«Хошамет-2023» жылдың ең белсендилерин сыйлықлаў салтанаты өткерилди

Бүгин Бердақ атындағы Қарақалпақ мәмлекетлик академиялық музыкалы театрында «Хошамет-2023» жылдың ең белсендилерин сыйлықлаў салтанаты болып өтти.

Онда Қарақалпақстан Республикасы Жоқарғы Кеңесиниң Баслығы Аманбай Орынбаев cөзге шығып, соңғы жыллары елимизде халқымыздың абадан турмысын тәмийинлеў бойынша әмелге асырылып атырған жумысларға кең түрде тоқтап өтти.

Соны да айрықша атап өтиў орынлы, ҳүрметли Президентимиздиң Қарақалпақстанға деген жоқары итибары менен өткен бир жыл ишинде 7 тарийхый пәрман ҳәм қарарлар қабыл етилди. Ең баслысы, бул нызам ҳүжжетлери халқымыздың бүгинги турмысынан разылығын тәмийинлеўге қаратылған илажларға беккем тийкар болып хызмет етпекте.

Атап өтиў керек, бүгинги күнде жасларға айрықша итибар қаратылып, олардыӊ тереӊ билим алыўы, кәсип-өнер ийелеўи, спорт пенен шуғылланыўы, шет тиллерин үйрениўи, исбилерменликти жолға қойыўы, еӊ баслысы, ҳәр тәреплеме саламат, бәркамал әўлад болып кәмалға келиўи ушын барлық мүмкиншиликлер жаратылып берилмекте.

Бүгинги өткерилген сыйлықлаў салтанатында күнделикли турмысымызда түрли тараўларда пидайылық көрсетип киятырған жаслар, соның менен бирге, жасларға байланыслы мәмлекетлик сиясатты әмелге асырыўда өрнек болып киятырған мәмлекетлик ҳәм жәмийетлик басқарыў уйымларының ўәкиллери «Жылдың ең белсенди бирге ислесиўши шөлкеми», «Жаслар машқалаларын шешиўдеги белсендилиги ушын», «Жылдың ең белсенди мәҳәлле жаслар жетекшиси» ҳәм басқа да 19 номинация бойынша «Хошамет – 2023» сыйлығы менен хошаметленип, оларға диплом ҳәм баҳалы саўғалар тапсырылды.

Сыйлықлаў мәресими жас атқарыўшылар, көркем өнер ҳәм мәденият хызметкерлери тәрепинен таярланған концерт бағдарламасы менен даўам етти.


Қарақалпақстан Республикасы Жоқарғы Кеңесиниң Мәлимлеме хызмети

Каналға ағза болыў: @joqargikenes

✉Telegram 🌐Website 📱Instagram 📱Facebook 📱Twitter

Қараөзекте жаңа жылдың Шыршасы қурылмақта.

🌲Жақынласып қалған “Жаңа жыл” байрамы алдынан “Ғəрезсизлик гузары” майданына шырайлы етип безетилген шырша қурылмақта.
Быйлғы жылы, өзгеше шырайлы етип безетилген шырша əтирапында халқымызға театрластырылған тамашалар концерт шоу бағдарламалары усынылады.
Жаңа жыл қарсаңында түнги Қараөзек көринисиниң өзгеше болыўы ушын ҳәрекет етип атырған Абаданластырыў басқармасы хызметкерлери халқымыздың кеўил хошлығын көтериў мақсетинде, жаңа жыл тымсалы болған миллий нағыслар сәўлеленген безеклерди орнатпақта.
Кеше жаўған аппақ қар, ҳəр бир инсанның жүзлеринде қуўаныш сезимлерин пайда етип, кирип киятырған жаңа 2024-жылдан үлкен үмитлер күттирмекте.
Районымыз турғынларының жаңа жылдан күткен жақсы нийетлери қабыл болып, ҳəр бир шаңараққа мол ырысқы несийбе алып келсин!

Қараөзек районы ҳәкимлигиниң мәлимлеме хызмети

➡️@QaraozekHakimligi

Беруний районында шөлкемлестириў мәселелерине арналған гезексиз жетпис жетинши сессия басланды

Ҳәзирги ўақытта халық депутатлары Беруний районлық Кеңесиниң гезексиз жетпис жетинши сессиясы болып өтпекте.

Сессияның күн тəртибинде шөлкемлестириў мәселеси көрип шығылып атыр.

Онда Қарақалпақстан Республикасы Жоқарғы Кеңесиниӊ Баслығы Аманбай Орынбаев қатнаспақта.


Қарақалпақстан Республикасы Жоқарғы Кеңесиниң Мәлимлеме хызмети

Каналға ағза болыў: @joqargikenes

✉Telegram 🌐Website 📱Instagram 📱Facebook 📱Twitter

Беруний районы ҳәкими тайынланды

Усы жылдың 19-декабрь күни халық депутатлары Беруний районлық Кеңесиниң гезексиз жетпис жетинши сессиясы болып өтти.

Сессияның күн тəртибинде шөлкемлестириў мәселеси көрип шығылды.

Онда Қарақалпақстан Республикасы Жоқарғы Кеңесиниӊ Баслығы Аманбай Орынбаев қатнасты ҳәм шығып сөйледи.

Сессияда Хидиров Икром Торебаевич Беруний районы ҳәкими етип тайынланды.

Мағлыўмат орнында атап өтиў керек, И.Хидиров мийнет жолы даўамында бир қанша жуўапкершиликли лаўазымларда жемисли мийнет еткен.

Атап айтқанда, усы күнге шекем "Қарақалпақстан агрокластер" жуўапкершилиги шекленген жәмийети шөлкемлестириўшиси лаўазымында нәтийжели жумыс алып барған.


Қарақалпақстан Республикасы Жоқарғы Кеңесиниң Мәлимлеме хызмети

Каналға ағза болыў: @joqargikenes

✉Telegram 🌐Website 📱Instagram 📱Facebook 📱Twitter