2020-жыл 19-ноябрь күни Қарақалпақстан Республикасы Бәнтлик ҳәм мийнет қатнасықлары министрлигинде Президентимиздиң "2020-2023-жыллары Қарақалпақстан Республикасын комплексли социаллық-экономикалық раўажландырыў илажлары ҳаққында"ғы қарарының орынланыўын тәмийинлеўге қаратылған мәжилис болып өтти.

Мәжилисти Қарақалпақстан Республикасы Бәнтлик ҳәм мийнет қатнасықлары министри У. Сабуров алып барды.

Сондай-ақ, Президенттиң усы жыл 2-октябрь куни Республикамызға болған сапары даўамында белгилеп берилген ўазыйпаларға тоқтатылып өтилди.

Мәжилисте әмелге асырылып атырған жумыслар ҳәм алдағы ўазыйпалардың орынланыўына қаратылған тийисли усыныслар ҳәм тапсырмалар берилди.

Қарақалпақстан Республикасы Бәнтлик ҳәм мийнет қатнасықлары министрлиги мәлимлеме хызмети

"Ҳәким кубогы" жуўмақланды

Бүгин 21-ноябрь сәнесинде Мойнақ районы Дене тәрбия ҳәм спорт бөлими имаратында спорттың дюздо түринен болып өткен "Ҳәким кубогы" ушын гүрес өз жуўмағына жетти.

Республикамыздың барлық қала ҳәм районларынан келген палўанларымыз сыйлы орынды ийелеў ушын қызғын гүрес алып барды. Жоқары дәрежеде шөлкемлестирилген жарыстың командалық қурамдағы нәтийжелери төмендегилерден ибарат:

1-орынды Нөкис қаласы;
2-орынды Мойнақ районы;
3-орынды Тахтакөпир ҳәм Қоңырат районлары жеңип алды.

Солай етип, командалық қурамдағы сыйлы орын ийелери, жарысқа белсене қатнасқан дзюдо гүресшилери Мойнақ районы ҳәкими кубогын алыўға миясар болды. Соның менен бирге, оларға ҳүрмет жарлықлар ҳәм баҳалы саўғалар тапсырылды. Сондай-ақ, бир қатар оқытыўшы-тренерлер де ҳәким тәрепинен сыйлықланды.

Районы ҳәкимлиги Мәлимлеме хызмети

Каналға ағза болыў: @QresMinistrlerKenesi

«Профессионал футбол мектеплери лигасы» Өзбекстан Кубогы жарысы

2020-жылдың 23-28-ноябрь күнлери Нөкис қаласы «Туран» стадионы менен Қарақалпақстан Республикасы балалар ҳәм жас өспиримлер футбол шеберлик мектебиниң стадионында футбол бойынша Қарақалпақстан Республикасы, ўәлаятлар ҳәм Ташкент қаласы футбол шеберлик мектеплериниң 2004-жыл (U-16) туўылған тәрбияланыўшылары арасында «Профессионал футбол мектеплери лигасы» Өзбекстан Кубогы жарысы болып өтеди.

22-ноябрь күни "Шек" таслаў мәресими болып өтти. Бунда командалар «А», «Б», «С», «Д» топарларына бөлинип, өзлериниң қарсылас командаларын сондай-ақ, қашан ҳәм қайсы стадионда ойын өткеретуғынлығын анықлап алды. Топардағы ойынлар 23-ноябрь күнинен басланады.

Каналға ағза болыў: @QresMinistrlerKenesi