Şübhəsiz, bizi çətin imtahanlar gözləyir. Görmüsünüz, bir gili yoğururlar, sonra ondan kuzə düzəldirlər. Bu kuzəni odun içinə qoyurlar ki, bişsin. Bu zaman qabların bir hissəsi sınır, bir hissəsi isə o qədər yanır ki, bişir, bərkiyir. Bundan sonra istifadəyə hazır olur, içində başqalarını da sirab edən sərin su gəzdirə bilir.
İnsan da bu cürdür. Məxsusən, Axırzaman insanı. Yandıqca yanacaq, ya sınacaq, ya da bişəcək.
Amma bir xeyri də budur. Münafiqlər üzə çıxacaq. Axır zaman imtahanlarının hikməti bundadır. Gizlində olanları üzə çıxarmaq. Bəli, uğultu ilə alışan fitnə işləri bizi gözləyir. Təvəssül və təvəkkül ən böyük sipərimizdir.

Orxan Məmmədov

Mən təəccüb edirəm. Bu insanın günahı sübut olmayıb. Çox böyük bir ittiham boynuna qoymaq istəyirlər. Ancaq videoda həyəcanlı musiqi qoymaqla hissləri ağıl və analizə qalib etmək istəyirlər. Hədəf də ruhani, İslam, uşaqlara olan Quran dərsləri və Məhərrəmlikdə uşaqların iştirakıdır. Yəni söhbət bir nəfərdən daha yuxarıdır.
Amma dindarlar sosial şəbəkələrə tökülüşüb bu çirkin planı ifşa etmirlər.
Təkrar deyirəm! Bu insan bizi məsxərə edib, "kəriməci" deyənlərin sırasında idi. Amma bizim insanlıq vəzifəmiz var. Belə rahat baxaq, bir insanı, üstündə şiə, ruhani adı olan bir şəxsi belə rahat şərləsinlər və biz də susaq!? Vallah, təəccüb edirəm!
Bunlar bizdən əl çəkən deyillər. Bir- bir qapıları döyəcəklər!
Yadımdadır, mərhum Hacı Ş. haqqında da çirkin bir iftira yaymışdılar. Baxmayaraq ki, onu saray cərəyanı hesab edirdik və edirik, o qədər bu məsələdə onu müdafiə etdik ki, axırda dostlar bizi qınamağa başladı. Amma düz iş gördüyümüzə əmin idim.
Qardaşlar! Dostlar! Bir az fəal olun! Görmürsünüz, alçaq insanlar necə dinə məsxərə edir, bu sübuta yetməmiş ittihamı əlində bayraq ediblər!?

Orxan Məmmədov

Allahın köməkliyi ilə bu gün Faust ruhunun müasir kimlik və siyasi baxışlara təsiri haqqında mühazirəni sizə təqdim edərik.

Ceyms Klir
"Atomik vərdişlər" kitabı.

Bir monet insanı varlandıra bilərmi? Deyəcəksiniz ki, əlbəttə yox. Bəs daha birini əlavə etsək? Daha birini? Daha birini? Hansısa məqamda kəmiyyət keyfiyyətə keçəcək. İndi təsəvvür edin ki, cüzi bir dəyişiklik həyatınızı tamamilə dəyişir. Fantastik səslənir! Amma monet məsələsindəki kimi, mürəkkəb faiz təsiri işə düşür. Nəhayət, budur, kiçik, amma müntəzəm bir hərəkət böyük nəticələrə gətirib çıxarıb. Atomik vərdişlər içində nəhəng gücün gizləndiyi kiçik dəyişikliklərdir! Siz çoxdan dəyişmək istəyirsiniz, amma alınmır. Kədərlənməyin! Günahkar siz deyilsiniz, sistemdir.
Ceyms Klir vərdişlər, motivasiya və iradə gücü haqqında mifləri ləğv edir. Elmi məlumatlar, tədqiqat nəticələri, şəxsi və uğurlu insanların təcrübəsinə söykənərək yaxşı vərdişləri qaçılmaz, pisləri isə qeyri-mümkün etməyin yollarını sadə və başa düşülən dildə izah edir.

