🟨 Իրանը հայտարարել է, որ չի մասնակցի Օմանում կայանալիք ԱՄՆ-ի հետ միջուկային բանակցությունների վեցերորդ փուլին:

🟨 Իսրայելի հարվածների արդյունքում Իրանում վնասվել են քաղաքացիական ենթակառուցվածքներ, այդ թվում՝ խոշոր շենք-շինություններ։

🟨 Մենք հարվածել ենք Իրանի բարձրագույն հրամանատարությանը, միջուկային զենքի առաջատար գիտնականներին և միջուկային ենթակառուցվածքներին:

▫️Երկար ժամանակ լինելու ենք առաջնագծում, շատ ավելի երկար, քան նախկինում սովոր էինք:

Իսրայելի վարչապետ Բենիամին Նեթանյահու

🟨 Իրանին Իսրայելի ավիահարվածներից հետո նավթի գինը համաշխարհային շուկայում բարձրացել է ավելի քան 9%-ով։

Reuters

🟨 Իսրայելը հարվածել է Իրանի Նաթանզի միջուկային կենտրոնին։

🟨 Իսրայելի ՊՆ-ն տեսանյութ է հրապարակել, թե Իրանի որ շրջաններն են գտնվել Իսրայելի հարձակման թիրախում։

🟨 Իսրայելական ավիահարվածները Իրանում բազմաթիվ ավերածություններ են առաջացրել։

ՖՈՏՈՇԱՐՔ

🟨 Իրանը, Իսրայելի հարվածների կապակցությամբ, ՄԱԿ-ի Անվտանգության խորհրդի արտակարգ նիստ է պահանջել:

IRNA

🟨 Իրանի Ֆորդոյի և Սպահանի միջուկային օբյեկտները Իսրայելի ավիահարվածներից չեն վնասվել։

▫️Նաթանզի միջուկային օբյեկտի վրա հարձակումից հետո ճառագայթման մակարդակի բարձրացում չի նկատվել։

ՄԱԳԱՏԷ-ի տնօրեն Ռաֆայել Գրոսսի

ՄԱՆՐԱՄԱՍՆԵՐ

🟨 Իրանի դեմ միակողմանի հարձակումը խորապես մտահոգիչ է։ Տեղի ունենալով բանակցությունների հաջորդ փուլից առաջ՝ այն վտանգում է խաղաղության ուղղված ջանքերը, ինչպես նաև տարածաշրջանային կայունությունն ու համաշխարհային խաղաղությունը։

▫️Դատապարտում ենք նման գործողությունները և կոչ անում անհապաղ դադարեցնել ռազմական գործողությունները ու պահպանել միջազգային իրավունքը

ՀՀ ԱԳՆ

🟨 Իսրայելը պետք է անհապաղ դադարեցնի իր ագրեսիվ գործողությունները, որոնք կարող են հանգեցնել ավելի լայնածավալ հակամարտությունների։

▫️Այս հարձակումը ցույց է տալիս, որ Իսրայելը չի ցանկանում, որ խնդիրները լուծվեն դիվանագիտական ճանապարհով։

Թուրքիայի ԱԳՆ

🟨 Կոչ ենք անում կողմերին լուծել առկա տարաձայնությունները բացառապես միջազգային իրավունքի նորմերին և սկզբունքներին համապատասխան՝ երկխոսության և դիվանագիտական միջոցներով։

▫️Հաշվի առնելով Մերձավոր Արևելքում իրավիճակի հետագա սրման ռիսկը՝ անհրաժեշտ է շարունակել դիվանագիտական շփումները համապատասխան միջազգային մեխանիզմների շրջանակներում։

Ադրբեջանի ԱԳՆ

🟨 Իրանում բարձրացվել է վրեժխնդրության կարմիր դրոշը։

🟨 Իսրայելը հարվածել է Իրանի ՀՕՊ դիրքերին՝ ոչնչացնելով տասնյակ ռադարներ և «երկիր-օդ» դասի հրթիռային կայաններ։

▫️Իրանի միջուկային ծրագիրը խափանելուն ուղղված գործողությունները կշարունակվեն։

Իսրայելի ՊՆ

🟨 Իրանին հասցված հարվածը Իսրայելի միակողմանի գործողությունն է։ Շատ կարևոր է, որ դաշնակիցները, այդ թվում՝ ԱՄՆ-ը, անհապաղ քայլեր ձեռնարկեն լարվածությունը թուլացնելու ուղղությամբ։

ՆԱՏՕ-ի գլխավոր քարտուղար Մարկ Ռյուտտե

🟨 Ըստ հաղորդումների՝ իսրայելական հրթիռը խոցել է շենքը՝ պայթելով ԻԻՀ հրամանատարներից մեկի տանը։

🟨 Ըստ իսրայելական ԶԼՄ-ների՝ իրանական բոլոր անօդաչու թռչող սարքերը հաջողությամբ խոցվել են։

🟨 Բելգորոդ-Դուբայ, Մինվոդի-Դուբայ և Կազան-Շարժա չվերթերը արտակարգ վայրէջք են կատարել Զվարթնոց օդանավակայանում` Իրանի օդային տարածքը փակ լինելու պատճառով:

Քաղավիացիայի կոմիտե /©️ Radar Armenia

🟨 Ձերբակալվել է նախկին վարչապետ Հովիկ Աբրահամյանը։

▫️Մեղադրվում է՝ փողերի լվացման, պաշտոնեական լիազորությունները չարաշահելու և ձեռնարկատիրությանն ապօրինի մասնակցության համար:

Հակակոռուպցիոն կոմիտե /©️ Radar Armenia

🟨 Ըստ իսրայելական ԶԼՄ-ների՝ պայթյուն է տեղի ունեցել Թավրիզի օդանավակայանի մոտակայքում։

🟨 Սուվերեն պետության, նրա քաղաքացիների և ատոմային էներգետիկ ենթակառուցվածքի օբյեկտների նկատմամբ չհրահրված հարվածները անընդունելի են։

▫️Իսրայելը գիտակցված ընտրություն է կատարել լարվածության հետագա սրման օգտին։

ՌԴ ԱԳՆ