#Studentler_báhári
#Jańa_Ózbekstan_jaslar_mámleketi

“Jańa Ózbekstan jasları, birleseyik!” súreni astında ótkerilip atırǵan “Studentler báhári” festivalı sheńberinde Nókis kánshilik institutı jámááti aǵzaları kóp jıllar dawamında Nókis mámleketlik pedagogikalıq institutında ustazlıq etken, házirgi kúnde miynet dem alısında bolǵan ximiya ilimleri kandidatı A.Jiyemuratovtıń shańaraǵında bolıp, ustazdıń jaǵdayınan xabar aldı.

Óz gezeginde ustaz da usınday itibar hám húrmet ushın sheksiz minnetdarshılıǵın bildirdi.

Каналға ағза болыў

#Studentler_báhári
#Jańa_Ózbekstan_jaslar_mámleketi
#NMPI

NMPIde “Úsh áwlad ushırasıwı” bolıp ótti

1-iyun kúninen baslap respublikamız boylap Jaslar agentligi Qaraqalpaqstan Respublikası basqarması tárepinen barlıq joqarı oqıw orınlarında “Jańa Ózbekstan jasları, birleseyik!” súreni tiykarında “Studentler báhári” hám “Jańa Ózbekstan – jaslar mámleketi” festivalı baslandı.

Festival sheńberinde Ájiniyaz atındaǵı Nókis mámleketlik pedagogikalıq institutında “Úsh áwlad ushırasıwı” bolıp ótti.

Onda student-jaslar Ózbekstan Respublikasına xızmet kórsetken jurnalist, shayır Altıngúl Óteniyazova, Qaraqalpaqstan Respublikasına xızmet kórsetken artist Bayram Perdebaev, Ózbekstan hám Qaraqalpaqstan Jazıwshılar awqamınıń aǵzası, jas shayır Allayar Dármenovlar menen ushırasıp, olardıń dóretiwshilik jolı, shıǵarmaları haqqında sáwbetlesti.

Каналға ағза болыў

👫1-iyun Xalıqaralıq balalardı qorǵaw kúni

Sáne múnásibeti menen “Jańa Ózbekstan jasları, birleseyik!” súreni astında ótkerilip atırǵan jaslar festivalı sheńberinde Qaraqalpaqstan awıl xojalıǵı hám agrotexnologiyalar institutı, Samarqand mámleketlik veterinariya medicinası, sharwashılıq hám biotexnologiyalar universiteti Nókis filialı hám Muhammed al-Xorezmiy atındaģı TITU Nókis filialı jámááti mektepke shekemgi bilimlendiriw shólkeminde tárbiyalanıwshı balalar hám emlewxanalarda emlenip atırǵan balalardı bayram menen qutlıqladı hám olarǵa bayram sawǵaların tapsırdı.

Каналға ағза болыў

#Studentler_báhári
#Jańa_Ózbekstan_jaslar_mámleketi

Nuranıy ustazlardan xabar alındı

Festival sheńberinde instituttıń professor-oqıtıwshıları hám student jaslar qaraqalpaq, ózbek hám shet tilleri kafedrasında birneshe jıllar jemisli miynet islegen nuranıy ustaz, filologiya ilimleri kandidatı Qutlımurat Allanazarovtıń shańaraǵında boldı.

Ustaz student jaslarǵa institutta islegen dáwiri, miynet jolı hám elimizdiń erteńgi keleshegi bolǵan jaslar ushın jaratılǵan imkaniyatlar haqqında sóylep berdi hám ustazdıń úy aldı qıytaq jerindegi jumıslarǵa student jaslar óz járdemlerin berdi.

Qaraqalpaqstan awıl xojalıǵı hám agrotexnologiyalar institutí málimleme xızmeti

Каналға ағза болыў