🟨 Մենք պետք է շարունակենք պինդ, համախմբված, սկզբունքային և հավատով լցված գնանք առաջ, պահենք, ամրացնենք մեր պետականությունը, մեր անկախությունը, անվտանգությունն ու մեր երեխաներին վերջապես ազատ, անկախ և խաղաղ Հայաստան ժառանգենք:

Ալեն Սիմոնյանի շնորհավորական ուղերձը՝ ՀՀ Անկախության տոնի առթիվ

🟨 Մենք խրախուսում ենք Հայաստանին շարունակել կառուցել լիարժեք ժողովրդավարություն՝ ապահովելով լավ կառավարում, իրավունքի գերակայություն և մարդու իրավունքների պաշտպանություն՝ ի շահ իր քաղաքացիների։

ԵՄ-ի շնորհավորական ուղերձը՝ ՀՀ Անկախության տոնի առթիվ

🟨 Ստեփանակերտի առավոտը՝ չկա էլեկտրականություն, իսկ բջջային կապը, ինտերնետը թույլ են։

Լուսանկարը՝ լրագրող Մարութ Վանյանի:

🟨 Մեր թշնամիները ձեռք ձեռքի տված շարունակելու են մեր անկախության, մեր ինքնիշխանության դեմ պայքարը։ Այս պայքարում միայն մենք ենք մեր օգնականը, մեր անկախության և ինքնիշխանության երաշխավորը։

▫️Առավել քան երբևէ բոլորիս այսօր անհրաժեշտ է միասնականություն և կայունություն։

Տիգրան Ավինյան

🟨 Լուսանկար Եվլախից՝ ԼՂ և Ադրբեջանի ներկայացուցիչների հանդիպումից:

🟨 Էլեկտրահամակարգը սնուցող մի շարք ենթակայաններ գտնվում են ադրբեջանական վերահսկողության տակ, ինչի պատճառով առայժմ հնարավոր չէ էլեկտրաէներգիայի մատակարարում իրականացնել։

Արցախի տեղեկատվական շտաբ

🟨 Տեղեկություններ են շրջանառվում, որ Ստեփանակերտում լսելի են կրակոցների ձայներ, խոսվում է անգամ հրետանային կրակոցների մասին:

Պաշտոնական հաստատում դեռ չկա:

🟨 Տեսանյութ՝ Եվլախի հանդիպումից:

🟨 1991թ. սեպտեմբերի 21-ի հանրաքվեում ՀՀ ժողովուրդն «այո՛» ասաց անկախությանը, բայց, ինչպես հետո պարզվեց, սա անկախության ճանապարհի ամենահեշտ մասն էր:

Նիկոլ Փաշինյան

🟨 Փորձություններով անցնելիս է, որ հասկացանք՝ անկախություն հռչակելը մի խնդիր է, այն նվաճելն ու ամրապնդելն այլ:

▫️Վերջին տարիներին մեր կրած տառապանքներն ու փորձությունները ՀՀ անկախության ու ինքնիշխանության համար մղվող պայքարի անբաժանելի մաս են:

Նիկոլ Փաշինյան

🟨 Վերջին շրջանում հաճախ եմ քննադատվում, որ արտաքին և տարածաշրջանային քաղաքականություն վարելիս հենվում եմ 1991թ. դեկտեմբերի Ալմա Աթայի հռչակագրին և դրա հետ փոխկապակցված փաստաթղթերի վրա, որոնք ստորագրվել են նաև ՀՀ կողմից:

Նիկոլ Փաշինյան

🟨 ՀՀ-ում ԵՄ դիտորդական առաքելությունը ուժեղացրել է պարեկությունը հայ-ադրբեջանական սահմանային հատվածներում և առճակատման գծում, ինչպես նաև Սոթք գյուղի մոտ՝ տեղում ռազմական և անվտանգային ցանկացած զարգացումների մասին զեկուցելու համար։

