🇺🇿 O'zbekiston Respublikasi Davlat madhiyasi.

👉Kanalimizga ulaning va do’stlaringizga ulashing:
👉https://t.iss.one/RMMMTSHB

🌞🌞🌞🌞XAYRLI TONG

Assalomu alaykum! Dushanba tonggi muborak bo'lsin!

Bugungi boshlanayotgan yangi kuningiz fayzli va barokatli bo‘lsin!
Siz va yaqinlaringizni yaxshi kayfiyat aslo tark etmasin!

👉Kanalimizga ulaning va doʻstlaringizga ulashing:
👉https://t.iss.one/RMMMTSHB

IQTIBOS

🖇 Kitobdan emas, kitobsizlikdan qo‘rqing. Kitob istiqbolga yo‘llangan maktubdir… Bashang kiyingan hayajon, mumiyolangan tafakkur…

✍️ Jemil Merich

👉Kanalimizga ulaning va doʻstlaringizga ulashing:
👉https://t.iss.one/RMMMTSHB

Bugun Prezident Shavkat Mirziyoyev O‘qituvchi va murabbiylar kuni munosabati bilan davlat mukofotlarini topshiradi hamda soha vakillari bilan ta’limda amalga oshirilayotgan ishlar va kelgusidagi ustuvor vazifalar yuzasidan muloqot o‘tkazadi.

Shuningdek, davlatimiz rahbari yangidan tashkil etilgan Abdulla Avloniy nomidagi Pedagogik mahorat milliy institutida yaratilgan sharoitlar bilan tanishadi.

👉Kanalimizga ulaning va doʻstlaringizga ulashing:
👉https://t.iss.one/RMMMTSHB

Bugun ta’lim va tarbiya sohasidagi barcha o‘zgarishlar markazida bilimdon, ijodkor, vatanparvar va jonkuyar muallim shaxsi turishi kerakligi ko‘rsatib o‘tildi.

Aks holda sohaga yo‘naltirayotgan shuncha mablag‘, qurilayotgan bino va inshootlar, moddiy-texnik baza havoga sovurilgandek bekorga ketishi qayd etildi.

“Biz bunga hech qachon yo‘l qo‘ymasligimiz lozim. Davlatning, xalqning peshona teri bilan topgan boyligi, birinchi navbatda, yosh avlod tarbiyasi uchun, kelajagimiz uchun ishlashi shart”,

- dedi Prezident.

👉Kanalimizga ulaning va doʻstlaringizga ulashing:
👉https://t.iss.one/RMMMTSHB

O‘tgan davrda ilgari e’tibordan chetda qolgan yo‘nalishlar, xususan, pedagogik ta’limga, uning ilmiy, nazariy va amaliy asoslariga e’tibor kuchaytirildi.

Kadrlar yetishmovchiligini bartaraf etish uchun oliygohlarda sirtqi ta’lim shakli tiklandi.

O‘qituvchilarga mahorati va erishgan yutuqlariga qarab to‘lanadigan ustamalar soni 3 tadan 17 taga oshirildi.

O‘z ustida astoydil ishlagan, xorijiy sertifikat olgan 6 ming o‘qituvchi 10 million so‘mdan ziyod maosh olmoqda. 2020-yilda bunday o‘qituvchilar 102 nafar bo‘lgan.

Albatta, bu hali yetarli emasligi, lekin ushbu raqam keyingi ikki yilda 5,3 barobar oshgani ta’kidlandi.

👉Kanalimizga ulaning va doʻstlaringizga ulashing:
👉https://t.iss.one/RMMMTSHB

Abdulla Avloniy nomidagi institut pedagoglarda kasb mahoratini oshirishga mas’ul bo‘lishi belgilandi.

Institutning 12 ta hududiy markazini zamonaviy qiyofaga keltirish va jihozlash uchun yaqin 3 yilda byudjetdan har yili 50 milliard so‘m ajratiladi.

Hokimlarga joylardagi barcha malaka oshirish markazlarini zamonaviy qiyofaga keltirish topshirildi.

