🟨 Իրանի Ֆորդոյի և Սպահանի միջուկային օբյեկտները Իսրայելի ավիահարվածներից չեն վնասվել։

▫️Նաթանզի միջուկային օբյեկտի վրա հարձակումից հետո ճառագայթման մակարդակի բարձրացում չի նկատվել։

ՄԱԳԱՏԷ-ի տնօրեն Ռաֆայել Գրոսսի

ՄԱՆՐԱՄԱՍՆԵՐ

🟨 Իրանի դեմ միակողմանի հարձակումը խորապես մտահոգիչ է։ Տեղի ունենալով բանակցությունների հաջորդ փուլից առաջ՝ այն վտանգում է խաղաղության ուղղված ջանքերը, ինչպես նաև տարածաշրջանային կայունությունն ու համաշխարհային խաղաղությունը։

▫️Դատապարտում ենք նման գործողությունները և կոչ անում անհապաղ դադարեցնել ռազմական գործողությունները ու պահպանել միջազգային իրավունքը

ՀՀ ԱԳՆ

🟨 Իսրայելը պետք է անհապաղ դադարեցնի իր ագրեսիվ գործողությունները, որոնք կարող են հանգեցնել ավելի լայնածավալ հակամարտությունների։

▫️Այս հարձակումը ցույց է տալիս, որ Իսրայելը չի ցանկանում, որ խնդիրները լուծվեն դիվանագիտական ճանապարհով։

Թուրքիայի ԱԳՆ

🟨 Կոչ ենք անում կողմերին լուծել առկա տարաձայնությունները բացառապես միջազգային իրավունքի նորմերին և սկզբունքներին համապատասխան՝ երկխոսության և դիվանագիտական միջոցներով։

▫️Հաշվի առնելով Մերձավոր Արևելքում իրավիճակի հետագա սրման ռիսկը՝ անհրաժեշտ է շարունակել դիվանագիտական շփումները համապատասխան միջազգային մեխանիզմների շրջանակներում։

Ադրբեջանի ԱԳՆ

🟨 Իրանում բարձրացվել է վրեժխնդրության կարմիր դրոշը։

🟨 Իսրայելը հարվածել է Իրանի ՀՕՊ դիրքերին՝ ոչնչացնելով տասնյակ ռադարներ և «երկիր-օդ» դասի հրթիռային կայաններ։

▫️Իրանի միջուկային ծրագիրը խափանելուն ուղղված գործողությունները կշարունակվեն։

Իսրայելի ՊՆ

🟨 Իրանին հասցված հարվածը Իսրայելի միակողմանի գործողությունն է։ Շատ կարևոր է, որ դաշնակիցները, այդ թվում՝ ԱՄՆ-ը, անհապաղ քայլեր ձեռնարկեն լարվածությունը թուլացնելու ուղղությամբ։

ՆԱՏՕ-ի գլխավոր քարտուղար Մարկ Ռյուտտե

🟨 Ըստ հաղորդումների՝ իսրայելական հրթիռը խոցել է շենքը՝ պայթելով ԻԻՀ հրամանատարներից մեկի տանը։

🟨 Ըստ իսրայելական ԶԼՄ-ների՝ իրանական բոլոր անօդաչու թռչող սարքերը հաջողությամբ խոցվել են։

🟨 Բելգորոդ-Դուբայ, Մինվոդի-Դուբայ և Կազան-Շարժա չվերթերը արտակարգ վայրէջք են կատարել Զվարթնոց օդանավակայանում` Իրանի օդային տարածքը փակ լինելու պատճառով:

Քաղավիացիայի կոմիտե /©️ Radar Armenia

🟨 Ձերբակալվել է նախկին վարչապետ Հովիկ Աբրահամյանը։

▫️Մեղադրվում է՝ փողերի լվացման, պաշտոնեական լիազորությունները չարաշահելու և ձեռնարկատիրությանն ապօրինի մասնակցության համար:

Հակակոռուպցիոն կոմիտե /©️ Radar Armenia

🟨 Ըստ իսրայելական ԶԼՄ-ների՝ պայթյուն է տեղի ունեցել Թավրիզի օդանավակայանի մոտակայքում։

🟨 Սուվերեն պետության, նրա քաղաքացիների և ատոմային էներգետիկ ենթակառուցվածքի օբյեկտների նկատմամբ չհրահրված հարվածները անընդունելի են։

▫️Իսրայելը գիտակցված ընտրություն է կատարել լարվածության հետագա սրման օգտին։

ՌԴ ԱԳՆ

🟨 Ըստ ԶԼՄ-ների՝ Իսրայելը հարվածել է Իրանի Շիրազ քաղաքում հրթիռային գործարանին։

🟨 Իսրայելի կողմից Իրանի դեմ իրականացված օպերացիայի գաղտնի նախապատրաստական աշխատանքները տևել են 8 ամիս։

Axios

🟨 Իրանի ԶՈւ գլխավոր շտաբի պետ է նշանակվել Աբդուլռահիմ Մուսավին։

▫️Իսլամական հեղափոխության պահապանների կորպուսի հրամանատար է նշանակվել Մոհամմադ Փաքփուրը:

🟨 Ես Իրանին հնարավորություն էի տվել գործարք կնքելու՝ զգուշացնելով, որ ամեն ինչ սպասվածից ավելի վատ է լինելու։ Քանի դեռ ժամանակ կա այս ամենն ավարտելու, Իրանը պետք է համաձայնի գործարքին։ Պարզապես արեք դա, քանի դեռ ուշ չէ։

Դոնալդ Թրամփ

🟨 Մեր մտահոգությունն ենք արտահայտում և դատապարտում Իսրայելի վերջին գործողություններն՝ ընդդեմ Իրանի։ Դա կասկածի տակ է դնում տարածաշրջանում առկա փխրուն կայունությունը։

Նիկոլ Փաշինյան

🟨 Իսրայելի ԱԳ նախարարը հայտնել է, որ ռազմական օպերացիան Իրանում կշարունակվի։

🟨 Սևան-Երևան ավտոճանապարհի գազալցակայաններից մեկում ավտոմեքենայում պայթյուն է տեղի ունեցել։

▫️1 տուժած հոսպիտալացվել է։

ՆԳՆ

🟨 Իսրայելի ՊՆ-ն հրապարակել է 3D իլյուստրացիոն տեսանյութ Իրանի Նաթանզ քաղաքում ուրանի հարստացման գործարանից՝ ցուցադրելով, թե որքան մանրամասն է տիրապետում տեղում օպերատիվ իրավիճակին։