🟧 ՌԴ խաղաղապահ կոնտինգենտի տեղակայման ճամբարում շարունակում են հավաքվել ԼՂ քաղաքացիները։

▫️Խաղաղապահ զորախումբ է հասցվել մոտ 5000 մարդ: ԼՂ-ի բոլոր տարհանված բնակիչներին տրամադրվել են հանգստի վայրեր և տաք սնունդ։

Տեսանյութը` ՌԴ ՊՆ-ի։

🟨 Միացյալ Նահանգներն աջակցում է Հայաստանի ինքնիշխանությանը, անկախությանը և տարածքային ամբողջականությանը:

▫️Մենք կշարունակենք ջանքերը մեր երկկողմ հարաբերությունների ու տնտեսական կապերի ընդլայնման ուղղությամբ։

Էնթոնի Բլինքենի շնորհավորական ուղերձը՝ ՀՀ Անկախության տոնի առթիվ

🟨 ԼՂ պատվիրակությունն արդեն շարժվում է դեպի Եվլախ։

🟨 Ըստ ադրբեջանական աղբյուրների՝ Եվլախում հանդիպմանը արցախյան կողմը ներկայացնելու է նորանշանակ պետնախարար, Արցախի «Ազատ հայրենիք-ՔՄԴ» խմբակցության նախկին ղեկավար Արթուր Հարությունյանը:

🟨 Տարածաշրջանում հակամարտությունները շարունակելու պատճառ չկա, և մենք հույս ունենք, որ սրանից հետո տարածաշրջանում որևէ պատերազմի ականատես չենք լինի։

Իրանի ԱԳՆ խոսնակ

🟨 Ադրբեջանական ԶԼՄ-ները նշում են, որ ադրբեջանական կողմին Եվլախում ներկայացնում է խորհրդարանական պատգամավոր Ռամին Մամեդովը, որին մարտին Իլհամ Ալիևը նշանակել է Ղարաբաղի տարածաշրջանի հայ բնակիչների հետ շփումների պատասխանատու։

🟨 Արցախի պատվիրակությունը ժամանել է Եվլախ:

🟧 Եվլախում սկսվել է Արցախի պատվիրակության հանդիպումը ադրբեջանական կողմի հետ։

🟨 Տեսանյութ հանդիպման առաջին դրվագից։

🟨 Եվլախում հանդիպմանը արցախյան կողմը ներկայացնում է Արցախի պատգամավոր Դավիթ Մելքումյանը:

🟨 Երեկ Հանրապետության հրապարակից բերման է ենթարկվել 30 անձ, որից 28-ը ձեռնարկված քրեական վարույթի շրջանակներում`
փոխանցվելով ՔԿ-ին։

ՆԳՆ/©Radar Armenia

🟨 Մենք պետք է շարունակենք պինդ, համախմբված, սկզբունքային և հավատով լցված գնանք առաջ, պահենք, ամրացնենք մեր պետականությունը, մեր անկախությունը, անվտանգությունն ու մեր երեխաներին վերջապես ազատ, անկախ և խաղաղ Հայաստան ժառանգենք:

Ալեն Սիմոնյանի շնորհավորական ուղերձը՝ ՀՀ Անկախության տոնի առթիվ

🟨 Մենք խրախուսում ենք Հայաստանին շարունակել կառուցել լիարժեք ժողովրդավարություն՝ ապահովելով լավ կառավարում, իրավունքի գերակայություն և մարդու իրավունքների պաշտպանություն՝ ի շահ իր քաղաքացիների։

ԵՄ-ի շնորհավորական ուղերձը՝ ՀՀ Անկախության տոնի առթիվ

🟨 Ստեփանակերտի առավոտը՝ չկա էլեկտրականություն, իսկ բջջային կապը, ինտերնետը թույլ են։

Լուսանկարը՝ լրագրող Մարութ Վանյանի:

🟨 Մեր թշնամիները ձեռք ձեռքի տված շարունակելու են մեր անկախության, մեր ինքնիշխանության դեմ պայքարը։ Այս պայքարում միայն մենք ենք մեր օգնականը, մեր անկախության և ինքնիշխանության երաշխավորը։

▫️Առավել քան երբևէ բոլորիս այսօր անհրաժեշտ է միասնականություն և կայունություն։

Տիգրան Ավինյան

🟨 Լուսանկար Եվլախից՝ ԼՂ և Ադրբեջանի ներկայացուցիչների հանդիպումից:

🟨 Էլեկտրահամակարգը սնուցող մի շարք ենթակայաններ գտնվում են ադրբեջանական վերահսկողության տակ, ինչի պատճառով առայժմ հնարավոր չէ էլեկտրաէներգիայի մատակարարում իրականացնել։

Արցախի տեղեկատվական շտաբ

🟨 Տեղեկություններ են շրջանառվում, որ Ստեփանակերտում լսելի են կրակոցների ձայներ, խոսվում է անգամ հրետանային կրակոցների մասին:

Պաշտոնական հաստատում դեռ չկա:

🟨 Տեսանյութ՝ Եվլախի հանդիպումից:

🟨 1991թ. սեպտեմբերի 21-ի հանրաքվեում ՀՀ ժողովուրդն «այո՛» ասաց անկախությանը, բայց, ինչպես հետո պարզվեց, սա անկախության ճանապարհի ամենահեշտ մասն էր:

Նիկոլ Փաշինյան

🟨 Փորձություններով անցնելիս է, որ հասկացանք՝ անկախություն հռչակելը մի խնդիր է, այն նվաճելն ու ամրապնդելն այլ:

▫️Վերջին տարիներին մեր կրած տառապանքներն ու փորձությունները ՀՀ անկախության ու ինքնիշխանության համար մղվող պայքարի անբաժանելի մաս են:

Նիկոլ Փաշինյան