Malaka oshirishda vazirlik, malaka oshirish markazi, maktab va bog‘chani bog‘laydigan vertikal tizim yo‘lga qo‘yiladi.

Bundan tashqari, joylarda 1 ming 300 ta tayanch maktab va 200 ta bog‘cha tanlab olinib, ulardagi yetakchi o‘qituvchilar yosh pedagoglar uchun “Kasbiy rivojlanish kuni” va “Kasbiy rivojlanish soati”ni tashkil etadi.


Buning uchun yetakchi o‘qituvchilarning ish haqiga 20 foiz ustama qo‘shiladi.

👉Kanalimizga ulaning va doʻstlaringizga ulashing:
👉https://t.iss.one/RMMMTSHB

Muallimlarni qo‘llab-quvvatlash, ularning mehnatini munosib rag‘batlantirish albatta davom ettirilishi ta’kidlandi.

Kelgusi o‘quv yilidan xalqaro standartlar asosida malaka sertifikatini berish yo‘lga qo‘yiladi.

Sinovlarda 86 va undan yuqori ball olgan pedagoglar qo‘shimcha 70 foiz ustama oladi.

Misol uchun, oliy toifali biologiya o‘qituvchisi o‘z fani bo‘yicha xalqaro sertifikati bo‘lsa – 50 foiz, direktor jamg‘armasidan 40 foizgacha va yangi talabga javob bersa, yana 70 foiz ustama oladi.

Shu tariqa uning umumiy oylik maoshi 4 million 500 ming so‘mdan 12 million so‘mga yetadi.

O‘qituvchilar uchun 1 ming dollar maosh bugun real hodisaga aylanib borayotganini shu misolda yaqqol ko‘rish mumkin.

👉Kanalimizga ulaning va doʻstlaringizga ulashing:
👉https://t.iss.one/RMMMTSHB

Endi o‘qituvchilarga ham uy-joy sovg‘a qilinadi

“Yil o‘qituvchisi” tanlovi o‘tkaziladi va unda ishtirok etib 208 ta tuman va shahardan g‘olib bo‘lgan o‘qituvchilarga Prezident sovg‘asi sifatida uy-joy beriladi.

👉Kanalimizga ulaning va doʻstlaringizga ulashing:
👉https://t.iss.one/RMMMTSHB

Prezident maktablari va ixtisoslashgan maktablar tajribasi ommalashtiriladi.

Ushbu yo‘nalishda yana 1 mingta umumta’lim muassasasida Prezident maktablari va ixtisoslashgan maktablardagi baholash tizimini joriy etish boshlandi.

Lekin, ularning 300 tasida moddiy-texnik baza talabga mutlaqo javob bermaydi.

Tuman va shahar hokimlariga har haftada maktablardan xabar olish, kamchiliklarni bartaraf etish, muallimlar bilan yaqindan suhbat qurib, mavjud muammolarni hal etish ishlarini kuchaytirish topshirildi.

Viloyat, tuman va shahar hokimlari oldiga yangi baholash tizimi tatbiq qilinayotgan, lekin ta’mirga muhtoj 300 ta maktabni joriy ta’mirlash va jihozlash ishlarini olti oy muddatda yakunlash vazifasi qo‘yildi.

Bundan buyon hududlarning birinchi rahbarlari faoliyatiga baho berishda ta’limning sifati, maktablardagi sharoit, o‘qituvchilarning qadr-qimmati asosiy mezonlardan biri bo‘lishi belgilandi.

👉Kanalimizga ulaning va doʻstlaringizga ulashing:
👉https://t.iss.one/RMMMTSHB

Iqtidorli yoshlarni seleksiya qilish tizimi yangi bosqichga olib chiqiladi. Buning uchun xalqaro darajada fan olimpiadalariga tayyorlash markazi tashkil etiladi.

Rag‘batlantiriladigan xalqaro fan olimpiadalari soni 18 tadan 22 taga yetkaziladi.

