O‘zbekiston-Tojikiston: ishonchga yo‘g‘rilgan mustahkam hamkorlik

🇺🇿🇹🇯Xabaringiz bor, O‘zbekiston Respublikasi Prezidenti Shavkat Mirziyoev Tojikiston Respublikasi Prezidenti Emomali Rahmonning taklifiga binoan 18-19 aprel kunlari davlat tashrifi bilan ushbu mamlakatda bo‘ladi.

🟢Tashrifga tayyorgarlik doirasida Tojikiston Respublikasida bo‘lib turgan Qishloq xo‘jaligi vaziri Ibrohim Abdurahmonov tojikistonlik hamkasbi Qurbon Hakimzoda bilan birgalikda qishloq xo‘jaligi obyektlari, agrar sohada amalga oshirilayotgan va hamkorlikda qilinayotgan ishlar bilan tanishdi.

🏭 Jumladan, avvalida Tojikistonning Hisor shahrida joylashgan Qishloq xo‘jaligi texnikalari ishlab chiqariluvchi “Agrotexservis” zavodida amalga oshirilayotgan ishlar ko‘zdan kechirildi.

🚜 Aytish kerak, “Agrotexservis” OAJ Belarus va Tojikiston qo‘shma korxonasi bo‘lib, 2016-yilda tashkil etilgan. Bu yerda fermer va dehqonlar, shuningdek, bog‘bonlar uchun kichik o‘lchamga ega “Belarus” rusumli traktorlar ishlab chiqariladi.

✔️Vazir o‘z navbatida ishlab chiqarish jarayoni bilan tanishar ekan, mazkur texnikalarning ishlab chiqarilishi oziq-ovqat xavfsizligini ta’minlash va hosildorlikni oshirishda muhim ahamiyat kasb etishini qayd etdi.

🌐Website 💬Telegram 💬Facebook 📺YouTube 📷Instagram

Koreya texnologiyasi asosida sholichilik sohasi modernizatsiya qilinmoqda

✅Bugun Qishloq xoʻjaligi vazirligi huzuridagi Sholichilik ilmiy-tadqiqot institutida Janubiy Koreyadan keltirilgan texnikalar yordamida sholining serhosil navlarini ekish, zamonaviy texnologiyalarga ega urugʻchilik asosida Oʻzbekistonda barqaror oziq-ovqat xavfsizligini taʼminlashga qaratilgan dala seminari boʻlib oʻtdi.

📌Unda Qishloq xoʻjaligi vaziri oʻrinbosari Alisher Shukurov, Milliy markaz direktori Shuhrat Otajonov, Janubiy Koreya Respublikasining Oʻzbekistondagi favqulodda va muxtor elchisi vazifasini bajaruvchi Chang Hyun Kuk, KOPIA markazi direktori Oh Sun Jong, sholichilik klasteri vakillari, loyiha koordinatorlari va institut jamoasi ishtirok etdi.

✨Seminarda loyiha doirasida amalga oshirilishi lozim boʻlgan vazifalar belgilab olindi va bajariladigan ishlar yuzasidan taqdimotlar qilindi hamda koordinatorlarning vazifa va majburiyatlari belgilab olindi.

❗️Loyiha doirasida ilmiy xodimlarning tajriba almashish imkoni yaratilib, Koreya davlatida tajribalar oʻtkazish yoʻlga qoʻyilmoqda.

#Xalqaro_hamkorlik #sholichilik

🌐Website 💬Telegram 💬Facebook 📺YouTube 📷Instagram