🗓O‘zbekistonda 1-noyabrdan nimalar o‘zgarmoqda ?

2022-yil 1-noyabrdan O‘zbekiston qonunchiligida ayrim o‘zgarishlar ro‘y beradi. Quyida ularning elektron xizmatlarga bog‘liq qismlarini eslatib o‘tamiz.

➡️ O‘zbekistonda tadbirkorlar faoliyatini tekshirishning yangi tartibi joriy etiladi

Nazorat qiluvchi organlar tomonidan tadbirkorlik sub’ektlari faoliyatida o‘tkaziladigan barcha tekshiruvlar «Yagona davlat nazorati» axborot tizimida ro‘yxatga olinadi.

Bunda, tadbirkorlik sub’ektlari faoliyatida mazkur tizimda ro‘yxatga olinmagan tekshiruvlarni o‘tkazish noqonuniy hisoblanadi.

➡️ Haydovchilar uchun beriladigan tibbiy ma’lumotlarning yagona elektron bazasi shakllantiriladi

Haydovchi va haydovchilikka nomzodlarning avtomototransport vositasini boshqarishga yaroqliligi to‘g‘risidagi tibbiy ma’lumotlarning yagona elektron bazasini shakllantiriladi va Yo‘l harakati xavfsizligi xizmatining avtomatlashtirilgan Yagona axborot tizimiga integratsiya qilinadi.

➡️ Yoshlarga kompyuter sotib olish uchun iste’mol krediti ajratiladi

IT-park rezidenti bo‘lgan tashkilotlarning axborot texnologiyalari sohasida tahsil olayotgan ishtirokchi sertifikatini olgan yoki ushbu o‘quv kurslarini so‘nggi 6 oyda muvaffaqiyatli tamomlagan yoshlarga kompyuter xarid qilish uchun BHMning 25 baravarigacha (7,5 mln so‘mgacha) iste’mol kreditlari ajratiladi.

➡️ O‘zini-o‘zi band qilgan shaxslar shug‘ullanishi mumkin bo‘lgan faoliyat turlari kengaytiriladi

Yana 10 ta faoliyat turi o‘zini o‘zi band qilgan shaxslar shug‘ullanishi mumkin bo‘lgan faoliyat (ishlar, xizmatlar) turlari ro‘yxatiga kiritiladi.

➡️ Fuqarolarga davlat xizmatlaridan foydalanishda qulayliklar yaratiladi

Aholi va tadbirkorlik sub’ektlariga elektron davlat xizmatlaridan foydalanish bo‘yicha yanada qulayliklar yaratish maqsadida ID-kartaga joylashtirilgan ERI kalitlari orqali Yagona portalning mobil ilovasida joriy etilgan elektron davlat xizmatlaridan foydalanishga ruxsat beriladi.

@Qashkadastrpress

Savol: - Kimlar yer solig‘i to‘lamaydi?

Javob:
- Yer solig‘idan quyidagi shaxslar ozod qilinadi:

🔹«O‘zbekiston Qahramoni», Sovet Ittifoqi Qahramoni, Mehnat Qahramoni unvonlariga sazovor bo‘lgan, uchala darajadagi Shuhrat ordeni bilan taqdirlangan fuqarolar;
🔹urush nogironlari va qatnashchilari, shuningdek ularga tenglashtirilgan shaxslar;

🔹I va II guruh nogironligi bo‘lgan shaxslar;
🔹Yolg‘iz pensionerlar. Yolg‘iz yoki voyaga yetmagan bolalari bilan yoxud nogiron bolasi bilan alohida uyda birga yashovchi pensionerlar yolg‘iz pensionerlar deb tushuniladi;

🔹Boquvchisini yo‘qotgan ko‘p bolali oilalar. Ota-onasidan biri yoki ota-onasi vafot etgan hamda oilada 16 yoshga to‘lmagan beshta va undan ortiq bolalari bo‘lgan oilalar;

🔹Chernobil AESdagi avariya oqibatlarini tugatishda ishtirok etganlik uchun imtiyozlar oladigan fuqarolar;

🔹Energiya resurslarining amaldagi tarmoqlaridan to‘liq uzib qo‘yilgan turar joylarda muqobil energiya manbalaridan foydalanuvchi shaxslar.

