#Qonunchilikdagi_yangiliklar

❗️Ko'p kvartirali uylardagi ko'chmas mulk bilan bog'liq bitimlar qarzdorlik mavjud emasligi tekshirilgandan so'ng tasdiqlanadi

“Ko'p kvartirali uylarni boshqarishni yanada samarali tashkil qilish chora-tadbirlari to'g'risida”gi Prezident qarori (PQ–278, 15.08.2023 y.) qabul qilindi

✅ Qarorga ko'ra, respublikadagi chegaralari belgilanmagan ko'p kvartirali uylarning tutash yer uchastkalari chegaralari belgilanib, “YERELEKTRON” axborot tizimiga kiritiladi.

🗓 2024 yil 1 yanvardan:

🔹ko'p kvartirali uylardagi ko'chmas mulk bilan bog'liq bitimlar notariuslar tomonidan mulkdorning majburiy badallar yoki to'lovlar bo'yicha qarzdorligi mavjud emasligi tekshirilgandan keyin tasdiqlanadi;

🔹majburiy badallarning yoki to'lovlarning eng kam miqdori Qurilish va uy-joy kommunal xo'jaligi vazirligi tomonidan belgilanadi;

🔹agrotexnik ishlov berishdan hosil bo'ladigan (daraxt va buta shox-shabbalari, barglari) va ko'p kvartirali uylarga tutash hududlarni tozalashdan hosil bo'lgan chiqindilarni maishiy chiqindilarni to'plash punktlarida yoki chiqindilarni olib chiqib ketish operatorlari bilan kelishilgan maxsus joylarda yig'ishga ruxsat etiladi.

➡️ Shirkatlar va boshqaruvchi tashkilotlarning hududiy elektr tarmoqlari korxonalari oldidagi qarzdorligi va ular uchun hisoblangan jarimalarning to'lov muddati 2024 yil 1 oktabrgacha kechiktiriladi.

🔰 Qaror bilan shuningdek, Qurilish va uy-joy kommunal xo'jaligi sohasida nazorat qilish inspeksiyasiga quyidagi qo'shimcha vakolatlar beriladi:

▫️ko'p kvartirali uylarni boshqarish organlari va joylar mulkdorlari tomonidan issiqlik ta'minotidan foydalanishda normativ-huquqiy hujjatlar talablariga rioya etilishi ustidan davlat nazoratini amalga oshirish;

▫️ko'p kvartirali uylardagi umumiy mol-mulk va ularga tutash yer uchastkalarida amalga oshirilgan ta'mirlash-tiklash ishlarining qonunchilik hujjatlari va texnik jihatdan tartibga solish sohasidagi normativ hujjatlarga muvofiq bajarilishi ustidan davlat nazoratini amalga oshirish.

🇺🇿 telegram | instagram | facebook

Ko‘chmas mulk obyektiga kadastr pasporti quyidagi hollarda rasmiylashtiriladi yoki qayta rasmiylashtiriladi.

◽️Ko‘chmas mulk obyekti bo‘yicha birlamchi xatlov ishlari bajarilganda;

◽️Ko‘chmas mulk obyektining bir qismi begonalashtirilganda yoki yer uchastkasi alohida bo‘linganda (bunda ikki qismga alohida kadastr pasporti shakllantiriladi);

◽️Qishloq xo‘jaligiga mo‘ljallanmagan yer uchastkalari xususiylashtirilgandan so‘ng ularning bir qismiga bo‘lgan huquq boshqa shaxsga o‘tganda;

◽️Yer uchastkasining maydoni yoki chegara nuqtalari o‘zgarganda;

◽️Ko‘chmas mulk obyektining manzilini belgilashda yoki o‘zgartirishda;

◽️Ko‘chmas mulk obyektining toifasi o‘zgarganda;

◽️o‘z yer uchastkasida tegishli ruxsatnomalarni rasmiylashtirmasdan qurilgan bino va inshootlar mavjud bo‘lganda.

Asos: O‘zbekiston Respublikasi Vazirlar Mahkamasining 02.09.2020 yildagi 535-sonli Qarori.

🇺🇿 telegram | instagram | facebook

Qashqadaryoliklar keyingi bosqichga chiqishdi

Vakillarimiz guruh bahslarida yuz foizli natija qayd etib, keyingi bosqichga yo'llanma olishdi.

Bugungi bahsda Kadastr agentligi jamoasi 5-1 hisobida mag'lub etildi.

⚽️ Gollarga jamoamiz safida to'p surayotgan Rustam Chulliyev hamda poker qayd etgan (4ta) Asad Xamrayev mualliflik qilishgan.

Ko'z tegmasin. Natija kutamiz🤝👍

🇺🇿 telegram | instagram | facebook

#Kadastr #Sayyor_qabul

DIQQAT EʼLON!

Hurmatli Dehqonobod tumani fuqarolari hamda tadbirkorlari!

🏢 Aholining Kadastr sohasidagi murojaatlarini ko‘rib chiqish maqsadida Qashqadaryo viloyati Dehqonobod tumani aholisi uchun sayyor qabul o‘tkaziladi.

📝 Kadastr hujjatlarini rasmiylashtirish, davlat ro‘yxatidan o‘tkazish va kadastr bilan bog‘liq boshqa muammolaringiz bo‘lsa, joriy yilning 25-avgust kuni soat 11-00 dan boshlab sayyor qabulda ishtirok etishingiz mumkin.

📌 Sayyor qabul Davlat kadastrlari palatasi Qashqadaryo viloyati boshqarmasi mas'ullari boshchiligida bo‘lib o‘tadi.

📍Manzil:Qashqadaryo viloyati, Dehqonobod tumani, "Istiqlol" MFY Mirzo Ulugbek ko'chasi. 5-son Bolalar musiqa va san'at maktabi binosi

🧑‍💻Qabulga yozilish uchun 75-227-51-13 telefon raqamiga murojaat etishingiz mumkin.

🇺🇿 telegram | instagram | facebook