🟨 Վրաստանում ցույցերը վերսկսվել են։ Ցուցարարները շարժվում են դեպի Ռուսթավելի պողոտա։

🟨 Գերմանիան Ուկրաինային կտրամադրի IRIS-T և Sea King ուղղաթիռներ։ Ուկրաինան դեկտեմբերին կստանա լրացուցիչ Patriot հրթիռներ և Gepard ինքնագնաց համալիր։

Օլաֆ Շոլց

🟨 Ամանորյա ձևավորման աշխատանքներով պայմանավորված՝ դեկտեմբերի 3-ին ժամը 00։00-ից մինչև դեկտեմբերի 5-ի ժամը 06։00-ն Բարեկամության ուղեանցը փակ կլինի։

Երևանի քաղաքապետարան

🟨 Հանրահավաքի մասնակիցներն ունեն տարբեր վտանգավոր առարկաներ։ Կոչ ենք անում դադարեցնել անօրինական գործողությունները և դուրս չգալ օրենքի սահմաններից։

Վրաստանի ՆԳՆ

🟨 Տեղի է ունեցել Վրաստանի և Ադրբեջանի ԱԳ նախարարների հեռախոսազրույցը։

▫️Ջեյհուն Բայրամովը և Մակա Բոչորիշվիլին ի թիվս այլ հարցերի քննարկել են նաև տարածաշրջանային խնդիրները։

ՄԱՆՐԱՄԱՍՆԵՐ

🟩 Այսօրվանից մեր քաղաքի տրանսպորտային ցանցն ավելացրել ենք 15 նոր տրոլեյբուսով, ինչպես նաև ներդրել ենք բանկային քարտերով վճարման հնարավորությունը։

▫️Սա կարևոր քայլ է հանրային տրանսպորտի զարգացման և բարելավման ճանապարհին։

Տիգրան Ավինյան

🟨 Թբիլիսիի խորհրդարանի ուղղությամբ ցուցարարները ճայթրուկներ են նետում։

🟨 Հայաստանը կանգնած է միջազգային գործողությունների առաջնագծում՝ որպես ցեղասպանության կանխարգելման ջատագով։

▫️Պատրաստ ենք մասնակցել տարածաշրջանային և միջազգային համագործակցության գործընթացներին։

Արարատ Միրզոյան

ՄԱՆՐԱՄԱՍՆԵՐ

🟨 Թբիլիսիի Ռուսթավելի պողոտայում սկսվել է հանրահավաքի ցրումը։

▫️Հատուկջոկատայիններն ու ոստիկանությունը բերման են ենթարկում ցուցարարներին։

🟨 Թբիլիսիում հատուկջոկատայինները կիրառել են արցունքաբեր գազ և ջրցան։

🟨 Ռուսթավելի պողոտան՝ այս պահին։

🟨 «Հըզբոլլահը» խախտել է հրադադարի ռեժիմը՝ 2 ականանետ արձակելով իսրայելական բանակի դիրքերի ուղղությամբ և պատասխան կտա։

Բենիամին Նեթանյահու

🟨 Իսրայելի պաշտպանության բանակը հայտնել է, որ հարվածներ է հասցնում Լիբանանում «Հըզբոլլահի» թիրախներին:

The Times of Israel

🟨 Թբիլիսիում իրավիճակը շարունակում է լարված մնալ։ Կան տուժածներ։

🟨 Սպասվում է առանց տեղումների եղանակ։

Եղանակը Երևանում դեկտեմբերի 3-ին՝

🌖 Ցերեկ +5 +7
🌗 Երեկո +1 +3
🌘 Գիշեր -1 +1

ՄԱՆՐԱՄԱՍՆԵՐ

🟨 Թբիլիսում գիշերը ևս բախումներ են տեղի ունեցել ակցիայի մասնակիցների և ոստիկանների միջև:

🟨 Ադրբեջանի Սումգայիթ քաղաքում և Նովխանի բնակավայրում գազի պայթյուններ են եղել:

ՄԱՆՐԱՄԱՍՆԵՐ

🟨 «Երևանի ավտոբուս» ՓԲԸ-ի մեծ թվով վարորդներ առանց որևէ նախնական ծանուցման հրաժարվել են դուրս գալ երթուղիներ։

▫️Միասնական տոմսային համակարգի ներդրմանը զուգահեռ էականորեն կրճատվել է ստվերային շրջանառությունը։

▫️Չնայած վարորդներին հայտնել են, որ ստվերային շրջանառության կրճատմանը զուգընթաց բարելավվելու են աշխատանքային պայմանները, այնուհանդերձ, մեծ թվով վարորդների կողմից հերթական անգամ առաջ են քաշվում անտրամաբանական պահանջներ, որոնք զուգորդվում են շանտաժի դրսևորումներով։

Երևանի քաղաքապետի խոսնակ Հայկ Կոստանյան

🟨 Վարորդների ամսվա ընթացքում 15 օրվա համար վարձատրությունն առանց հարկերի (մաքուր աշխատավարձ) կազմում է.

• MAN - 401,500 ֏
• Zhong Tong – 309,500 ֏
• Gazel City - 219,500 ֏

▫️ՀՀ աշխատանքային օրենսդրությամբ սահմանվում է, որ քաղաքային հասարակական տրանսպորտի կազմակերպության աշխատակիցները, գործադուլ իրականացնելու մասին առնվազն 14 օր առաջ պարտավոր են ծանուցել այդ մասին։

▫️Գործողություններին տրվելու է գնահատական աշխատանքային օրենսդրության շրջանակներում։ Դիմելու ենք պատկան մարմիններին՝ վերոնշյալ արարքներին պատշաճ քրեաիրավական գնահատական տալու նպատակով։

▫️Ժամանակավոր անհարմարության համար հայցում ենք երևանցիների ներողամտությունը։

Երևանի քաղաքապետի մամուլի խոսնակ

🟨 Եթե Կանադան չի կարողանում լուծել միգրացիոն հոսքերի և առևտրային հաշվեկշռի պակասորդի հարցը, ապա, կարող է դառնալ ԱՄՆ 51-րդ նահանգը, Թրյուդոն էլ` դրա նահանգապետը:

Դոնալդ Թրամփը՝ Կանադայի վարչապետին

Fox News

🟨 Խորհրդարանում Նարեկ Զեյնալյանին փոխարինող Ալեքսանդր Ավետիսյանը երդվեց: