Qashqadaryoda Kadastr agentligining viloyat boshqarmasiga yer maydonini o‘zboshimcha egallab olish va noqonuniy qurilishlarga oid 700 ga yaqin murojaatlar kelib tushgan

2022-yilda Kadastr agentligining  Qashqadaryo viloyati boshqarmasiga O‘zbekiston Respublikasi Prezidentining Xalq qabulxonalari va Virtual qabulxonasi orqali  jami 1752 ta murojaat kelib tushgan.

Bu haqda Boshqarmaning  Tashkiliy nazorat va murojaatlar bilan ishlash shu’basi boshlig‘i Ruslan Xaitov ma’lumot berdi.

Mas’ulga ko‘ra, eng ko‘p murojaat yer maydonini o‘zboshimcha egallab olish, noqonuniy qurilish to‘g‘risida bo'lgan.

MUROJAATLARNING

📩 404 tasi Kadastr hujjatlarini tayyorlash to‘g‘risida

📩 686 tasi Yer maydonini o‘zboshimcha egallab olish, noqonuniy qurilish

📩 239 tasi Yer uchastkasini ajratib berish

📩 167 tasi Mansabdor shaxslar to‘g‘risida

📩 30 ta Kadastr ma’lumotlar bazasi bilan bog‘liq holatlar to‘g‘risida

📩 226 tasi Boshqa masalalar yuzasidan

Qo'shimcha qilinishicha, eng ko'p murojaatlar Nishon, Shahrisabz va Qamashi tumanlaridan kelib tushgan.

🕊kadastr xabarlari—@Qashkadastrpress

Ko‘chmas mulk obyektiga bo‘lgan huquqlar va ular bo‘yicha tuzilgan bitimlarni davlat ro‘yxatidan o‘tkazish

🔹Jismoniy shaxslarning yakka tartibda turarjoy qurish uchun berilgan yer uchastkasiga bo‘lgan huquqlarini davlat ro‘yxatidan o‘tkazish va davlat reyestridan ko‘chirmalar olish

Xizmati narxi - BHMning 1 baravari miqdori (300,000)

🔹Jismoniy shaxslarning noturarjoy obyektlari uchun berilgan yer uchastkasiga bo‘lgan huquqlarini davlat ro‘yxatidan o‘tkazish va davlat reyestridan ko‘chirmalar olish

Xizmati narxi - BHMning 3 baravari miqdori (900,000)

🕊kadastr xabarlari—@Qashkadastrpress

#Kadastr #OAV_BIZ_HAQIMIZDA

Qashqadaryoda kadastr filiallarida saqlanayotgan 720 mingga yaqin koʻchmas mulklarning arxiv hujjatlari raqamlashtirildi

Batafsil—https://effect.uz/884

🕊kadastr xabarlari—@Qashkadastrpress

Mulkka bo‘lgan taqiqni tasdiqlovchi hujjatlar

Binolar va inshootlarga bo‘lgan mulk huquqining cheklanishini tasdiqlovchi hujjatlar quyidagilardan iborat:

🔸binolar va inshootlar xatlab qo‘yilgani to‘g‘risidagi xabarnoma;

🔸binolar va inshootlarning boshqa shaxsga o‘tkazilishini taqiqlash to‘g‘risidagi xabarnoma;

🔸binolar va inshootlar ipotekasi to‘g‘risidagi shartnoma.

🔸tasarruf etish huquqisiz berilgan davlat orderi;

❗️Huquqlarning cheklanishi binolar va inshootlarga bo‘lgan huquqlarning cheklanishi to‘g‘risidagi maʼlumotlarni Reyestrga kiritish yo‘li bilan ro‘yxatdan o‘tkaziladi.

🕊kadastr xabarlari—@Qashkadastrpress

Ko'chmas mulkni boshqa shaxsga o'tkazishdagi davlat boji kamaytirildi

O'zbekiston Respublikasining 06.12.2022 yildagi O'RQ–808-sonli Qonuniga ko'ra, endilikda davlat boji quyidagi miqdorlarda undiriladi:

✅ ko'chmas mol-mulkni boshqa shaxsga o'tkazish bilan bog'liq shartnomalarni tasdiqlaganlik uchun:

🔹ko'chmas mol-mulk Toshkent, Nukus shaharlarida va viloyat markazlarida bo'lsa, BHMning 1 baravari
❗️ (ilgari ko'chmas mol-mulkning umumiy maydoniga qarab BHMning 1 baravaridan 3 baravarigacha);

🔹ko'chmas mol-mulk boshqa aholi punktlarida bo'lsa, BHMning 50 foizi
❗️(ilgari ko'chmas mol-mulkning umumiy maydoniga qarab BHMning 50 foizidan 1,5 baravarigacha edi).

