🟨 Ստեփանակերտ. կրակոցներ են հնչում, որոնք երբեմն դադարում են, ապա վերսկսվում։

Տեսանյութը` լրագրող Մարութ Վանյանի։

🟧 Տարածաշրջանի խնդիրների լուծումը չպետք է լինի կոնֆլիկտների և լարվածության միջոցով, այլ խաղաղ միջնորդությամբ այնպիսի երկրների, ինչպիսին Իրանն է, որը հարևան է Հայաստանին ու Ադրբեջանին։

▫️ 2 կողմերին հասցվել է ուղերձը, որ Իրանը դեմ է տարածաշրջանի աշխարհաքաղաքական որևէ փոփոխության, և նրանք երաշխավորել են, որ որևէ քայլ չեն անի Իրանի այս մոտեցման դեմ։

Իրանի նախագահ Էբրահիմ Ռայիսի

🟨 Ադրբեջանի ՊՆ-ն հերքել է, թե կրակոցներ են արձակվել Ստեփանակերտի ուղղությամբ։

Կրակոցների փաստը, մինչդեռ, հաստատվում է տեսանյութերում։

🟧 Ադրբեջանցիները՝ զինված ուժերը, հաստատվել են Ստեփանակերտի երկու թաղամասերում՝ Արմենավան, նախկին՝ Կրկժան, և Աջափնյակ, նախկին՝ Մալիբեյլու:

▫️ Կրակոցները, որի մասին հաղորդում են օգտատերերը, տեղի է ունենում Ստեփանակերտից Շուշի տանող Արմենավանի հատվածում:

Լրագրող Թաթուլ Հակոբյան

🟨 Թեժ զրույց է տեղի ունեցել ՀՀ նախկին ՊՆախարար Սեյրան Օհանյանի և քաղաքացու միջև Եռաբլուրում։

🟧 «Ազատության» հետ զրույցում Մարտակերտի բնակիչը պատմում է ԼՂ-ում տիրող իրադրության մասին:

🟨 Եվլախում ընթացող բանակցությունների վայրի մոտից հեռացրել են բոլոր լրագրողներին։

🟧 Արտակ Բեգլարյանը հայտնում է, որ Ադրբեջանի ԶՈւ-ն հրադադարի ռեժիմը չի պահպանել, ավելին` Հաթերքում քաղաքացիական անձ է սպանել։

🟨 Ըստ ԼՂ-ից ստացվող տեղեկությունների` այժմ կրակոցներ չկան, ադրբեջանական ԶՈւ առաջխաղացման և Ստեփանակերտում դրոշ դնելու լուրերը նույնպես չեն հաստատվում։

🟨 Եվլախում ավարտվել է Ադրբեջանի և ԼՂ պատվիրակությունների հանդիպումը: Փոխանցում են ադրբեջանական զլմ-ները։

🟨 Ռուսական զլմ-ները հայտնում են, որ պայթյունի հետևանքով զոհված ռուս խաղաղապահներից 2-ը եղել են ԼՂ-ում ռուսական խաղաղապահ կոնտինգենտի հրամանատարի տեղակալները։

🟨 Վլադիմիր Պուտինը ադրբեջանական կողմի նախաձեռնությամբ հեռախոսազրույց է ունեցել Իլհամ Ալիևի հետ: Ալիևը ներողություն է խնդրել և խորը ցավակցություն հայտնել սեպտեմբերի 20-ին Ղարաբաղում ռուս խաղաղապահների ողբերգական մահվան կապակցությամբ։

🟨 Պուտինը Ալիևի հետ զրույցում ընդգծել է Ղարաբաղի հայ բնակչության իրավունքների և անվտանգության ապահովման կարևորությունը:

🟨 Ալիևը Պուտինի հետ զրույցում պատրաստակամություն է հայտնել նյութական օգնություն ցուցաբերել զոհված ռուս խաղաղապահների ընտանիքներին և հայտարարել, որ դեպքի առթիվ մանրակրկիտ հետաքննություն է իրականացվելու:

🟨 Թուրքիայի ՊՆ-ն իր աջակցությունն է հայտնել Ադրբեջանին:

🟨 Պուտինն ու Ալիևը պայմանավորվել են ակտիվացնել բանակցային գործընթացը՝ ներառյալ Բաքվի և Երևանի միջև խաղաղության պայմանագրի նախապատրաստումը։

🟨 Երևանում ՌԴ դեսպանատունը շնորհավորել է ՀՀ անկախության տոնի առթիվ` «եղբայրական հայ ժողովրդին այս ոչ սովորական ժամանակներում մաղթելով տոկունություն, խաղաղ ապագա և բարգավաճում»:

🟧 Դրոշի հետ կապված լուրերը նույնպես ստահոդ են, և ինչպես բոլոր այս տեսակի ֆեյք տեղեկությունները, միայն մեկ բանի են ծառայում՝ ահաբեկում են Արցախում շրջափակված, սովալլուկ ու պատերազմի մեջ գտնվող հազարավոր մարդկանց։

ՀՀ-ում Արցախի ներկայացուցչության մամուլի խոսնակ

🟨 Եվրախորհրդարանի ավելի քան 60 պատգամավորներ Ժոզեպ Բորելին հարցրել են, թե ինչ պատժամիջոցներ է պատրաստվում ԵՄ-ն կիրառել Ադրբեջանի դեմ՝ ԼՂ-ում ռազմական գործողությունների համար։

🟨 ԼՂ-ի պատվիրակությունը դուրս է եկել Եվլախից՝ ուղևորվելով դեպի Ստեփանակերտ:

🟨 Ադրբեջանական ԶԼՄ-ները հայտնում են, որ ԼՂ-ի և Ադրբեջանի ներկայացուցիչների հանդիպումից հետո մամուլի ասուլիս նախատեսված չէ, հնարավոր է մամուլի հաղորդագրության հրապարակում: