Қорақалпоғистонда инфратузилмани ривожлантиришдаги муаммолардан келиб чиқиб, Президент мутасадди вазирлик ва идоралар раҳбарларига:

- “Ғузор-Бухоро-Нукус-Бейнеу” автомобиль йўлининг Тўрткўл, Беруний ва Элликқалъа туманларидан ўтган қисмини реконструкция қилишга 160 миллион доллар жалб этиш;

- таъмирталаб бўлган 1 минг 500 километр сув тармоқлари, 150 дан зиёд қудуқ, насос ва сув станцияларини таъмирлаш;

- Нукус шаҳри, Тахиатош ва Хўжайли туманлари марказларида оқова сув тармоқларини қуриш;

- 128 та трансформатор, 7,5 мингта симёғоч устунларини алмаштириш;

- Қорақалпоғистоннинг ҳар бир шаҳри ва туманида Ички йўлларни таъмирлаш участкалари ташкил этиш, уларга етарли штат, зарур маблағ ва техникалар ажратиш;

- икки ой муддатда Қорақалпоғистонда халқаро ва ички автомобиль йўлларини ривожлантириш бўйича алоҳида дастур ишлаб чиқишга топшириқ берди.

Facebook|Instagram|Twitter

Қорақалпоғистонда аҳолини ижтимоий ҳимоя қилиш тизимини ривожлантириш йўналишида:

- Ижтимоий ҳимоя реестрига кирган оилаларга кўмир, суюлтирилган газ, озиқ-овқат ва бошқа зарур эҳтиёжлар учун 600 минг сўмдан бир марталик моддий ёрдам ажратиш;

- 15 сентябрдан бошлаб Қорақалпоғистон учун пенсия ва нафақа олувчилар, ногиронлиги бўлган шахсларга темир йўл ва авиа чипталар сотиб олиш учун 50 фоизлик имтиёзни тиклаш;

- 2025 йилгача қўшилган қиймат солиғи бўйича режадан ошириб бажарилган тушумлар Қорақалпоғистон бюджетида қолдириш;

- боғча, мактаб ва тиббиёт муассасалари қурилишига келгуси беш йилда қўшимча 5 триллион сўм ажратиш бўйича топшириқлар берилди.

Бундан ташқари, Қорақалпоғистонда аҳоли учун якка тартибдаги уй-жой қуриш мақсадида ер участкаси тақдим этиш бўйича таклифлар ишлаб чиқиш вазифаси қўйилди.

"Тўғри, бу амалиётга чек қўйганмиз, ва бошқа ҳудудларда бундай имконият йўқ. Лекин, Қорақалпоғистон аҳолиси мурожаатларини инобатга олиб, истисно қилиб беришга тайёрман.

Фақат пухта ишланган, адолатли ва шаффоф тизим асосида бўлиши керак", деди Президент.

Facebook|Instagram|Twitter

Номзоднинг Қорақалпоғистонда таълимни ривожлантириш ва ёшларни қўллаб-қувватлаш бўйича таклифларидан келиб чиқиб, Президент мутасаддиларга:

- Қорақалпоғистондаги ёш тадбиркорларга 7 йилгача муддатга имтиёзли шартларда ссудалар ажратишни йўлга қўйиш;

- бўш турган давлат объектларида ёшлар ва хотин-қизларни хорижий тиллар ва IТ соҳасига ўқитиш курсларини ташкил этиш имкониятини яратиш, ушбу объектларни тадбиркорларга 5 йилгача бепул фойдаланишга бериш;

- Қўнғирот, Нукус ва Чимбой туманларида 4 та “Ишга марҳамат” моно-марказларини ташкил этиш;

- фақат Қорақалпоғистонлик ёшлар учун мамлакатимиздаги барча олийгоҳларга алоҳида 6,5 мингта қабул квоталари жорий этиш;

- Қорақалпоғистондаги эҳтиёждан келиб чиқиб, экология, қишлоқ хўжалиги, ирригация, қурилиш соҳаларида таянч докторантурада қўшимча кадрлар тайёрлашни йўлга қўйишга топшириқ берди.

