Ушбу лойиҳа Бирлашган Араб Амирлигининг Masdar компанияси томонидан амалга оширилган бўлиб, бу хорижий давлат компаниялари билан ҳамкорликдаги айни пайтдаги энг йирик лойиҳадир.

Давлатимиз раҳбари Амирликлар билан ўзаро ҳамкорлик йилдан-йилга кенгайиб, янги босқичга кўтарилиб бораётганини алоҳида таъкидлади.

Биргина энергетика соҳасида умумий қиймати қарийб 1,5 миллиард доллар бўлган 1 минг 700 мегаВаттли 6 та лойиҳани амалга ошириш бошланган.

Жумладан, Навоий вилоятининг ўзида 2023 йилда Masdar компанияси билан ҳамкорликда 500 мегаВаттли шамол станцияси ва Phanes group иштирокида 200 мегаВаттли қуёш станцияси барпо этилади.

Президент Бирлашган Араб Амирликлари ҳукумати вакилларига, Masdar компанияси раҳбари Муҳаммад Жамил Ал-Рамаҳий ҳамда қурилишда иштирок этган 600 дан ортиқ хорижий ва маҳаллий мутахассисларга чуқур миннатдорлик билдирди.

Facebook|Instagram|Twitter

Президент янги электр станциясининг саноат тармоқлари ривожидаги ўрни ҳақида гапирди:

- Бугунги кунда ва яқин келажакда ишга тушадиган қуёш ва шамол станциялари нафақат энергетика соҳасида, балки бошқа тармоқларда ҳам жуда катта имкониятлар яратади. Биз бундай йирик лойиҳаларни амалга ошириш баробарида, катта билим ва тажриба орттирмоқдамиз. Юртимизда янги ишлаб чиқариш йўналишлари, замонавий технологиялар пайдо бўлмоқда.

Масалан, бугун сизлар иштирокингизда фойдаланишга топширилаётган станцияда “Ўзэлектроаппарат” корхонасидан электротехника жиҳозлари, “Ўзбеккабель”, HPC systems корхоналаридан кабеллар, Бектемир металл конструкциялари заводидан таянч устунлар келтирилган.

Умуман, бундай йирик лойиҳаларнинг амалга оширилиши маҳаллий ишлаб чиқарувчилар учун йилига камида 1 миллиард долларлик янги бозор очиб беради, электротехника кластерини ташкил этиш учун пухта замин яратади.

Ушбу кластерда қуёш панеллари, кабель маҳсулотлари, трансформаторлар, аккумуляторлар, электр двигателлар, шамол электр станцияси учун генератор ва таянч ускуналар ишлаб чиқаришни маҳаллийлаштириш мумкин. Бу минглаб янги иш ўринлари деганидир.

Facebook|Instagram|Twitter

Шавкат Мирзиёев энергетика соҳасидаги устувор вазифалар ва режаларни айтиб ўтди.

Сўнгги 5 йилда электр энергияси истеъмолчиси бўлган тадбиркорлар сони 25 фоизга, уларнинг истеъмол ҳажми эса 30 фоизга кўпайган.

Келгуси 5 йилда иқтисодиётимиз ўсишини 1,5 баробарга ошириб, ялпи ички маҳсулот ҳажмини камида 100 миллиард долларга етказишни режа қилганмиз.

Бу борада ўрта ва йирик шаклдаги минглаб янги саноат корхоналари ишга туширилиб, электр энергиясига эҳтиёж 100 миллиард килоВатт соатга етади. Бу рақам – ҳозиргидан 30 миллиард килоВатт соатга кўп дегани.

Шунинг учун, электр энергияси соҳасида янги ислоҳот ва лойиҳаларни амалга ошириш бўйича жуда катта режаларни белгилаб олганмиз. Жумладан, келгуси 5 йилда қиймати 6,5 миллиард доллар бўлган 19 та лойиҳа ҳисобидан, қўшимча равишда 11 минг 500 мегаВатт янги қувватлар ишга туширилади.

2030 йилга бориб, электр энергияси ишлаб чиқариш таркибида қайта тикланувчи манбалар улуши 30 фоиздан ортади.

Электр энергиясини ҳудудларга етказиш учун 500 ва 220 киловольтли 3 минг километр янги электр тармоқлари барпо этилади.

Facebook|Instagram|Twitter

Президент Шавкат Мирзиёев тармоқни ривожлантириш мавзусини давом эттирди:

Бугунги кунда паст кучланишли тармоқларнинг 66 фоизи, подстанцияларнинг 74 фоизи ва трансформатор пунктларининг 50 фоиздан кўпроғи эскирган.

Шунинг учун келгуси беш йилда жами 70 минг километр паст кучланишли электр тармоқлари, 22 минг дона трансформатор ва 100 дан ортиқ подстанциялар тўлиқ янгиланади.

Кейинги пайтда қўшни мамлакатлар билан ягона энергетика занжирини ташкил этиш ва ўзаро манфаатли ҳамкорликни кучайтиришга алоҳида эътибор қаратмоқдамиз.

Шу мақсадда, электр энергияси ишлаб чиқариш бўйича қўшма лойиҳалар амалга оширилади. Энг муҳими, минтақамиз мамлакатлари энергия тизимини ўзаро боғлайдиган қўшимча магистрал тармоқларни ишга туширамиз.

Бу албатта барча қўшни давлатлар учун ўзаро ҳамкорликни ривожлантиришда катта имкониятлар яратади.

Facebook|Instagram|Twitter

Давлатимиз раҳбари энергетика соҳасида замонавий кадрлар тайёрлаш долзарб масала эканини таъкидлади.

- “Яшил иқтисодиёт” ва қайта тикланувчи энергия манбалари – XXI асрда барқарор иқтисодий тараққиёт асоси эканини барчамиз яхши тушунамиз. Шу сабабли илм-фан, таълим, замонавий кадрлар тайёрлаш масалалари энергетика соҳасида долзарб аҳамиятга эга.

Бу йўналишда илмий изланиш ва тадқиқотлар олиб бориш мақсадида жорий йил бошида Энергетика вазирлиги ҳузурида Қайта тикланувчи энергия манбалари миллий илмий-тадқиқот институтини ташкил этдик.
Бундан ташқари, пойтахтимизда Москва энергетика институтининг филиали иш бошлади.

Ушбу соҳада лойиҳалаш, қурилиш-монтаж, эксплуатация ва таъмирлаш йўналишлари бўйича қўшимча мингдан ортиқ юқори малакали техник ходимлар талаб этилади.

Шу мақсадда хорижий мутахассисларни жалб этган ҳолда 2022 йилдан бошлаб Навоийда муқобил энергетика соҳаси бўйича кадрлар тайёрлаш, қайта тайёрлаш ва малакасини ошириш маркази ташкил этилади.

Facebook|Instagram|Twitter

"Бизда имконият ва салоҳият етарли" - Президент.

- Биз бугун Янги Ўзбекистонни бунёд этишда рақобатдош иқтисодиёт тармоқларини яратишга алоҳида эътибор қаратиб, барча соҳаларда маррани катта олмоқдамиз. Энг муҳими, бунинг учун бизда имконият ва салоҳият етарли.

Бугунги тадбирда иштирок этаётган барча меҳмонларимиз ва лойиҳа иштирокчиларини, энергетика соҳасида янги уфқларни очиб берадиган ушбу лойиҳанинг муваффақиятли амалга оширилгани билан чин қалбимдан табриклайман.

Фурсатдан фойдаланиб, барчангизни яқинлашиб келаётган энг улуғ ва энг азиз байрамимиз – Мустақиллигимизнинг 30 йиллиги билан самимий муборакбод этаман, - деди Президент маросим якунида.

Тадбирда Бирлашган Араб Амирликлари, мамлакатимиз энергетика тармоғи ва жамоатчилиги вакиллари сўзга чиқди.

Facebook|Instagram|Twitter

Давлатимиз раҳбаринг Навоий вилоятига сафари давом этмоқда. Ташриф дастуридаги иккинчи манзил "Навоийазот" корхонаси бўлди. Бу ерда Президентимиз 2 та замонавий кимё мажмуасини ишга тушириш ва яна бир янги йирик лойиҳани бошлашга бағишланган маросимда нутқ сўзламоқда.

Ўз фаолиятини 1964 йилда бошлаган мазкур завод ҳозирги кунда мамлакатимиз кимё саноати маҳсулотининг қарийб ярмини ишлаб чиқаради. Бу ерда 9 мингга яқин юқори малакали муҳандис, технолог ва моҳир ишчилар меҳнат қилмоқда.

Сўнгги йилларда “Навоийазот” замонавий технологиялар ҳамда ишлаб чиқариш ҳажми бўйича мутлақо янги сифат босқичига кўтарилмоқда.

Икки йил олдин бу ерда йилига 100 минг тонна поливинилхлорид, 75 минг тонна каустик сода, 300 минг тонна метанол ишлаб чиқарадиган янги мажмуа ўз фаолиятини бошлаган эди.

Бугун эса бир вақтнинг ўзида умумий қиймати 1,5 миллиард доллар бўлган 2 та замонавий кимё комплекси ишга туширилмоқда ҳамда яна бир янги йирик лойиҳага старт берилмоқда.

"Тасаввур қилинг, ушбу лойиҳалар “Навоийазот”да маҳсулот ишлаб чиқариш ҳажмини 3 баробар ошириб, бу кўрсаткични йиллик 150 миллион доллардан 410 миллион долларгача олиб чиқади", деди давлатимиз раҳбари.

Facebook|Instagram|Twitter

Президент Шавкат Мирзиёев янги ишга туширилаётган қувватларнинг аҳамиятига батафсил тўхталди:

Ўзбекистонга биринчи марта олиб келинган энг илғор технологиялар билан жиҳозланган ушбу замонавий мажмуалар 60 йил аввал қурилган ва ҳаддан зиёд кўп энергия истеъмол қиладиган эски қувватлар ўрнини тўлиқ эгаллайди.

Хусусан, аммиак ва карбамид мажмуасида йилига 660 минг тонна аммиак ва 578 минг тонна карбамид ишлаб чиқарилади.

Бунда бир тонна аммиак ишлаб чиқариш учун энергия сарфи 2,5 марта камаяди.

Азот кислотаси мажмуасида йилига 500 минг тонна азот кислотаси ишлаб чиқарилиб, электр энергияси сарфи 18 марта қисқаради.

Фақатгина ана шу иккита лойиҳа эвазига ишлаб чиқарилаётган азотли ўғитнинг таннархи 30 фоизга пасаяди.

Facebook|Instagram|Twitter

Давлатимиз раҳбари янги ПВХ мажмуасини қуриш лойиҳаси ҳақида:

Бугун тама тоши қўйилаётган иккинчи поливинилхлорид (ПВХ) ишлаб чиқариш мажмуаси “Навоийазот” ва кимё саноати тарихида янги даврни бошлаб бермоқда.

Бу “Навоийазот” ҳудудида хорижий инвестициялар иштирокида бошланаётган 400 миллион доллар қийматга эга бўлган биринчи йирик лойиҳадир.

Ушбу лойиҳа 2023 йилда тўлиқ ишга туширилади ва поливинилхлорид ишлаб чиқариш қувватини йилига 100 минг тоннадан 220 минг тоннага, каустик содани эса 75 минг тоннадан 165 минг тоннага етказиш имконини беради.

Лойиҳа орқали “Навоийазот” ва Электр кимё заводи негизида Марказий Осиёда биринчи марта йирик, ўзаро интеграция қилинган кимёвий технологик кластерни ташкил этишга киришмоқдамиз.

Мазкур кластерда яқин йилларда умумий қиймати 3,4 миллиард доллар бўлган 23 та лойиҳа амалга оширилади. Кластер доирасида 33 турдаги юқори қийматли маҳсулотлар ишлаб чиқарилади.

Энг муҳими, шу асосда “Навоийазот”да қўшимча 3 мингдан зиёд янги иш ўринлари очилади.

Facebook|Instagram|Twitter

Шавкат Мирзиёев кимё саноати, айниқса, газ-кимё соҳаси иқтисодиётимиздаги асосий драйверлардан бири бўлиб келаётганини таъкидлади.

Республикамиз кимё саноати аввал асосан қишлоқ хўжалиги учун минерал ўғитлар ишлаб чиқаришга ихтисослашган бўлиб, бу маҳсулотнинг улуши соҳада қарийб 80 фоизни ташкил этар эди.

Бугунги кунда замонавий полимерларни ишлаб чиқариш ҳисобидан минерал ўғитлар улуши 10 фоизга қисқарди, бошқа соҳалар учун ишлаб чиқарилаётган маҳсулотлар ҳажми эса 6 мартага ошди.

Кейинги беш йилда “Ўзкимёсаноат” тизимида, товар маҳсулотлари ҳажми 4 марта ошди, кимёвий маҳсулотлар экспорти 250 миллион долларга етмоқда.

"2030 йилгача мамлакатимизда камида 8 минг мегаваттли қуёш ва шамол электр станцияларини фойдаланишга топширишни режа қилганмиз. Бу – йилига 5 миллиард куб метр табиий газ иқтисод қилинади, дегани.

Шунинг учун, республикамиздаги барча йирик кимё ва газ-кимё корхоналари негизида юқори қўшилган қийматли маҳсулотларни саноат кластерлари усулида ишлаб чиқаришни йўлга қўйиш орқали газ хомашёсини тайёр маҳсулотга айлантиришни мақсад қилиб олдик", деб таъкидлади давлатимиз раҳбари.

Facebook|Instagram|Twitter

Президент келгуси йилларда яна 5 та кимёвий технологик кластер босқичма-босқич ташкил этилишини маълум қилди. Булар:

- Бухоро вилоятида табиий газдан полиэтилен-терефталат (ПЭТ), поливинил-ацетат (ПВА), полипропилен ҳамда бошқа полимерлар ишлаб чиқарилади;

- Қашқадарё вилоятида Шўртан газ-кимё комплекси ва Деҳқонобод калий заводи негизида ювиш ва маиший кимё воситаларининг асосий компонентлари, бимодал полиэтилен ва бошқа маҳсулотлар ишлаб чиқарилади;

- Фарғона вилоятида “Фарғонаазот” негизида лок-бўёқлар, мебель учун меламин, тўқимачилик саноати учун сунъий толалар ишлаб чиқариш кўзда тутилган;

- Қорақалпоғистон Республикасида кальцийланган сода, поливинилхлорид, полиэтилен ва полипропилен ишлаб чиқарилади;

- Тошкент вилоятида моноаммонийфосфат, олтингугуртли карбамид, бошқа фосфорли ва азотли минерал ўғитлар, протеин ва ювиш воситалари ишлаб чиқарилади.

Бу лойиҳалар муваффақиятли амалга оширилса, 2026 йилга бориб кимёвий маҳсулотлар ҳажми жорий йилга нисбатан 3 баробар ортади ва 2030 йилда мамлакатимиз ялпи ички маҳсулотининг 7 фоизини ташкил этади.

Facebook|Instagram|Twitter

"Бу лойиҳаларнинг муваффақиятли амалга оширилиши учун нафақат миллиардлаб маблағ ва замонавий технологиялар, балки юқори малакали ёш кадрлар зарур" - Президент.

Шу мақсадда Тошкентдаги Улуғбек шаҳарчасида кимё соҳасида илмий
ва таълим кластери ташкил этилади.

Мазкур кластер 4 та олий таълим муассаси ва кимё бўйича замонавий илмий-тадқиқот марказини ўзига қамраб олади. Шунингдек, 6 та технологик кластер ҳудудида талабалар амалиётни ўташи учун барча имкониятлар яратилади.

Бир сўз билан айтганда кимё соҳаси корхоналари ва янги лойиҳалар учун зарур муҳандислар ва ўрта бўғин кадрларининг янги авлоди яратилади.

"Бугун ишга туширилаётган йирик лойиҳалар, юқори малакали муҳандислар, лойиҳачи, қурувчи ва молиячилар жамоаси биргаликда
олиб борган самарали меҳнат натижаси эканини барчамиз яхши биламиз ва юксак қадрлаймиз.

Фурсатдан фойдаланиб, мана шундай замонавий мажмуаларни қисқа муддатда ишга туширишга катта ҳисса қўшган Mitsubishi компанияси ва бошқа барча хорижий ҳамкорларимизга, қурувчи ва пудратчилар, ишчи-ходимларга чуқур миннатдорчилик билдираман.

“Навоийазот” негизида ташкил этилаётган кластерда қатнашиш истагини билдирган австриялик, германиялик, россиялик, туркияли ва хитойлик инвесторларимизга бошлаган ишларида, улкан муваффақиятлар тилайман.

Бундай замонавий йирик лойиҳалар, ҳеч шубҳасиз, Янги Ўзбекистонни барпо этиш йўлида ташланган янги бир йирик амалий қадамдир", деди давлатимиз раҳбари сўзининг якунида.

Facebook|Instagram|Twitter

Навоийлик тадбиркор Мирей Аманбаева ёшларнинг фикрини Президентга етказди: «Сиз келганингиздан биз «дух» олдик»
—
Предпринимательница Мирей Аманбаева из Навоийской области выразила Президенту мнение молодежи: "Ваш приезд поднял наш дух"

Prezident.uz|Facebook|Instagram|YouTube|Twitter

Ўзбекистон Республикаси Президенти Шавкат Мирзиёев Америка Қўшма Штатлари Президенти Жозеф Байденга мактуб йўллади.

Унда давлатимиз раҳбари Афғонистоннинг Кобул шаҳри халқаро аэропорти ҳудудида содир этилган террорчилик ҳужуми оқибатида АҚШ ҳарбий хизматчилари қурбон бўлгани муносабати билан чуқур таъзия изҳор қилиб, вафот этганларнинг оила аъзолари ва яқинларига ҳамдардлик билдирди.

—

Президент Республики Узбекистан Шавкат Мирзиёев направил письмо Президенту Соединенных Штатов Америки Джозефу Байдену.

В послании глава нашего государства выразил искренние соболезнования в связи с жертвами среди военнослужащих США в результате террористического акта на территории международного аэропорта столицы Афганистана Кабула, передал слова сочувствия и поддержки родным и близким погибших.

Facebook|Instagram|Twitter

Ўзбекистон Республикаси Президенти
Шавкат Мирзиёев Жаноби Олийларига

Ҳурматли Президент жаноблари!

Европа Иттифоқи номидан Сизни мамлакатингиз мустақиллигининг ўттиз йиллик байрами билан муборакбод этишга ижозат бергайсиз.

Ўзбекистон ёш давлат бўлсада, ҳар қанча фахрланишга арзигулик қадимий меросга асоланган. Мустақиллик йилларида мамлакатингиз кўп ютуқларга эришди, минтақада ва жаҳонда ўз мавқеини мустаҳкамлади.

Сизнинг раҳбарлигингиз остида Ўзбекистон қўшнилар билан кўприкларни тиклади ва минтақангизда барқарорлик ва тинч ҳамкорликни илгари суришда етакчиликни ўз зиммасига олди. Глобал ва минтақавий таҳдидларни енгиб ўтиш йўлида шериклик қилиш ўзаро ҳамкорлигимизнинг устувор йўналишларидан бири ҳисобланади ҳамда Афғонистондаги сўнгги воқеалар нуқтаи назаридан ғоятда долзарб аҳамият касб этмоқда.

Европа Иттифоқи уч ўнйиллик давомида мамлакатингиз билан Шериклик ва ҳамкорлик тўғрисидаги битим асосида самарали ҳамкорлик қилиб келмоқда. Муносабатларимиз мустаҳкамланишда давом этиб, шу йилнинг баҳорида биз юртингизнинг атроф-муҳитни бошқариш ва инсон ҳуқуқлари каби соҳалардаги халқаро конвенцияларга қўшилиш борасидаги муваффақиятларининг эътирофи сифатида Ўзбекистоннинг савдо преференцияларини олиш бўйича GSP+ тизимидан фойдаланиш имкониятига эга бўлганини олқишладик.

Муносабатларимизни янги, фаол ҳамкорлик босқичига кўтариш ниятидамиз, зеро, Кенгайтирилган шериклик ва ҳамкорлик битими бўйича музокараларимиз якунига етмоқда. Ушбу битимнинг қабул қилиниши Ўзбекистон мустақиллиги ва икки томонлама муносабатларимизнинг 30 йиллигини нишонлаш учун муносиб натижа, Сиз амалга ошираётган модернизация ва ислоҳотлар дастури эришаётган ютуқларнинг ифодаси бўлади.