Bunda nufuzli xalqaro olimpiadada oltin medal olgan o‘quvchiga – 170 million so‘m, kumush medalga – 102 million so‘m, bronza medal uchun – 68 million so‘m mukofot puli beriladi.

Shu bilan birga, ana shu o‘quvchilarning o‘qituvchilari 50 milliondan 150 million so‘mgacha mukofotlanib, ularga bir yilda 100 foizlik ustama olish imkoni yaratiladi.

Ilk bor xalqaro fan olimpiadalarida g‘olib bo‘lgan o‘quvchilar jamoasi rahbarlarini ham rag‘batlantirish tizimi yo‘lga qo‘yiladi.

Xalqaro fan olimpiadalarida g‘olib bo‘lgan farzandlarimizni tantanali kutib olib, ularni ham qahramonlar sifatida e’zozlab, xalqimizga tanitish zarurligi ta’kidlandi.

👉Kanalimizga ulaning va doʻstlaringizga ulashing:
👉https://t.iss.one/RMMMTSHB

Sifatli ta’limning ajralmas qismi bo‘lgan tarbiya va odob-axloq jarayonlari zamonaviy yondashuv asosida yo‘lga qo‘yiladi.

Shu maqsadda Qori Niyoziy nomidagi Tarbiya pedagogikasi milliy instituti yangidan tashkil etildi.

Ushbu institutning tarbiya sohasidagi milliy an’analarni o‘rganish, tiklash va zamonaviy ma’naviy-axloqiy tarbiya tizimini joriy qilish yo‘nalishidagi faoliyatini yanada kuchaytirish zarurligi qayd etildi.

Yoshlarimizda g‘oyaviy immunitetni shakllantirishda kattalar ham ijtimoiy tarmoqlarda faol bo‘lishi, bolalarimizga ijobiy ta’sir ko‘rsatishlari kerakligi ta’kidlandi.

Mutasaddilarga ota-onalar, o‘qituvchilar va o‘quvchilar uchun tarbiyaga oid raqamli kontent yaratish topshirildi.

Ushbu kontent “Milliy tarbiya” elektron platformasiga va yetakchi ijtimoiy tarmoqlarga joylashtirilib, doimo yangilab boriladi.

👉Kanalimizga ulaning va doʻstlaringizga ulashing:
👉https://t.iss.one/RMMMTSHB

Davlatimiz rahbari o‘quvchilarning kitobxonlik madaniyati doimo e’tibor markazida bo‘lishini ta’kidladi.

O‘quvchilarda kitobga bo‘lgan qiziqishni oshirish, ularga kitobxonlik madaniyatini singdirish uchun alohida tanlov o‘tkazib, g‘olib bo‘lgan yoshlarga avtomobil sovg‘a qilish yo‘lga qo‘yilgan.

Mutasaddilarga bu ishlarni yanada ommalashtirish va kerak bo‘lsa, eng olis qishloqdagi maktablarga ham yetkazish topshirildi.

Buning uchun maktablardagi ma’naviyat xonasi va kutubxonasi zarur texnika va optik tolali Internet tarmog‘i bilan ta’minlanadi, barcha maktablarning Alisher Navoiy nomidagi O‘zbekiston Milliy kutubxonasi elektron portalidan foydalanishi tashkil etiladi.

👉Kanalimizga ulaning va doʻstlaringizga ulashing:
👉https://t.iss.one/RMMMTSHB

Prezident yurtimizdagi barcha ota-onalar, ustoz va murabbiylarga murojaat qildi:

“Bizning dunyodagi eng aziz va moʻtabar xazinamiz – bu umrimiz guli va mevasi bo‘lgan farzand va nabiralarimizdir.

Hech shubhasiz, barchamiz ularning kelajakda baxtli va saodatli insonlar bo‘lib yashashini istaymiz. Lekin bunga erishish oson emas.

Ayniqsa, bugungi tahlikali davrda ezgu maqsadlarga yetish uchun insonga hushyorlik va ogohlik, qat’iy iroda, yuksak bilim va keng dunyoqarash, zamonaviy kasb-hunarlar har qachongidan ham zarur.

