🇺🇿🇺🇿🇺🇿🇺🇿 📚📚📚📚

РАСМИЙ МУНОСАБАТ

Оммавий ахборот воситаларида ва ижтимоий тармоқларда Фарғона вилоятида кадастр ходими қўлга олингани ҳақида хабарлар тарқалди.

🌟 Кадастр агентлиги мазкур ҳолатни кескин қоралайди ва бундай нопок ходимлардан тизим тозаланишидан манфаатдор эканлигини маълум қилади.

Шунингдек, яна бир бор қатъий равишда, нафақат ҳудудий бошқарма ва тизим ташкилотлари ходим ҳамда рахбарлари ҳатто, Кадастр агентлиги раҳбариятида ҳам ер ажратиш ёки унинг тоифасини ўзгартириш ваколат йўқ эканлигини таъкидлайди.

Бу масала юзасидан Агентлик томонидан юртдошларимизга мурожаат ҳам йўлланган.

Агентлик фаолиятида шаффофлик, қонунийлик ва жавобгарлик тамойиллари устувор ҳисобланади. Ҳар қандай ноқонуний хатти-ҳаракатлар юзасидан зудлик билан ҳуқуқни муҳофаза қилувчи органлар билан ҳамкорликда тегишли чоралар кўрилади.

Кадастр агентлиги барча ходимларини ўз хизмат бурчини сидқидилдан, ҳалол ва масъулият билан бажаришга, фуқаролар ва тадбиркорлар ишончини оқлашга чақиради.

Юртдошларимиздан эса собиқ ёки амалдаги кадастр ходимларининг ҳар қандай шубҳали таклифлари юзасидан ҳуқуқни муҳофаза қилувчи органларга мурожаат қилишларини сўраймиз.

#Kadastr_agentligi #Rasmiy_munosabat

📩 Telegram   |  📩 Instagram    |  📩YouTube    | 📩 Facebook       | 📩 Web-sayt

OGOHLIKKA CHORLOV!

Bugun ijtimoiy tarmoqlarda kadastr muhandisi mahalliy fuqaro tomonidan o‘zboshimchalik bilan egallab olingan yer maydoniga egalik guvohnomasini rasmiylashtirib, uy-joy qurish uchun ruxsat olib berish evaziga pul talab qilgani va tezkor tadbirda qo‘lga olingani haqida xabarlar tarqaldi.

🌟Kadastr agentligi bunday holat yuz bermasligi uchun yurtdoshlarimizga bir necha marotaba ogohlantiruvchi murojaat bilan chiqqan.

Bugun yana bir bor barcha yurtdoshlarimizni ogohlikka chaqiramiz.

Uzoq yillar davomida o‘zi yashab kelayotgan uyini rasmiylashtirib olishni niyat qilib yurgan halol insonlar ko‘p ammo, vaziyatdan foydalanib, noqonuniy yo‘llar bilan daromad qilishni reja qilib yurgan «uddaburonlar» ham yo‘q emas.

Sizlarni bunday nopok kimsalarning har qanday so‘zlari va va’dalariga ishonmaslikka chaqiramiz!

Birinchidan, mahallalar aniq tasdiqlangan reja asosida xatlovdan o‘tkaziladi. Biri qolib ikkinchisiga o‘tilmaydi, ya’ni xalq tili bilan aytganda “tezlashtirib berishning imkoni yo‘q!”.

Ikkinchidan, xatlovdan keyin «E’TIROF» dasturiga kiritilgan har bir holat bo‘yicha 15 dan ortiq vazirlik va idoralar xulosalarini beradi hamda kosmik suratlar yordamida tahlil qilinadi. Xalq tili bilan aytganda “ilojini qilib o‘tkazib bo‘lmaydi!”.

Uchinchidan, xatlov jarayonida qonun bilan aniq belgilab berilgan 8 ta toifaga kiruvchi holatlar o‘rganiladi. Hozirda egallab olib, qurilish qilib qonuniylashtirib olishni reja qilayotganlar javobgarlikka tortiladi va bu ishlar ham axborot tizimlari orqali nazorat qilinadi. Xalq tili bilan aytganda “tanish-bilish o‘tmaydi!”.

‼️Hurmatli yurtdoshlar, har qanday holatda ham firibgarlik, ta’magirlik yoki korrupsiya holatlariga duch kelsangiz huquqni muhofaza qilish organlariga xabar bering.

#Kadastr_agentligi #Murojaat

📩 Telegram   |  📩 Instagram    |  📩YouTube    | 📩 Facebook       | 📩 Web-sayt

🇺🇿🇺🇿🇺🇿🇺🇿 📣📣📣📣

🖍 DIQQAT E’LON! 🖍

🗣 ⭐️Kadastr agentligining UZKAD axborot tizimida optimizatsiya ishlari olib borilmoqda. Ushbu jarayon notarial, davlat xizmatlari markazi hamda Yagona interaktiv davlat xizmatlari (my.gov.uz) portali orqali arizalarni onlayn qabul qilish jarayoniga ta'sir o'tkazmasligini ma'lum qilamiz.

🟢Optimizatsiya ishlar yakuni bo'yicha qo'shimcha axborot beriladi.

#Kadastr_agentligi #e_lon #texnik_ishlar

📩 Telegram   |  📩 Instagram    |  📩YouTube    | 📩 Facebook       | 📩 Web-sayt