▫️Մենք վերահաստատում ենք մեր հավատարմությունը մանդատին և նպաստելու իրավիճակի կայունացմանը:

ՀՀ-ում ԵՄ դիտորդական առաքելություն

🟨 Շատերն ուղղակի և անուղղակի կոչ են անում հրաժարվել այդ փաստաթղթի վրա հիմնված քաղաքականությունից: Խնդիրն այն է, որ Ալմա Աթայի հռչակագիրն ու դրա հետ փոխկապակցված փաստաթղթերը ՀՀ հիմնական գործոններից են, որով արձանագրվում են նախկին ԽՍՀՄ հանրապետություններից 12-ի, այդ թվում՝ ՀՀ-ի անկախացման քաղաքական և իրավական հիմքը, ինչպես նաև անկախացման հիմնարար սկզբունքները:

Նիկոլ Փաշինյան

🟨 Այդ փաստաթղթի վրա հենված քաղաքականությունից հրաժարվելու կոչերը ՀՀ անկախությունից, ինքնիշխանությունից, տարածքային ամբողջականությունից հրաժարվելու կոչեր են, սրանից բխող բոլոր հետևանքներով:

Նիկոլ Փաշինյան

🟨 Եվլախում բանակցություններին ներկա է ռուս խաղաղապահների ներկայացուցիչը:

🟨 Այս պայմաններում առավելագույնս խաղաղությունը պետք է արժևորվի և այն չպետք է շփոթենք զինադադարի և հրադադարի հետ: Խաղաղությունը մի միջավայր է, որը զերծ է հակամարտություններից, միջպետական, ազգամիջյան կոնֆլիկտներից:

▫️Այս ճանապարհը հեշտ չէ, այն անցնում է արտաքին և ներքին ցնցումների միջոցով, և մենք պետք է անցնենք այդ ճանապարհը հանուն անկախության և պետականության:

Նիկոլ Փաշինյան

🟨 2021թ. ամռանը ձեր քվեով ՀՀ վարչապետ ընտրվեցի «Ապագա կա՛» կարգախոսով: ՀՀ խաղաղ, ժողովրդավար, բարեկեցիկ, ստեղծարար և երջանիկ ապագան այն նպատակն է, հանուն որի կրում ենք այս փորձությունները, հանուն որի քայլում ենք այս ճանապարհով:

Նիկոլ Փաշինյան

🟧 Ստեփանակերտի հարակից տարածքներից ադրբեջանական զինուժը, խախտելով հրադադարի մասին պայմանավորվածությունը,
կրակում է հրաձգային տարբեր զինատեսակներից:

▫️Կրակոցները լսելի են նաև մայրաքաղաքի կենտրոնում։ Անվտանգության նկատառումներից ելնելով` հորդորում ենք մնալ ապաստարաններում։

Արցախի ՆԳՆ

🟨 Ստեփանակերտ. կրակոցներ են հնչում, որոնք երբեմն դադարում են, ապա վերսկսվում։

Տեսանյութը` լրագրող Մարութ Վանյանի։

🟧 Տարածաշրջանի խնդիրների լուծումը չպետք է լինի կոնֆլիկտների և լարվածության միջոցով, այլ խաղաղ միջնորդությամբ այնպիսի երկրների, ինչպիսին Իրանն է, որը հարևան է Հայաստանին ու Ադրբեջանին։

▫️ 2 կողմերին հասցվել է ուղերձը, որ Իրանը դեմ է տարածաշրջանի աշխարհաքաղաքական որևէ փոփոխության, և նրանք երաշխավորել են, որ որևէ քայլ չեն անի Իրանի այս մոտեցման դեմ։

Իրանի նախագահ Էբրահիմ Ռայիսի

🟨 Ադրբեջանի ՊՆ-ն հերքել է, թե կրակոցներ են արձակվել Ստեփանակերտի ուղղությամբ։

Կրակոցների փաստը, մինչդեռ, հաստատվում է տեսանյութերում։