Ta’lim va tarbiya – butun jamiyatning muqaddas ishidir! Barchamizdan doimo hamjihatlik, faollik va fidoyilikni talab etadigan hayot-mamot masalasidir.

Ezgulik, bilim va ma’rifatni qurol qilib, jaholat va yovuzlik yo‘lini to‘saylik!

Farzandlarimizning baxti, yorug‘ kelajagi uchun, jonajon Vatanimiz istiqboli uchun mustahkam poydevor yarataylik!”

👉Kanalimizga ulaning va doʻstlaringizga ulashing:
👉https://t.iss.one/RMMMTSHB

Yoshlar qalbida vatanparvarlik tuyg‘usini kuchaytirishda sportchi murabbiylarimiz va harbiylarimiz ham faol bo‘lishlari zarurligi ta’kidlandi.

Bugun zamonning o‘zi har birimizdan ona yurt himoyachisi, vatanparvar bo‘lishni talab etmoqda.

Bunda ayniqsa mard va jasur serjant va ofitserlar, harbiy chaqiriqqa tayyorlash fani o‘qituvchilari o‘rnak bo‘lishlari kerak.

Hozir maktablarda qariyb 10 ming nafar ana shunday o‘qituvchilar faoliyat ko‘rsatmoqda. Afsuski, ularning aksariyatida harbiy sohadagi zamonaviy bilim va ko‘nikmalar, ular uchun ish sharoiti talab darajasida emasligi qayd etildi.

Endi mana shu o‘qituvchilar Mudofaa vaziri tomonidan zaxiradagi harbiy xizmatchilar tarkibi orasidan tayinlanishi belgilandi.

👉Kanalimizga ulaning va doʻstlaringizga ulashing:
👉https://t.iss.one/RMMMTSHB

So‘ng yurtimizning turli hududlarida faoliyat yuritayotgan maktab o‘qituvchilari va direktorlari o‘z fikr-mulohazalari bilan o‘rtoqlashdilar, taklif va tashabbuslarini aytdilar.

Yurtimiz maktab ta’limi tizimida bo‘layotgan ijobiy o‘zgarishlar, o‘qituvchilik kasbi nufuzi va maqomini yanada yuksaltirish, ustoz va murabbiylarning mehnatini munosib rag‘batlantirish bo‘yicha qilinayotgan keng ko‘lamli ishlar uchun davlatimiz rahbariga minnatdorlik bildirdilar.

Prezident pedagoglar ilgari surgan tashabbuslarni chuqur o‘rganib, amaliyotga tatbiq etish yuzasidan tegishli mutasaddilarga topshiriqlar berdi.

👉Kanalimizga ulaning va doʻstlaringizga ulashing:
👉https://t.iss.one/RMMMTSHB

Prezident Shavkat Mirziyoyev Abdulla Avloniy nomidagi pedagogik mahorat milliy institutiga tashrif buyurib, yangilangan sharoitlar bilan tanishdi.

👉Kanalimizga ulaning va doʻstlaringizga ulashing:
👉https://t.iss.one/RMMMTSHB

O‘zbekiston o‘qituvchi va murabbiylariga tabrik

👉Kanalimizga ulaning va doʻstlaringizga ulashing:
👉https://t.iss.one/RMMMTSHB

🇺🇿 O'zbekiston Respublikasi Davlat madhiyasi.

👉Kanalimizga ulaning va do’stlaringizga ulashing:
👉https://t.iss.one/RMMMTSHB

🌞🌞🌞🌞XAYRLI TONG

Assalomu alaykum! Seshanba tonggi muborak bo'lsin!

Bugungi boshlanayotgan yangi kuningiz fayzli va barokatli bo‘lsin!
Siz va yaqinlaringizni yaxshi kayfiyat aslo tark etmasin!

Aziz ustozlar, sizni kasb bayramingiz bilan chin qalbdan muborakbod etamiz.

👉Kanalimizga ulaning va doʻstlaringizga ulashing:
👉https://t.iss.one/RMMMTSHB