@Qashkadastrpress

Yil boshidan beri Qarshi shahar filialiga kelgan 300 ga yaqin murojaatlar ijobiy hal etilgan

Davlat kadastrlari palatasi Qashqadaryo viloyati boshqarmasi Qarshi shahar filialining Murojaatlar bilan ishlashga mas'ul bosh mutaxassisi Dilobar Hamrayeva filialga joriy yil boshidan buyon jismoniy va yuridik shaxslar tomonidan kelib tushgan murojaatlar soni haqida ma'lumot berdi.

Mas'ulning ta'kidlashicha, filialga yil boshidan beri jami 369 ta murojaatlar kelib tushgan.


"Kelib tushgan murojaatlarning   298  tasi kadastr xodimlari tomonidan ijobiy hal etilgan" deydi murojaatlar bilan ishlashga mas’ul bosh mutaxassis.

71 ta murojaatlar esa filial xodimlari tomonidan joyida koʼrib chiqilib, murojaat egalariga  huquqiy tushunchalar berilgan.

📄 MUROJAATLARNING

📄 128 tasi yer uchastkasi ajratish

📔 82 tasi kadastr hujjatlarini rasmiylashtirish

📚  110 ta SO’ROVNOMA

📜 49 ta mulkni davlat ro‘yxatidan o‘tkazish masalasida.

https://t.iss.one/Qashkadastrpress

Feruz Toirov— Kadastr agentligi viloyat boshqarmasi Yer va kadastr nazorati bo'limi boshlig'i

Qonunchilikka ko'ra, tasdiqlangan yer tuzish loyiha hujjatlaridan tegishli ruxsat bo'lmay turib chetga chiqish, xuddi shuningdek tegishli organlar bilan kelishmay turib obyektlarni joylashtirish, loyihalashtirish, qurish va ularni foydalanishga topshirish, davlat yer kadastri yuritish qoidalarini buzish, yerlardan foydalanish to'g'risidagi hisobotlarni buzib ko'rsatish, axborotlarni berishdan bo'yin tovlash yoki noto'g'ri axborot berish-

🔹fuqarolarga bazaviy hisoblash miqdorining uch baravari,

🔹mansabdor shaxslarga esa bo'ladi besh baravari miqdorida jarima solishga sabab bo'ladi.

Xuddi shunday huquqbuzarliklar ma'muriy jazo chorasi qo'llanilganidan keyin bir yil davomida takror sodir etilgan bo'lsa,

🔹fuqarolarga bazaviy hisoblash miqdorining besh baravari,

🔹mansabdor shaxslarga esa - o'n baravari miqdorida jarima solishga sabab bo'ladi.

@Qashkadastrpress

⁉️Koʻchmas mulklarga boʻlgan huquqlarni davlat roʻyxatidan oʻtkazishni amalga oshiruvchi organga yer uchastkasiga joy va qurilishga boʻlgan huquqni davlat roʻyxatidan oʻtkazish uchun oʻz vaqtida murojat etmaslik:

👉🏻Fuqarolarga bazaviy hisoblash miqdoriniing 10 barobari, ( BXM bugungi kun holatiga 3 000 000 soʻm );

👉🏻Mansabdor shaxslarga boʻlsa 15 barobari ( BXM bugungi kun holatiga 4 500 000 mingta soʻm ) miqdorida jarima qoʻllanishiga sabab boʻladi

‼️Hurmatli fuqarolar va tadbirkorlar!

Koʻchmas mulklarga boʻlgan huquqlarni oʻz vaqtida davlat roʻyxatidan oʻtkazishni amalga oshiraylik.

@Qashkadastrpress