🕊kadastr xabarlari—@Qashkadastrpress

#Qashqadaryo #kadastr_yer_nazorati

Koson tumanining Yangi O’zbekiston massivi hududidagi noqonuniy qurilishlar bartaraf etilmoqda.

Qonunchilikka ko'ra, yerlarni noqonuniy egallab olish ma'muriy va jinoiy javobgarlikka sabab bo'ladi.

Kadastr agentligining Koson tumani bo'limi xodimlari tomonidan olib borilayotgan tadbirlar davomida aholiga yerlarni noqonuniy egallab olishning huquqiy oqibatlari tushuntirib borilmoqda.

🕊kadastr xabarlari—@Qashkadastrpress

Qashqadaryo viloyati bo'yicha 3 066 ta tadbirkorlik uchun yer uchastkalarini ijara va mulk huquqi bilan shaffof AUKSION savdolari orqali sotib oling!

🔸 G'uzor tumanidan 248 ta (ko'rish)
🔹 Dehqonobod tumanidan 411 ta (ko'rish)
🔸 Qamashi tumanidan 416 ta (ko'rish)
🔹 Qarshi tumanidan 95 ta (ko'rish)
🔸 Koson tumanidan 220 ta (ko'rish)
🔹 Kitob tumanidan 101 ta (ko'rish)
🔸 Mirishkor tumanidan 326 ta (ko'rish)
🔹 Muborak tumanidan 237 ta (ko'rish)
🔸 Nishon tumanidan 305 ta (ko'rish)
🔹 Kasbi tumanidan 118 ta (ko'rish)
🔸 Ko'kdala tumanidan 39 ta (ko'rish)
🔹 Chiroqchi tumanidan 151 ta (ko'rish)
🔸 Shahrisabz tumanidan 83 ta (ko'rish)
🔹 Yakkabog' tumanidan 193 ta (ko'rish)
🔸 Qarshi shahridan 22 ta (ko'rish)
🔹 Shahrisabz shahridan 101 ta (ko'rish)

Video qo'llanmalar: https://t.iss.one/auksionvideo

🕊kadastr xabarlari—@Qashkadastrpress

KADASTR XIZMATLARIDAN MOBIL ILOVA ORQALI FOYDALANING

📲 Yagona interaktiv davlat xizmatlari portali mobil ilovasining yangi takomillashtirilgan talqini ishga tushirilgan bo‘lib, mobil ilova orqali ko‘rsatiladigan elektron xizmatlar soni 100 taga yetkazilishi rejalashtirilgan.

Kadastrga oid quyidagi xizmatlar portalning mobil ilovasida to‘liq ishga tushirildi:

🔹Kadastr pasportini shakllantirish;

🔹Turar joyning maydoni bo‘yicha maʼlumotnoma olish;

🔹Ko‘chmas mulk obyektlariga bo‘lgan huquqlarni davlat ro‘yxatidan o‘tkazishga ariza yuborish;

🔹Ko‘chmas mulk obyektlari davlat reyestridan ko‘chirmalar olish;

🔹Ko‘chmas mulk bo‘yicha ko‘chirma berish;

🔹Kadastr obyektiga taqiqni tekshirish.

👉Mobil ilovani yuklab olish

🕊kadastr xabarlari—@Qashkadastrpress

Qashqadaryo viloyati bo'yicha tadbirkorlik uchun 149 gektardan ziyod bo'sh yer uchastkalari onlayn auksion savdolariga chiqarilgan

Ma'lumki, tadbirkorlik obyektlarini qurish uchun yer uchastkalari faqat elektron onlayn-auksion orqali ajratilishi belgilangan.

2022-yilda Qashqadaryo viloyati bo'yicha 309,79 gektarga teng 8 386 ta bo‘sh yer uchastkasi “Yerelektron” AAT dasturiga kiritildi.

Elektron dasturga kiritilgan 4 682 ta bo‘sh yer uchastkalariga vakolatli tashkilotlar tomonidan ijobiy xulosalar berilgan bo'lsa, 3048 ta yer uchastkalari belgilangan talablarga mos kelmaganligi uchun berilgan takliflar rad qilingan. 656 ta yer uchastkalari esa vakolatli tashkilotlarning mahokama jarayonida.

Yakunlangan yilda “Yerelektron” AAT dasturiga kiritilgan bo‘sh yer uchastkalardan jami 4 682 ta qariyb 149,68 gektar bo‘sh yer uchastkalari elektron onlayn auksion savdolariga chiqarilgan. Shundan 1023 ta bo‘sh yer uchastkasi yuridik hamda jismoniy shaxslar tomonidan 22milliard 591million 533ming 99 so‘mga realizatsiya qilingan.