Facebook|Instagram|Twitter

Президент Шавкат Мирзиёев Аманбай Оринбаевнинг раҳбарлик қобилияти, ватанпарварлиги ва инсоний фазилатларини, шунингдек, ҳудудни ривожлантириш борасидаги таклифларини ҳисобга олиб, унинг номзодига ўз розилигини билдирди.

Жўқорғи Кенгес депутатлари, жамоатчилик вакиллари сўзга чиқиб, номзод ҳақида фикр билдирди.

Шундан сўнг, Жўқорғи Кенгес Раисини сайлаш масаласи овозга қўйилди. Яширин овоз бериш йўли билан Аманбай Оринбаев бир овоздан Қорақалпоғистон Республикаси Жўқорғи Кенгеси Раиси лавозимига сайланди.

Президентимиз Жўқорғи Кенгеснинг янги Раисига мурожаат қилар экан, "Аманбай Оринбаев адолат, садоқат, ҳалоллик, масъулият, ташаббускорлик ва фидойиликни ўз фаолиятининг энг муҳим мезонлари сифатида белгилаб олиб, сайланган лавозимида Қорақалпоғистон аҳлига сидқидилдан хизмат қилиши ва ўзига билдирилган ишончни оқлаши лозим", деди.

Facebook|Instagram|Twitter

"Ҳаммангиз гувоҳсиз, бугун шиддат билан ўзгариб бораётган ҳаёт олдимизга янги-янги вазифаларни қўймоқда.

Биз замон талабларидан келиб чиқиб, келгусида сизлар билан биргаликда Қорақалпоғистонда яна кўплаб катта-катта ишларни амалга оширамиз.

Бу янгиланишларни қорақалпоқ халқи сезиши керак. Эски усуллар билан Қорақалпоғистонда ишлаб бўлмайди.

Худо хоҳласа, ҳаётнинг ҳар қандай синов ва машаққатларига бардош бериб, эртанги кунга катта ишонч билан яшаётган мард ва матонатли Қорақалпоғистон халқининг оғирини енгил, мушкулини осон қилишга қаратилган бу эзгу ва хайрли ишларни бундан кейин ҳам изчил давом эттирамиз", деди Президент сўзининг якунида.

Facebook|Instagram|Twitter

Давлатимиз раҳбари Жўқорғи Кенгес сессиясидан сўнг Нукус шаҳри Амударё маҳалласида нуронийлар ва маҳалла фаоллари билан учрашмоқда

Facebook|Instagram|Twitter

Президент Шавкат Мирзиёев иштирокида ўтган Қорақалпоғистон Республикаси Жўқорғи Кенгеси сессиясида Қорақалпоғистонни ҳар томонлама ривожлантириш, аҳолига муносиб турмуш шароитини яратиш бўйича устувор вазифалар белгилаб олинди.

Батафсил — юқоридаги #инфографикада.

Facebook|Instagram|Twitter

Бугун Президент Шавкат Мирзиёев Тошкент шаҳри ва вилоятида амалга оширилаётган бунёдкорлик ишлари билан танишади. Хусусан, ахборот-коммуникация инфратузилмаси объектлари ва IT-паркда янги барпо этилган бинолар, аҳоли дам олиши учун яратилаётган шароитларни кўздан кечириш режалаштирилган.
—
Сегодня Президент Шавкат Мирзиёев ознакомится с созидательной работой, проводимой в городе Ташкенте и столичной области. В частности, предусматривается посещение объектов информационно-коммуникационной инфраструктуры и новых зданий IT-парка, осмотр условий, создаваемых для отдыха населения.

Facebook|Instagram|Twitter

"Менимча" телелойиҳасининг навбатдаги сонида таҳлил қилинадиган мавзулар:
- Ш.М.Мирзиёев тадбиркорлар билан очиқ мулоқот ўтказди;
- Президент “Буюк ипак йўли” халқаро туризм марказининг тантанали очилиш маросимида иштирок этиш ҳамда бунёдкорлик ишлари билан танишиш учун Самарқанд вилоятига ташриф буюрди;
- Давлат раҳбари Қорақалпоғистон Республикаси Жўқорғи Кенгесининг сессиясида иштирок этди.

