🟨 Ճարտարի հետ կապված տեղեկությունները հնարավոր եղավ փոքր-ինչ ավելի հստակեցնել. 15։30-ի դրությամբ առկա նախնական տվյալներով, քաղաքացիականների շրջանում զոհ չունենք, կին-երեխաների մեջ վիրավորներ չունենք, քաղաքացիականներից մի տղամարդ վիրավորվել է։

Լրագրող Դավիթ Թորոսյան

🟧 Ցույցի ընթացքում անախորժություններ են արձանագրվում, ջարդել են մեքենայի դիմապակին, ոստիկանը վնասվածք է ստացել, հնչում են վիրավորանքներ։

🟨 🟧 Երևանի տարբեր փողոցներում մի քանի փոքրաթիվ խմբերով տարբեր ակցիաներ են իրականացնում. փորձեր են արվում ՀՀ անկախության տոնի օրը քաոսային ու խուճապային իրավիճակի տպավորություն ստեղծել։

🟨 Զանգվածային անկարգություններ կատարելու կասկածանքով ձերբակալվել է 28 մասնակից, որանցից 6-ը տարբեր հանցագործություններ կատարելու համար նախկինում դատապարտվածներ են։

🟧 Ղարաբաղի հայության ներկայացուցիչները հայտնել են, որ սոցիալական և հումանիտար հարցերի քննարկման համատեքստում վառելիքի հատուկ կարիք կա։ Միաժամանակ նրանք մարդասիրական օգնություն են խնդրել պարենային ապրանքների տեսքով։

Ադրբեջանի նախագահական

🟧 Հանդիպման արդյունքում նախատեսվում է ապահովել մանկապարտեզների և դպրոցների ջեռուցումը, ինչպես նաև բավարարել շտապ բուժօգնության և հրդեհաշիջման ծառայությունների կարիքները, ինչպես նաև նախատեսվում է արագ վառելիքով ապահովել և մարդասիրական աջակցություն:

Ադրբեջանի նախագահական

🟧 Հանդիպումն անցել է կառուցողական ու դրական մթնոլորտում։ Քննարկվել են ենթակառուցվածքների վերականգնման, ռեինտեգրացիայի և հայ բնակչության կյանքի կազմակերպման հարցերը Ադրբեջանի Սահմանադրության և օրենքների շրջանակներում։

Ադրբեջանի նախագահական

🟨 Ռուս զինվորականների 2 մեքենա է անցել Լաչինի անցակետով։

▫️Սակայն ԼՂ բնակչության մուտքն ու ելքը շարունակում է փակ մնալ պաշարված ԼՂ-ից։

🟨 Իմ ընկերները գրում են, որ Թաղավարդի գյուղացիները դուրս էին եկել գյուղից Ադրբեջանի հարձակման օրը, սփռվել կողքի գյուղերում, մի մասը արդեն հետ է եկել Թաղավարդ, մի մասն էլ դեռ կողքի գյուղերում են: Այնտեղ կա կապի խնդիր:

Թաթուլ Հակոբյան

🟨 Մարդիկ հուսահատ փնտրում են միմյանց՝ զանգահարելով ՄԻՊ գրասենյակ՝ իրենց հարազատների մասին գոնե ինչ-որ տեղեկություն իմանալու համար։ Ստեփանակերտի բոլոր փողոցները լցված են տեղահանվածներով՝ սոված, վախեցած և անորոշության մեջ։

Արցախի ՄԻՊ

🟨 Ռուս խաղաղապահներն ամեն ջանք գործադրել են, որպեսզի օգնեն ղարաբաղցիներին հեռանալ վտանգավոր տարածքներից։

▫️ԼՂ-ում տրանսպորտային միջանցքների ապաշրջափակման վերաբերյալ հստակություն դեռ չկա:

Դմիտրի Պեսկով

🟨 Ռուսաստանը հույս ունի Ղարաբաղում տևական զինադադարի և տարհանված խաղաղ բնակիչների վերադարձի հնարավորության վրա:

Դմիտրի Պեսկով

🟨 Տեղեկություն եմ ստացել, որ Թաղավարդում ամեն ինչ խաղաղ է, մարդիկ վերադառնում եմ գյուղ:

▫️ Մի՛ հավատացեք տարատեսակ կեղծիք տարածողներին և այդ անբարո ճանապարհով քաղաքական դիվիդնետներ կորզողներին:

Թաթուլ Հակոբյան

🟨 ԼՂ-ում առկա հեռախոսակապի խնդիրը պայմանավորված է ոչ բավարար քանակի կայանների աշխատանքով, ինչը հնարավոր կլինի կազմակերպել էլեկտրաէներգիայի մատակարարման կամ վառելիքի առկայության պարագայում:

«Ղարաբաղ տելեկոմ» ՓԲԸ

🟨 Վերջին օրերին մայրաքաղաքում անցկացվող ակցիաների ժամանակ մասնակիցների կողմից արձանագրվում են տարբեր խախտումներ։

▫️ Հորդորում ենք զերծ մնալ հակաօրինական արարքներից, չոտնահարել այլոց իրավունքները։

ՀՀ ՆԳՆ

🟨 Վիճաբանություն ճանապարհը փակած ցուցարարների և ճանապարհով անցնել ցանկացող վարորդների միջև։

🟨 ՀՅԴ անդամ, «Հայաստան» խմբակցության պատգամավոր Գեղամ Մանուկյանը հիվանդանոցից կոչ է արել դուրս գալ փողոց և միանալ ցուցարարներին` խոստանալով 2 օրից լինել շարքերում։

🟨 Ադրբեջանի ԱԳՆ-ն անընդունելի է անվանել Ֆրանսիայի ԱԳՆ հայտարարությունները ԼՂ-ում Ադրբեջանի ռազմական գործողությունների մասին:

🟨 Սեպտեմբերի 21-ին ՀՀ ԱԳ նախարարի տեղակալներ Վահան Կոստանյանը, Պարույր Հովհաննիսյանը և Մնացական Սաֆարյանը հանդիպումներ են ունեցել ՄԱԿ ԱԽ անդամ երկրների ՀՀ-ում հավատարմագրված դեսպանների հետ։

▫️Ներկայացրել են սեպտեմբերի 19-ին Ադրբեջանի կողմից սանձազերծված լայնածավալ ագրեսիայի հետևանքով ստեղծված իրավիճակը:

ՀՀ ԱԳՆ

🟨 Սեպտեմբերի 21-ին ռուսական միջնորդությամբ Եվլախ քաղաքում տեղի է ունեցել Ադրբեջանի և Արցախի ներկայացուցիչների միջև հանդիպում:

▫️Գործնական մթնոլորտում անցած հանդիպման ընթացքում քննարկվել են երկուստեք կարևորություն ունեցող մի շարք հարցեր: Կողմերը հատուկ ընդգծել են, որ առկա բոլոր հարցերն անհրաժեշտ է քննարկել խաղաղ մթնոլորտում՝ հանդիպումները շարունակելու պատրաստակամությամբ:

Արցախի տեղեկատվական շտաբ

🟧 Այս շաբաթվա սկզբին դեռ հանձնարարական եմ տվել, որ աշխատանքային խումբ ձևավորվի ԼՂ-ից տեղահանված, փախստական դարձած մարդկանց տեղափոխության ու կեցության կարիքները հոգալու համար։

▫️ Նման բան չկա, որ հատուկ տարածում են թեման, թե Հայաստանը չի ցանկանում ընդունել ԼՂ-ից եկող մարդկանց։

Նիկոլ Փաշինյան