🕊kadastr xabarlari—@Qashkadastrpress

#Kadastr #murojaat

🟢Fuqaro hamda tadbirkorlarga murojaat.

➡️ Batafsil o'qish uchun

🌐 Telegram 🌐 Instagram 🌐YouTube 🌐 Facebook 🌐 Web-sayt

🌟Kadastr pasportini tayyorlash muddatlari haqida ma'lumotga egamisiz?

✔️Hukumat qaroriga ko‘ra, ko‘chmas mulk ob’ektini kadastr hisobiga olish va kadastr yig‘majildini shakllantirish natijasida ko‘chmas mulk ob’ekti bo‘yicha elektron shaklda kadastr pasporti rasmiylashtiriladi.

💻Ariza beruvchi kadastr pasportini olish uchun Davlat xizmatlari markaziga yoki YIDXP ro‘yxatdan o‘tadi.

🗂Ko‘chmas mulk ob’ektlarining turar joyga oid qismi bo‘yicha quyidagi muddatlarda amalga oshiriladi:

🔷ko‘p kvartirali uydagi kvartira – 3 ish kunigacha;
🔷yakka tartibdagi turar joy – 5 ish kunigacha;

🗂Ko‘chmas mulk ob’ektlarining noturar joyga oid qismi bo‘yicha:

🔷umumiy maydoni 100 kv.m. gacha - 5 ish kunigacha;
🔷umumiy maydoni 100 kv.m. dan 1000 kv.m. gacha - 7 ish kunigacha;
🔷umumiy maydoni 1000 kv.m. dan 5000 kv.m. gacha - 10 ish kunigacha;
🔷umumiy maydoni 5000 kv.m. dan 15000 kv.m. gacha - 15 ish kunigacha;
🔷umumiy maydoni 15000 kv.m. dan 50000 kv.m. gacha - 20 ish kunigacha;
🔷umumiy maydoni 50000 kv.m. dan ortiq - 25 ish kunigacha.

💰Kadastr yig‘majildi shakllantirilgandan so‘ng kadastr pasportini berish uchun to‘lov miqdori qiymati ko‘rsatilgan xabarnoma (invoys) Davlat xizmatlari markaziga yoki ariza beruvchiga elektron shaklda yuboriladi.

‼️ Kadastr pasportini berish uchun to‘lov qiymatlari Hukumatning 186-son qarori bilan belgilanadi.

🕊kadastr xabarlari—@Qashkadastrpress

Sovuq ob-havoda ko‘chaga chiqmasdan onlayn Kadastr xizmatlaridan foydalaning

🌐Elektron xizmatlardan foydalanib, sovuq havo sabab yo‘llarda yuzaga kelgan tirbandliklar, sirpanchiq yoki qor uyumlari ustida yurishning noqulayligi, avtobus kutib qolib, «sovuq o‘tishi» kabi dilni xira qiladigan holatlarga duch kelmaysiz.

✅Xizmatdan foydalanish uchun kerakli xizmatni tanlab ustiga bosing.

🔹Ko‘chmas mulk obyektlariga bo‘lgan huquqlarni davlat ro‘yxatidan o‘tkazishga ariza yuborish;

🔹Kadastr pasportini shakllantirish;

🔹Fuqarolarning nomida shaxsiy uy-joyi borligi yoki yo‘qligi to'g'risidagi maʼlumotnoma olish;

🔹Turar joyni noturar joy toifasiga o‘tkazishga qarorni olish;

🔹Bino va inshootning tashqi ko‘rinishini o‘zgartirishni kelishish;

🔹Ko‘chmas mulkni hadya etish yoki ayirboshlash hamda oldi-sotdi bo‘yicha murojaat yo‘llash;

🔹Turar joyning maydoni bo‘yicha maʼlumotnoma olish;

🔹Bino va inshootlarni ijara shartnomasini davlat ro‘yxatidan o‘tkazish;

🔹O‘zganing yer uchastkasidan cheklangan tarzda foydalanish huquqi (servitut) to'g'risidagi kelishuvni davlat ro‘yxatidan o‘tkazish;

🔹Qurilishi (rekonstruksiyasi) tugallangan bino va inshootlarni foydalanishga qabul qilish (yakka tartibdagi uy-joy qurish obyekti uchun);

🔹Qurilishi (rekonstruksiyasi) tugallangan bino va inshootlarni foydalanishga qabul qilish (Yakka tartibda uy-joy qurish obyekti bo‘lmagan obyekt uchun);

Shuningdek “Elektron litsenziyalash portali” orqali yuridik shaxslar

🔹Geodeziya va kartografiya faoliyatini yuritishga litsenziya olish uchun ariza berishlari mumkin.

🕊kadastr xabarlari—@Qashkadastrpress