Oila va xotin-qizlar qo‘mitasi raisi Ozoda Parpiboyeva Nukus shahrida bo‘lib, Xotin-qizlarning jamiyatdagi rolini oshirish, gender tenglik va oila masalalari bo‘yicha hududiy komissiyasining muhokama yig‘ilishida ishtirok etdi.
✅ Yig‘ilishda Xotin-qizlarning jamiyatdagi rolini oshirish, gender tenglik va oila masalalari bo‘yicha Respublika komissiyasining “Xotin-qizlar bandligini ta’minlash va tadbirkorligini qo‘llab-quvvatlash borasida amalga oshirilayotgan ishlar natijalari to‘g‘risida”gi 11-son bayonnomasida belgilangan vazifalar batafsil tahlil qilindi, tegishli chora-tadbirlar belgilab olindi.
✅ Xususan, Xotin-qizlar tadbirkorlik markazlari faoliyati tanqidiy tahlil qilinib, ularning ishini samarali tashkil etish, hududiy markazlar va filiallari rahbarlarining mas’uliyatini oshirish;
✅ xorijiy davlatlardan mehnat migratsiyasidan qaytgan, ta’lim muassasalarini bitirgan xotin-qizlarning mehnat bozoriga kirib kelishini inobatga olgan holda ishsiz xotin-qizlarning ro‘yxatini yangilab borish hamda ularning bandligini ta’minlash bo‘yicha mas’ullarga topshiriqlar berildi.
📍 Yig‘ilishda Oliy Majlis Senati qo‘mita raisi Boriy Alixonov hamda Qoraqalpog‘iston Respublikasi Jo‘qorg‘i Kengesi raisining o‘rinbosari Rustam Saparbayevlar ishtirok etdi. ZOOM platformasi orqali tuman(shahar) komissiya a’zolari, tegishli vazirlik, tashkilotlar, tijorat banklari rahbarlari qatnashdi.

Biziń betlerimiz: || Bizning sahifalarimiz:
Telegram | Instagram | Facebook | X