Өзбек тили байрамының 35 жыллығы кең түрде белгиленди

Бүгин Бердақ атындағы Қарақалпақ мәмлекетлик академиялық музыкалы театрында 21-октябрь Өзбек тили байрамы күни мүнәсибети менен байрам илажы болып өтти.

Онда Қарақалпақстан Республикасы Жоқарғы Кеңесиниң Баслығы Аманбай Орынбаев шығып сөйлеп, жыйналғанларды байрам мүнәсибети менен қутлықлады.

Атап өтилгениндей, мәмлекетлик тилимизге болған ҳүрмет – бул көп миллетли халқымыздың руўхый дүньясын және де байытыўға, миллий қәдириятларымызды қәстерлеп-сақлаўға деген ғамхорлықтың көриниси саналады.

Соңғы жыллары елимизде өзбек тилиниң мәмлекетлик тил сыпатындағы абырай-мәртебесин арттырыўға айрықша итибар қаратылып, бул бағдарда кең көлемли жумыслар әмелге асырылмақта.

Әсиресе, бул бағдарда өзбек тилин терең үйрениў, оны илимий тийкарларда ҳәр тәреплеме раўажландырыў ҳәм қолланыў шеңберин кеңейтиў, филолог кадрларды таярлаў илажларының жаңа басқышларға көтерилгени – бул елимизде мәмлекетлик тилге болған айрықша итибардың көриниси саналады.

Соны умытпаўымыз тийис, мәмлекетлик тилдиң таза сақланыўы – бул елимиздиң раўажланыўын ҳәмде халқымыздың келешегин белгилейди. Ол өсип киятырған жасларды ана-Ўатанымызға садықлық руўхында тәрбиялаўда ҳәм миллий үрп-әдет, салт-дәстүрлеримизди қәстерлеп-сақлаўда әҳмийетли орын ийелейди.

Байрам илажында мәмлекетлик тилдиң турмысымыздағы әҳмийети кең түрде атап өтилди.

Илаж көркем өнер ҳәм мәденият хызметкерлери тәрепинен таярланған концерт бағдарламасы менен даўам етти.
—
Ўзбек тили байрамининг 35 йиллиги кенг нишонланди

Бугун Бердақ номидаги Қорақалпоқ давлат академик мусиқали театрида 21 октябрь - Ўзбек тили байрами куни муносабати билан байрам тадбири бўлиб ўтди.

Унда Қорақалпоғистон Республикаси Жўқорғи Кенгесининг Раиси Аманбай Орынбаев сўзга чиқиб, йиғилганларни байрам муносабати билан табриклади.

Таъкидланганидек, тилимизга бўлган ҳурмат - бу кўп миллатли халқимизнинг маънавий дунёсини янада бойитишга, миллий қадриятларимизни асраб-авайлаш ва уларни улуғлашга қаратилган ғамхўрликнинг ифодасидир.

Сўнгги йилларда мамлакатимизда ўзбек тилининг давлат тили сифатидаги нуфузини оширишга алоҳида эътибор қаратилиб, бу борада кенг кўламли ишлар амалга оширилмоқда.

Айниқса, бу борада ўзбек тилини чуқур ўрганиш, уни илимий асосда ҳар томонлама ривожлантириш ва қўллаш доирасини кенгайтириш, филолог кадрларни тайёрлаш чораларининг янги босқичларга кўтарилгани - бу мамлакатимизда давлат тилига бўлган алоҳида эътибор ифодасидир.

Шуни унутмаслигимиз керакки, давлат тилининг софлиги - бу юртимиз тараққиёти ҳамда халқимиз келажагини белгилайди. У ўсиб келаётган ёшларни она-Ватанга садоқат руҳида тарбиялашда ва миллий урф-одат, анъаналаримизни асраб-авайлашда муҳим ўрин тутади.

Байрам тадбирида давлат тилининг ҳаётимиздаги аҳамияти кенг таъкидланди.

Тадбир санъат ва маданият ходимлари томонидан тайёрланган концерт дастури билан давом этди.


Қарақалпақстан Республикасы Жоқарғы Кеңесиниң Мәлимлеме хызмети

Каналға ағза болыў: @joqargikenes

🌐Telegram 🌐Website 📱Instagram 📱Facebook 🌐YouTube