Кўрсатувни бугун, 27 август куни соат 20:10 да "O'zbekiston 24" телеканалида томоша қилишингиз мумкин.

Эртага, 28 август куни соат 12:20 ва 17:20 да ҳам такроран намойиш этилади.

Facebook|Instagram|Twitter

Президент Шавкат Мирзиёевнинг ташаббуси билан барпо этилган "Буюк ипак йўли" халқаро туризм марказининг очилиш маросимидаги бадиий-мусиқий дастур бугун, 28 август куни соат 19:30 да "O'zbekiston 24" телеканалида намойиш этилади.

Facebook|Instagram|Twitter

Бугун Президент Шавкат Мирзиёев Урганч шаҳрида буюк саркарда ва давлат арбоби Жалолиддин Мангуберди
ҳайкалининг тантанали очилиш маросимида иштирок этади.
—
Сегодня Президент Шавкат Мирзиёев примет участие в церемонии торжественного открытия памятника великому полководцу и государственному деятелю Джалолиддину Мангуберды в городе Ургенче.

Facebook|Instagram|Twitter

Президент Шавкат Мирзиёев: "Жалолиддин Мангуберди эл-юрт истиқлоли учун курашган, бунга ўз ҳаётини бағишлаган аждодларимизнинг буюк намояндасидир. Она юртга муҳаббат ва садоқат, ор-номус ва шон-шараф бобида унга тенг келадиган улуғ шахслар дунёда камдан-кам учрайди"

Facebook|Instagram|Twitter

Урганчда Ал-Хоразмий шаҳарчаси қурилади. Президент таъкидлаганидек, бу шаҳарча ҳам худди Самарқанддаги “Буюк ипак йўли” халқаро туризм маркази сингари мамлакатимизнинг энг гўзал ва бетакрор масканларидан бирига айланади.

Facebook|Instagram|Twitter

Мамлакатимиз мустақиллигининг 31 йиллиги арафасида Ўзбекистон Республикаси Президентининг фармонлари билан қатор дипломатик миссиялар раҳбарларига олий дипломатик мартабалар:

Ўзбекистон Республикасининг Хитой Халқ Республикасидаги элчиси Фарход Арзиев ва Туркманистондаги элчиси Акмалжон Кучкаровга - Фавқулодда ва Мухтор элчи мартабаси;

Ўзбекистон Республикасининг Австрия Республикасидаги элчиси Абат Файзуллаев, ЮНЕСКОдаги доимий вакили Умид Шодиев ва Женевадаги БМТ бўлинмасидаги доимий вакили Улуғбек Лапасовга - 2-даражали Фавқулодда ва Мухтор вакил мартабаси берилди.

Олий мартабаларга сазовор бўлган дипломатларимизни чин дилдан қутлаб, келгуси фаолиятига муваффақиятлар тилаймиз!
—
В преддверии 31-й годовщины независимости указами Президента Республики Узбекистан главам ряда дипломатических миссий присвоены высшие дипломатические ранги:

послу Республики Узбекистан в Китайской Народной Республике Фарходу Арзиеву и послу Республики Узбекистан в Туркменистане Акмалжону Кучкарову - ранг Чрезвычайного и Полномочного посла;

послу Республики Узбекистан в Австрийской Республике Абату Файзуллаеву, постоянному представителю Республики Узбекистан в ЮНЕСКО Умиду Шодиеву и постоянному представителю Республики Узбекистан в Женевском отделении ООН Улугбеку Лапасову - ранг Чрезвычайного и Полномочного посланника 2 класса.

Искренне поздравляем дипломатов, удостоившихся высших рангов, желаем успехов в дальнейшей деятельности!

Facebook|Instagram|Twitter