#Қараөзек_районы

Қарақалпақстан Республикасы Кәмбағаллықты қысқартыў ҳәм бәнтлик министри С.Турманов Қараөзек районында болды.

Дәслеп Министрдиӊ басшылығында Кәмбағаллықты қысқартыў ҳәм бәнтликке көмеклесиў бөлиминиӊ жумысын және жетилистириўге қаратылған жыйналыс болып өтти.

Онда хызметкерлердиӊ жумыс нәтийжелигин артырыў, соныӊ ишинде халық пенен тығыз бир ислесиўин күшейтиў мәселесине дыққат қаратылды. Сондай-ақ, халықтыӊ мүрәжатлары менен унамлы жумыс алып барыў, жумыссыз қатламныӊ бәнтлигин тәмийинлеў көрсеткишлерин арттырыў мәселелери қарап шығылды. Хызметкерлердиӊ кәсиплик мәденияты, коррупция ҳалатларына жол қоймаў бойынша түсиниклер берилди.

Министрликтиң Мәлимлеме хызмети

Каналға ағза болыў: @QR_bantlik

Telegram 📍Instagram 📍Facebook 📍 Twitter

#Қараөзек_районы
#Министр_қабыллаўы

Қарақалпақстан Республикасы Кәмбағаллықты қысқартыў ҳәм бәнтлик министри бир топар пуқараларды қабыллады.

Қабыллаўда пуқаралар тәрепинен кәсипке окыў, бәнтлик ҳәм өзин-өзи бәнт етиў бойынша тийисли үскенелерди сатып алыўда субсиядия ажыратыў мәселелеринде мүрәжатлар жолланған болса, олар сол жердиӊ өзинде тийисли тәртипте көрип шығылды.

Қабыллаў жуўмағы менен 5 пуқараға қәнигеликлерине туўра келетуғын бос жумыс орынларына жоллама берилип, еки ҳаял қызға субсидия тийкарында тигиншилик машинасын сатып алыўға келисип алынды. Сондай-ақ, бир пуқараға өз қәлеўи бойынша Нөкис қаласындағы «Ишга марҳамат!» моноорайында «электрик» қәнигелиги бойынша кәсиплик билим алыўға жоллама берилди.

Министрликтиң Мәлимлеме хызмети

Каналға ағза болыў: @QR_bantlik

Telegram 📍Instagram 📍Facebook 📍 Twitter

#Қараөзек_районы

Миниср С.Туманов райондағы «Есим» аўыл пуқаралар жыйынында болып, мәҳәлле баслығы ҳәм ҳәким жәрдемшисиниӊ жумысы менен танысты.

Министр мәҳәлле баслығы менен сәўбетте мәҳәлле беслигиниӊ халық пенен еле де тығыз ислесиўин тәмийинлеў бойынша тийисли тапсырмалар берди. Сондай-ақ, Ҳәким жәрдемшисиниӊ аймақта шаӊарақлық исбилерменликти раўажландырыў ҳәм усы арқалы халықтыӊ бәнтлигин тәмийинлеў бағдарындағы жумыслары менен танысты.

Атап өтилгениндей, 2023-жылдыӊ өткен дәўиринде 91 пуқараға 1 млрд 185 млн жеӊиллетилген кредит ҳәм 6 пуқараға субсидия ажыратыў, сондай-ақ, 36 пуқараны кәсипке оқытыў есабынан бүгинги күнде жәми 319 жумыссыз пуқараныӊ бәнтлиги тәмийинленди. Усы күн ҳалатына мәҳәлледе 19 юридикалық ҳәм 13 жеке исбилерменлик субъектиныӊ жумысы жолға қойылды.

Министр өз гезегинде бул бағдарда ашық-айдынлық принципине әмел етип, кем тәмийинленген, жумыссыз пуқараларды есапқа алыў кереклигин атап өтти.

