#ёшлар_дастури_амалда

"ФАЙЗОБОД"ЛИК ЁШЛАРГА ЕР БЕРИЛДИ

"Файзобод"да бугунгача 25 нафар ишсиз йигит-қизга 7,5 гектар ҳосилдор ер майдонлари ажратилди.

Бугун 1-сектор ҳудудидаги ушбу маҳалладаги "Ёшлар дафтари"га рўйхатга олинган яна 6 нафар ёшга ер ажратиб берилди. Туман ҳокими ўринбосари С.Ҳамдамов, кадастр бўлими, маҳалла фаоллари иштирокида "Ботиров Худоёр" фермер хўжалиги ҳудудидан ёшларнинг ҳар бирига 25 сотихдан 1,5 гектар майдон ҳайдаб, текисланиб, экишга тайёрлаб берилди. Ёшлар истаган экинни экиши ва агротехник тадбирларида тажрибали фермер маслаҳат ва амалий ёрдам беради.

Каналга уланиш⤵️
https://t.iss.one/piskenthokimligi

#ёшлар_дастури_амалда
#спорт

ПИСКЕНТЛИК ЖАНГЧИЛАР ҒОЛИБ

🤼‍♂Болалар ва ўсмирлар спорт мактабида Ўзбек жанг санъати спорт тури бўйича Тошкент вилояти биринчилиги мусобақалари бўлиб ўтди.

Ўзбекистон Республикаси Президентининг «Соғлом турмуш тарзини кенг татбиқ этиш ва оммавий спортни янада ривожлантириш чора-тадбирлари тўғрисида»ги Фармони ижросини таъминлаш мақсадида ташкил этилган мусобақада Тошкент вилоятидаги 22 та туман ва шаҳардан 600 нафар спортчи ёшлар иштирок этди.

Ўзбек жанг санъатининг ёш вакиллари ўртасида кескин курашларга бой ўтган мусобақада Пискент тумани спортчилари умумжамоа ҳисобида ғалаба қозонди.

📌Малумот ўрнида: Туманда мазкур спорт тури бўйича 5 нафар мураббий фаолият олиб бормоқда. 120 нафар ёшлар мунтазам шуғулланиб, улар орасида 20 нафар Ўзбекистон чемпионлари бор. Шунингдек, БЎСМ томонидан тумандаги 2,4,7,9,10-мактабларида ўзбек жанг санъати тўгараклари ҳам ташкил этилган.

Каналга уланиш⤵️
https://t.iss.one/piskenthokimligi

#ёшлар_дастури_амалда

ЁШ ДАСТУРЧИЛАР ИСТИҚБОЛЛИ ЛОЙИҲАЛАР БИЛАН

💻Туманимизда ёш дастурчилар ўртасида “Истиқболли IT лойиҳалар” танлови бўлиб ўтди. Ахборот технологиялари ва коммуникацияларни ривожлантириш вазирлиги вилояти бошқармаси, Ёшлар ишлари агентлиги вилоят бошқармаси, Халқ таълими бошқармаси, Пискент тумани Рақамли технологиялар ўқув маркази ҳамкорлигида ташкил этилган танловда Тошкент вилоятининг барча туман ва шаҳридан ёш дастурчилар ўзларининг инновацион ғоялари, лойиҳалари билан иштирок этдилар.

Иқтидорли, лойиҳалаш ва дастурлаш соҳасида ишлай олиш қобилиятига эга ёшларни аниқлаш ва қўллаб-қувватлаш; иқтидорли ёш дастурчиларга маҳоратини кўрсатиш ва ақлий салоҳиятини намоён этишлари учун имконият яратиш мақсадида ташкил этилган танловда ёшлар АКТ соҳасидаги инновацион ғоя, робототехника, веб дастурлаш номинациялари бўйича маҳоратларини намойиш этишди. Ғолиблар ташкилотчилар томонидан диплом ва совғалар билан тақдирланади.

Каналга уланиш⤵️
https://t.iss.one/piskenthokimligi