Mənim gözəl kitab dünyam

📕 Y.B.Qippenreyter - Uşaqla necə ünsiyyət saxlamalı ?

#azərbaycanca   #uşaq #uşaqtərbiyyəsi

🔖 Uşaqla normal münasibətləri necə qurmalı?

Onu sözə qulaq asmağa necə məcbur etməli?

Çıxılmaz vəziyyətdə münasibətləri düzəltmək olarmı?

Siz kitabda bu və digər suallara cavab tapacaq­sınız, onları öz həyat təcrü­bənizdə necə həll etməyin yollarını biləcəksiniz.

Kitabda çoxlu illüstrasiyalar verilib, hansı ki, valideynlər və uşaq­lar ara­sında ünsiyyəti asanlaşdırır.

📖 Səhifə: 199

https://t.iss.one/kitabxanamm

Bu kanalda dünya ədəbiyyatının inciləri, bədii ədəbiyyat və motivasyon kitablarla tanış olacaqsınız.
Audio və PDF kitablarla sizin xidmətinizdə olarıq.

Bizimlə olun, kanalı izləyin!

Demokratiya nədir?
Əgər üç nəfər olsa, bunlardan ikisi savadsız və avam olsalar, üçüncüsü isə məsum imam belə olsa və səsvermədə o iki nəfərin nəzəri məsumun nəzərindən fərqli olsa, siyasi sistem çoxluğun nəzəri əsasında qurulsun!
Fikirləşirəm ki, aydın oldu.

Məntəqəni ciddi iltihablar gözləyir. Hamı bunu bilir, amma bədbinlik yağan rəngi qaçmış üzündə süni gülüşü saxlamağa çalışırlar.
Yaxın gələcək bizə böyük hadisələr, ağrılı və gözlənilməz gedişatlar, çətin, amma şirin qələbə vəd edir.
Mən səhnəni bu cür görürəm.

Orxan Məmmədov

Səid Cəlili.
Bu adamın atası Urmiyə azərbaycanlısı, anası Ərdəbil azərbaycanlısıdır. Özü Məşhəddə anadan olsa da, anası hələ də farsca yaxşı danışa bilmir.
Amma gör, bizim mətbuatda onun haqqında danışan varmı?

Əsrlər boyu Yaponiyada sərt və bir- birini amansızcasina öldürən samuray mədəniyyəti haqqında eşitmisiniz?
Bilirsinizmi ki, bu amansız və qanlı həyat tərzinin etik kodeksi konfusiçilik, buddizm və sintoizm kimi etiqadlar əsasında qurulub.
O cümlədən Şərqdə olan digər döyüş növlərinin qanla assosiasiya olan həyat tərzi də onların dini fikir sistemi əsasında qurulub.
Amma indiyə kimi "buddizm, hinduizm, sintoizm, konfusi etiqadı radikallıq, qan və müharibə təlimi verir" deyəni eşitmisiniz?
Çünki bunlar adətən varlı təbəqələrin mənafeyini qorumaq üçün bir- birini öldürürlər.
Amma İslam haqqında rahat bunu deyirlər. Çünki həqiqi İslam dinində "mənim kimi olan Yezid kimi olana beyət etməz"! İslam zülm təfəkkürü ilə mübarizəyə çağırır. Buna görə bu mübarizəyə stimul verən din linçlənməlidir.

Orxan Məmmədov

Fiziki müharibədə döyüş meydanı fiziki aləmdir: quru, dəniz, səma və kosmos...
İqtisadi müharibədə döyüş meydanı iqtisadiyyatdır.
Psixoloji müharibədə insanı qorxutmaq və ya təşviq etmək üçün döyüş meydanı insan psixologiyasıdır.
İnformasiya müharibəsində əsas döyüş meydanı mediadır.
Kiber müharibələrdə isə kiber məkandır.
Amma koqnitiv müharibədə və mental müharibədə döyüş meydanı sənin ağlın, zehnin və qəlbindir.
Bu, çox qorxulu və mürəkkəb müharibədir.
İnşaallah, bir dərs də koqnitiv müharibəni sizə ətraflı izah edərik.

