Районда Рамазан мүнәсибети менен ифтарлық шөлкемлестирилди.

⚡️Қараөзек районында өткерилген ифтарлық (аўыз ашар) илажына райондағы кем тәмийинленген, өзгелер жәрдемине мүтәж инсанлар менен ораза тутып атырған пуқаралар мирәт етилди.
Иләжға район ҳәкими У. Утамбетов, сектор басышлары менен “Идрис ийшан” жәмәәтлик мешити имам хатиби А. Идрисовлар қатнасып, бәршени Рамазан айы менен қутлықлады ҳәм Рамазан айы инсанларды өз-ара меҳир-мириўбетли болыўға, нураныйлар ҳәм наўқаслардың жағдайынан хабар алыўға, мүтәжлерге қайыр-сақаўат көрсетиўге шақыратуғынлығын атап өтти.
Илаж даўамында диний тараў ўәкиллери ел-халқымыздың аманлығы, тынышлығы ҳәм аўызбиршилиги ушын жақсы тилеклерин билдирип, ақ патияға қол жайылды.
Жыйналғанлар бундай саўаплы ислер ушын өзлериниң шексиз миннетдаршылықлары менен шүкиршиликлигин билдирди.

Қараөзек районы ҳәкимлигиниң мәлимлеме хызмети
👇👇👇
@QaraozekHakimligi.

#Пресс_тур

Бүгинги күнде халықтың азық-аўқатлық өнимлерге болған талабы жүдә жоқары.
Қараөзек ППЖ жыйынында жайласқан Гидропоника усылында 1 гектардағы Ыссыханаға 20 мыңнан аслам помидор нәллери отырғызылып, бүгинги күнде Республикамыздың ишки базарларында арзан баҳада сатылмақта.
Сондай-ақ, райондағы бир қатар жас исбилерменлер мәмлекетимиз тәрепинен исбилерменлерге жаратылған имканиятлардан үнемли пайдаланып, жеңиллетилген кредит алып бәнтлигин тәмийинлеўге ериспекте. Райондағы исбилерменлерге жаратылған имканиятлар, исленип атырған жумыслар менен танысыў ушын Қарақалпақстан телерадиокомпаниясы журналистлери менен бир қатар тараў басшыларының қатнасыўында пресс-тур шөлкемлестирди.
Пресс-тур даўамында қатнасыўшылар усы тараўларда исленип атырған жумыслар ҳәм алдағы исленетуғын режелер менен танысып, Қарақалпақстан телеканалы “Хабар” бағдарламасына арнаўлы материаллар таярлады.

Ўбекчаси: https://qaraozek.uz/uz/news/9896/

Қараөзек районы ҳәкимлигиниң мәлимлеме хызмети

➡️@QaraozekHakimligi

Жаслар жетекшисиниң жәрдеми менен 5 жасқа ыссыхана қурып берилди.

⚡️Қараөзек районы «Бердақ» аўыл пуқаралар жыйыны аймағында 2024-жылдың январь айында жаслар арасында хатлаў жумыслары әмелге асырылды.
Хатлаў барысында аймақтағы бир қанша жумыссыз жасларымыз анықланып, оларға жәрдем көрсетиў бойынша мәнзилли бағдарламалар ислеп шығылды.
Соннан ыссыханаға өз қызығыўшылығын билдирген жумыссыз 5 жасқа ыссыхана қурып бериў режелестирилип, «Хожақ» аўылы турғыны Абдинайимов Имаматдинге үй алды қыйтақ жерден нәтийжели пайдаланыў мақсетинде 0,5 сотих майданға заманагөй типтеги ыссыхана қурып берилди.
Имаматдин жаслайынан дийқаншылық кәсибин таңлап, әкеси Саламат аға менен бул жолда оғада көп жетискенликлерге ерисип киятыр.

Толық оқыў:https://qaraozek.uz/news/9899/

Қараөзек районы ҳәкимлигиниң мәлимлеме хызмети
👇👇👇
@QaraozekHakimligi