Районда «Муғәллимлер ҳәм устазлар» байрамы кең түрде белгиленди.

⚡️Ғәрезсиз мәмлекетимиздиң ертеңги келешеги болған кәмил инсанларды тәрбиялап жетилистириўге өзиниң барлық өмирин бағышлаған теберик инсанлар болған муғәллимлеримиз бенен қәдирли устазларымыздың «1-октябрь Муғәллимлер ҳәм устазлар күни» улыўмахалықлық байрамы кең түрде белгиленди.
Байрам салтанатына район ҳәкими, билимлендириў хызметкерлери, нураный муғәллимлер менен мектеп оқытыўшылары қатнасты.
Онда район ҳәкими А. Баймуратов ҳәм басқалар шығып сөйлеп, өзлериниң барлық өмирин, қәлбиндеги нурын, меҳрин балаларға бағышлап, оларға илим-билим, өнер сырларын үйретип, халқымыздың иззет-ҳүрметине, шексиз алғысына мияссар болған устазларымызды кәсиплик байрамлары менен қутлықлап, өз миннетдаршылықларын билдирди.
Буннан соң, бир қатар алдыңғы тәжирийбели жоқары нәтийжелерге ерискен муғәллимлерге район ҳәкимлигиниң ҳүрмет жарлықлары, Өзбекстан ҳәм Қарақалпақстан халық билимлендириў ағласы көкирек нышанлары менен баҳалы саўғалары тапсырылды.
Байрам иләжы йошлы концерт бағдарламалары менен даўам етти.

Қараөзек районы ҳәкимлигиниң мәлимлеме хызмети

➡️@QaraozekHakimligi