

Արագածոտնի մարզպետի աշխատակազմ

🟨 Թրամփը վերջին օրերին «վետո» է դրել Իրանի գերագույն առաջնորդ Խամենեիին սպանելու Իսրայելի ծրագրի վրա։

Reuters

🟨 Էրդողանը և Թրամփը հեռախոսազրույցի ժամանակ քննարկել են Իսրայել-Իրան հակամարտությունը, երկկողմ հարաբերությունները և տարածաշրջանային խնդիրները։

▫️Էրդողանը նշել է, որ Իսրայելի հարձակումները Իրանի վրա հանգեցրել են «անդառնալի տնտեսական և քաղաքացիական վնասների» երկու կողմերի համար և շեշտել, որ պետք է դադարեցնել այս վտանգավոր էսկալացիան։

🟨 Reuters-ի հաղորդագրությունն այն մասին, որ Թրամփը վետո է դրել Խամենեիի սպանության վրա, ամբողջովին կեղծ է։

Իսրայելի Ազգային անվտանգության խորհրդի ղեկավար

🟨 Թեհրանին Իսրայելի ավիահարվածի պահը։

🟨 Արարատ Միրզոյանը հեռախոսազրույց է ունեցել Հնդկաստանի ԱԳ նախարար Սուբրամանյամ Ջայշանկարի հետ:

▫️Քննարկվել է տարածաշրջանում ստեղծված իրավիճակը, երկուստեք շեշտվել է ճգնաժամային պայմաններում մշտական կապի և սերտ համագործակցության կարևորությունը:

ՀՀ ԱԳՆ

🟨 Ժամը 21։00-ի դրությամբ ուժեղ քամու հետևանքով Ապարանում և Լուսագյուղում վնասվել են 43 շենք-շինությունների տանիքներ, 22 մարդատար, 3 բեռնատար ավտոմեքենաներ, տապալվել է 21 ծառ, էլեկտրական 17 սյուն, արևային 3 կայան։

▫️Աշխատանքներին ներգրավվել է 137 փրկարարական ծառայող։

ՆԳՆ

🟨 Թեհրանում աշխատում է հակաօդային պաշտպանությունը։

🟨 Իսրայելի հյուսիսում տագնապի ազդանշաններ են հնչել։ Իրանը հրթիռներ է արձակել Իսրայելի ուղղությամբ։

🟨 Իրանական հրթիռը հարվածել է Հայֆային։

🟨 Իրանը հրթիռ է արձակել իմ ննջասենյակի պատուհանի ուղղությամբ, բայց ես կարողացա խուսափել դրանից, և այն չդիպավ ինձ։

Բենիամին Նեթանյահու

🟨 Իրանի հրթիռային հարվածից հետո Հայֆա քաղաքից թանձր ծուխ է բարձրանում։

🟨 Ապարանում պտտահողմի հետևանքով վնասվել են՝
▫️50 բնակելի տուն,
▫️20 խանութ,
▫️20 բազմաբնակարան շենքերի տանիքներ,
▫️10 կազմակերպությունների տանիքներ, այդ թվում՝ Ապարանի թիվ 1 և թիվ 2 դպրոցները, արվեստի և մշակույթի կենտրոնների շենքերը, Ապարանի համայնքապետարանի, ոստիկանության, դատախազության, ԱԿԲԱ բանկի շենքերը և այլ հաստատություններ։

Ապարանի համայնքապետարան

🟨 Հայֆան՝ իրանական հրթիռների հարվածներից հետո։

🟨 Բեն Գուրիոն օդանավակայանը հայտնվել է իրանական հրթիռների թիրախում։

🟨 Իսրայելի վրա Իրանի հարձակումների հետևանքները։

🟨 Իսրայելը հարվածներ է հասցրել Իրանի ԱԳՆ շենքին, ինչի հետևանքով կան տուժածներ, այդ թվում՝ դիվանագետներ։

Իրանի ԱԳՆ

🟨 Իրանի ԱԳՆ շենքը` Իսրայելի հարվածներից հետո:

🟨 Իսրայելի բանակը հերքել է Բեն Գուրիոն օդանավակայանին հարվածելու մասին իրանական ԶԼՄ-ների տեղեկությունները։

🟨 Իրանը հաստատել է Իսլամական հեղափոխության պահապանների կորպուսի հետախուզության ղեկավար Մոհամմադ Քազեմիի և նրա տեղակալի մահը իսրայելական հարվածների արդյունքում։

Tasnim