Orxan Məmmədov

Bir neçə gün bundan qabaq bir nəfər bizimlə müxalifət edən, amma savadlı, məntiqli, ağzı təmiz və düşüncəli biri mənimlə görüşdü.
İki saata yaxın söhbətimiz oldu. Bu şəxs müxalif tərəfi dinləmişdi, hətta özü də onlardan idi. Amma bizi heç vaxt üz-üzə oturub dinləməmişdi.
Sonda durub məni qucaqladı və üzrxahlıq etdi.
Yaşasın ağıl, məntiq və masa üstündə isti çay.
Onunla (Allah peyğəmbəri ilə) birlikdə olanlar kafirlərə qarşı sərt, bir-birlərinə qarşı isə mərhəmətlidirlər. (Fəth-29)

Orxan Məmmədov

Dünyada desakrallıq mərhələsindən "yeni sakrallaşma" mərhələsi başlayıb.
Amma ağıl, ənənəvi tövhidi dinlər, insan kəraməti bu yeni sakrallaşma mərhələsində mənasını itirib.
Bunları düşündükcə tüklərim urpəşir, məni qorxu bürüyür.
Nə baş verdiyini az adam hiss edir, görür və başa düşür.
Bu arada adam haqqımızda hansısa şübhə yayıb, iftira vuranlara vaxt ayırmaq istəmir. Bunlar bilmirlər nə edirlər!

Xahiş edirəm, oxuduğunuz maraqlı kitab varsa, haqqında qısa məlumatla ( əgər imkan varsa) şərh yerinə yükləyin. Biz də kanalda onu paylaşaq. Səsli izah, ya xülasə də göndərə bilərsiniz.
Bu kanal bizim birgə kanalımızdır. Əsas hədəfimiz də insanları kitabsevər etməkdir.

Kıtabxanam - sirli dünyam

Dostlar! Bundan sonra, Allahın köməkliyi ilə, artıq kanala birbaşa nəzarət edərik. Sizdən xahiş edirəm, bizimlə həmkarlıq edin. Bu kanal kitaba məhəbbət oyatmaqla yanaşı həqiqi mədəni kimliyimizi də qaytarmaq dalıncadır. Burda sizin kömək və məsləhətlərinizə ehtiyac duyuram. Fəal olun, birgə kanalımızı gücləndirək.

Orxan Məmmədov

Bir az uşaq olaq!