Шуни ҳисобга олиб, мен Европа Иттифоқининг Марказий Осиё бўйича янги тайинланган Махсус вакили, элчи Терхи Хакаладан унинг Ўзбекистонга ташрифи доирасида муҳим соҳалардаги минтақавий ва икки томонлама ҳамкорликни янада ривожлантириш имкониятларини ҳукуматингиз билан муҳокама қилишни сўрадим.

Ҳурматли Президент жаноблари, мамлакат етакчиси сифатида Сизга ушбу табрик мактубини йўллар эканман, яқин келажакда Брюсселга режалаштирилаётган ташрифингиз доирасида Сиз билан учрашамиз, деб умид билдираман.

Муҳтарам Президент жаноблари, Сизга бўлган юксак ҳурмат-эътиборимни қабул қилгайсиз.

Чуқур ҳурмат билан,

Шарль Мишель,
Европа кенгаши Президенти



Facebook|Instagram|Twitter

Его Превосходительству господину
Шавкату Мирзиёеву,
Президенту Республики Узбекистан

Уважаемый господин Президент,

Позвольте мне от имени Европейского Союза поздравить Вас с тридцатилетним юбилеем независимости Вашей страны.

Узбекистан может быть и молодая страна, но она основывается на гордом и древнем наследии. За годы независимости Ваша страна достигла многого, укрепляя свою позицию в регионе и мире.

Под Вашим лидерством, Узбекистан восстановил мосты между соседями и взял на себя ведущую роль в продвижении стабильности и мирного сотрудничества в Вашем регионе. Взаимодействие в преодолении глобальных и региональных вызовов является одним из приоритетов нашего сотрудничества, которое становится весьма актуальным в свете развития последних событий в Афганистане.

Европейский Союз три десятилетия плодотворно сотрудничал с Вашей страной на основе Соглашения о партнерстве и сотрудничестве. Наши отношения продолжают укрепляться, и только этой весной мы приветствовали получение Узбекистаном возможности использовать схему GSР+ по предоставлению преференций в торговле, в качестве признания достижений Вашей страны по присоединению к международным конвенциям, включая в таких сферах как управление окружающей средой и права человека.

Мы надеемся вывести наши отношения на новый этап активного сотрудничества, поскольку мы завершаем наши переговоры по Соглашению о расширенном партнерстве и сотрудничестве. Заключение этого соглашения было бы подходящим способом отметить 30-летний юбилей независимости Узбекистана и наших двусторонних отношений, отражающий прогресс, достигнутый в реализации Вашей программы модернизации и реформ.

Учитывая это, я попросил вновь назначенного Специального представителя ЕС по Центральной Азии, посла Терхи Хакала, обсудить дальнейшие возможности развития нашего регионального и двустороннего сотрудничества в ключевых сферах с Вашим правительством в ходе ее визита в Узбекистан.

Уважаемый Президент Мирзиёев, препровождая Вам поздравительное послание в качестве лидера страны, позвольте мне выразить надежду, что мы с Вами будем иметь возможность встретиться в ближайшем будущем, когда состоится Ваш планируемый визит в Брюссель.

Пожалуйста, примите, уважаемый Президент, уверения в моем весьма высоком уважении.

С глубоким уважением,

Шарль Мишель,
Президент Европейского совета



Facebook|Instagram|Twitter

Президент Шавкат Мирзиёевнинг қатор фармонларига мувофиқ, мамлакатимиз Мустақиллигининг 30 йиллиги муносабати билан бир гуруҳ юртдошларимиз фахрий унвонлар, орден ва медаллар билан тақдирланган эди.

Айни пайтда Кўксаройда ушбу мукофотларни топшириш маросими бўлиб ўтмоқда.
—
Рядом указов Президента Шавката Мирзиёева в связи с 30-летием независимости страны группа наших соотечественников награждена орденами и медалями, почетными званиями.

В эти минуты в резиденции Куксарой проходит церемония вручения этих наград.

Facebook|Instagram|Twitter

Президент Шавкат Мирзиёевнинг Ўзбекистон Республикаси давлат мустақиллигининг 30 йиллик байрамига бағишланган тантанали маросимдаги нутқи
—
Выступление Президента Шавката Мирзиёева на торжественной церемонии, посвященной 30-летию государственной независимости Республики Узбекистан

Prezident.uz|Facebook|Instagram|YouTube|Twitter