Министрликтиң Мәлимлеме хызмети

Каналға ағза болыў: @QR_bantlik

#Мәдений_ағартыўшылық_илаж

#Қараөзек_районы

⚡️«Өзбекстан улыўма уйимиз» дослық хәм мәденият фестивалы шеӊберинде районымыз орайында жайласқан Мәденият орайында «Қүдиретимиз – бирлик хәм аўызбиршиликте» сүрени астында мәдений ағартыўшылық илажы болып өтти.
Онда миллийлигимизди өзинде сәўлелендирген қыз узатыў, Бет ашар, бесик жыры, тысаў кесиў сыяқлы урп-әдетлеримизди сәўлелендириўши көргизбели шығыўлар, «Үрп-әдет ҳәм қәдириятлар миллет айнасы» атамасында көргезбелер, спортшылар шығыўлары, миллий ҳәрекетли ойынлар шѳлкемлестирилди. Илаж жуўмағында районлық мәденият бөлими хызметкерлери тәрепинен таярланған йошлы концерт бағдарламалары қатнасыўшыларға жоқары көтериңки кейпият инам етти.

Қараөзек районы ҳәкимлигиниң мәлимлеме хызмети

➡️@QaraozekHakimligi

#шембилик

#қараөзек_районы

“Мәҳәлле абат-журт абат” ураны астында өткерилип атырған улыўмахалықлық шембиликтен фоторепортаж.

➡️@QaraozekHakimligi

#Жасыл_мәкан

#Қараөзек_районы

⚡️Бүгинги күнде елимиз бойлап даўам етип атырған «Жасыл мәкан» улыўма миллий жойбары шеңбериндеги жумысларға Қарақалпақстан Республикасы Жоқарғы Кеңесиниң Комитет баслығы Ш. Өтемисов, район ҳәкими А. Баймуратов райондағы мәкеме, кәрхана ҳәм ғалаба хабар қураллары ўәкиллери қатнасып, районның көркейиўи ушын жақсы нийетлер менен терек нәллерин отырғызды.

Қараөзек районы ҳәкимлигиниң мәлимлеме хызмети

➡️@QaraozekHakimligi

#Мәнаўият
#Қараөзек_районы
#Қуралпа_АПЖ

⚡️Қараөзек районы «Қуралпа» аўыл пуқаралар жыйыны аймағындағы улыўма билим бериў мектеплериниң оқыўшы жаслары арасында руўхый-ағартыўшылық илаж шөлкемлестирилди.
Илажға Республика Руўхыйлық ҳәм ағартыўшылық орайы Қараөзек районлық бөлими, Қараөзек районларара Қорғаў бөлиминен мийманлар қатнасты.
Бүгинги илаж жазыўшы шайырлардың дөретиўшилик жумысларын өзинде сәўлелендирген китаплардың жаслар турмысындағы орны ҳәм әҳмийети, тәрбиялық характерге ийе екенлигин үгит-нәсиятлаў, жаслардың китап оқыўға, китапқумарлық мәдениятын раўажландырыўға бағдарлаў мақсетинде «Закаўат» интеллектуал ойын шөлкемлестирилди.
Онда аймақтағы мектеплерде билим алыўшы оқыўшы жаслардан ибарат топарлар өз-ара беллесип, ойын даўамында берилген сораўларға епшиллик ҳәм зийреклилик пенен жуўаплар берди.
Илаж жуўмағында жеңимпаз болған топарларға диплом ҳәм миннетдаршылықлар тапсырылды.

👉@QaraozekHakimligi

#Қараөзек_районы

Өзбекстан мәҳәллелери аўқамы Қараөзек районлық  бөлими тәрепинен «Ата мәкан» мәҳәллесинде район аймағындағы 13 пуқаралар жыйыны баслықлары ушын тәжрийбе алмасыў семинары шөлкемлестирилди.

Онда Халық депутатлары районлық кенесиниң депутатлары ҳәм Жаслар мәслаҳәт топарының ағзалары қатнасты.

Семинар даўамында мәҳәлле баслықлары «Ата мәкан» мәҳәллеси мысалында ис-ҳүжжетлерин жүргизиў тәртиби, соның ишинде, пуқаралар менен ислесиўде мәҳәлле баслығы ҳәм пүтин жетиликтиң тийкарғы ўазыйпалары бойынша көнликпелерге ийе болды.

➡️@QaraozekHakimligi