Bir gün bir oğru bir şahın hüzuruna gəlir. Deyir ki, bəs, şah sağ olsun! Mən dünyanın ən mahir zərgəriyəm, bənzərsiz tac düzəldə bilirəm ki, şərqdən qərbə kimi hamının ağzı açıla qalar.
Şah da tamaha düşdü ki, lap yaxşı. Sənə nə lazımdır?
Usta da qayıtdı ki, mənə çoxlu daş - qaş, qızıl ver, özümü saxla yanında bir otaqda. Əgər deyilən vaxtda tacı düzəltməsəm boynumu vurdurarsan.
Əlqərəz, razılaşdılar. Şah oğruya cəvahirat , qızıl verdi, oğru da dostlarına ötürüb, aradan cixartdı. Vaxt gəlib çatanda şah dedi ki, tacı gətir, baxaq görək.
Oğru boş bir xonça götürdü, üstünə bir məxmər parça atdı, gətirdi şahın yanına. Deməli, şah oturub, vəzir- vəkil, əyanlar, nə bilim, alabaşlar-qarabaşlar, bütün dövlət işçiləri hamısı oturublar. Oğru gur və təntənəli səslə elan edir: "Ey şah və dövlət işçiləri! Mən misilsiz bir tac düzəltmişəm. Bu tacın özünəməxsusluğu bundadır ki, bunu ancaq xalqın cibini talamayanlar, cənab prezidenti aldatmayanlar, büdcədən oğurluq etməyənlər və cənab prezidenti, birinci xanımı çox sevənlər görə bilər! Hazırlaşın. Birinci, cənab baş nazir, səndən başlayırıq? Tac necədir? Bəyənirsən?" Bunu deyib pərdəni çəkdi. Vəzir baxıb gördü ki, tac- zad gormür. Kürəyini qorxudan tər basdı. Gördü ki, hamı biləcək şahın da xəbəri olmadan büdcədən hər il nə qədər mənimsəyir. Nəfəsi tıncıxa- tıncıxa dedi ki, bəh, bəh! Doğrudan da çox gözəl tacdır! Mübarək olsun! Mübarək olsun!
Sonra oğru üzünü vəkilə tutdu ki, cənab hakim, siz nə deyirsiniz?
Vəkil gördü ki, vəzir gördü, amma o, görmür! İndi biləcəklər ki, bir dəfə birinci xanımı söyub, bu qədər də rüşvət alıb və s... Səsi titrəyə - titrəyə dedi ki, bəh- bəh! Misilsiz tacdır. Lap möcüzədir, möcüzə!
Sonra oğru üzünü digər dövlət işçilərinə tutub onların nəzərini soruşdu! Hamı vəzirin və vəkilin bu qədər təmiz olub tacı gördüklərindən, amma özlərinin oğru, quldur, alçaq adam olmalarından utanaraq bir ağızdan qışqıraraq dedilər ki, əladır, əla! Dünyanın ən gözəl tacıdır!
Şah bütün bunları izləyə - izləyə utanıb yerə girdi ki, əəəə, mən nə qədər bu ölkənin sərvətini oğurlamışam ki, məndən başqa hami tacı gördü. Özünü sındırmayıb başını qaşıya- qaşıya dedi ki, doğrudan, çox zəhmət çəkmisən, belə gözəl tac düzəltmisən!
Əlqərəz, oğru yalandan guya tacı qoydu şahın başına və dala çəkildi, bir daha tamaşa etdi. Sonra dodaqlarını mırçıldada-mırçıldada dedi ki, bax, belə əzəmətli prezidentə, fateh prezidentə elə belə tac yaraşar.
Şah ona çoxlu ənam verib yola saldı.
Bir gün, iki gün keçdi. Şahın ürəyinə yaman şübhə düşdü. Bir gün vəziri təkləyib dedi, ay vəzir, mənə elə gəlir ki, başımda tac-zad yoxdur axı. Deyəsən yalandan mənim qoltuğuma verirsiniz. Vəzir də qayıdıb dedi ki, şah sağ olsun! Vallah, nə deyim! Mənə də elə gəlir ki, tac-zad yoxdur.
İndi kimdən soruşsunlar ki, dəqiq bilsinlər qəziyyə nədir? Bu anda yanlarından bir uşaq keçirdi. Vəzir dedi ki, a bala! Bir şahın başındakı tacına bax! Gör necədir? Xoşuna gəlir? Əlbəttə, onu ancaq vətənpərvər adamlar görə bilər.
Uşaq dönüb vəzirə elə baxdı ki, elə bil vəzir dəlixanadan- zaddan qaçıb gəlib. Eləmə tənbəllik, qayıdıb vəzirə deyə ki, əmi, məni dolamısan? Şahın başında tac nə gəzir?

Bəzən bir az uşaq olaq! Ümumi hay- küydən çıxaq, dünyaya bir az uşaq gözüylə, saf, olduğu kimi baxaq!

Orxan Məmmədov

Mənim bir qardaşım vardı. Din qardaşım. Ondan çox dərs aldım. Həyat dərsi. Bəlkə özü də hiss etmirdi. Bir dəfə onunla Höccətiyyə mədrəsəsinin həyətində çay içirdik. Əlindən qənd yerə düşdü. Qaldırıb təmizlədi və ağzına qoydu. Bu mənim zehnimdə həkk oldu. O vaxta kimi mən onu bu qədər sadə bilmirdim. Bu həm də mənə dərs oldu.
Bir din qardaşım vardı... Mədrəsənin böyür otağında tələbələri yığardı, ayətullah Kuhkəmərinin məzarının başında və hər gecə bir nəfər xütbə edərdi.
Sonra neçə il zindanda azad yaşadı. Qorxurdum ki, dəyişilə. Amma gördüm ki, həmin qəndi yerdən götürən adamdır. Gördüm ki, yenə din dərdini çəkir, yerdə qalan yükü qaldırmaq istəyir. Qollarına qüvvət! Dualarımdasan! Elə gün yoxdur ki, xatırlamayım səni!

Orxan Məmmədov