O‘zbekiston Respublikasi Prezidentining 2024-yil-20 fevraldagi “Buyuk turkman shoiri va mutafakkiri Maxtumquli Firog‘iy tavalludining 300 yilligini keng nishonlash to‘g‘risida”gi PQ-76 son Qarorida belgilangan vazifalar ijrosini ta’minlash maqsadida To‘rtko‘l tuman Maktabgacha va maktab ta’limi bo‘limiga qarashli 20-son umumta’lim maktabida ma’naviy-ma’rifiy tadbir o‘tkazildi.

Tadbirda Respublika Ma’naviyat va ma’rifat markazi To‘rtko‘l tuman bo‘linmasi rahbari J.Settiev, Qoraqalpog‘iston Respublikasi Jo‘qorg‘i Kengesi deputati Z.Abdullaeva, Din ishlari bo‘yicha qo‘mitaning To‘rtko‘l tuman bo‘yicha mutaxassisi K.Omonbaev ishtirok etdi.
Tadbir maktabning ustozlari va o‘quvchilari tomonidan yuqori saviyada tashkil qilinib, buyuk shoirning xayoti va ijodidan sahna ko‘rinishlari namoyish qilindi. Tadbir so‘ngida faol ishtirok etgan o‘qituvchi va o‘quvchilar Respublika Ma’naviyat va ma’rifat markazi tuman bo‘linmasi tomonidan tashakkurnoma va kitoblar to‘plami bilan taqdirlandi.

Bu yil nufuzli xalqaro tashkilot — YUNESKO rahnamoligida Maxtumquli Firog‘iy tavalludining 300 yillik qutlug‘ yubiley sanasi dunyo miqyosida keng nishonlanayotgani ham shoir adabiy merosi jahon so‘z san’atining bebaho xazinasiga aylanib, insoniyatning ma’naviy olamini yuksaltirishga xizmat qilib kelayotganidan dalolat beradi.

https://t.iss.one/RMMMTURTKUL