Халқ таълими вазирлиги томонидан таълим тизимини янада ривожлантиришга оид катта фармон лойиҳаси эълон қилинди

https://regulation.gov.uz/ru/document/23678

Унда жумладан қуйидагилар назарда тутилмоқда:

➖ Тошкент ва Нукус шаҳри ҳамда вилоятлар марказларидаги навбатлилик коэффициенти паст бўлган мактаблар тажриба-синов тариқасида хусусий сектор вакилларига 5 йилга ишончли бошқарувга берилади;

➖ ўқувчилари халқаро фан олимпиадаларида ғолиблик (олтин, кумуш, бронза медали)ни қўлга киритган педагогларга тўғридан-тўғри олий малака тоифаси берилади;

➖ умумтаълим муассасалари педагогларига 2020 йил 1 ноябрдан бошлаб синф (гуруҳ) раҳбарлиги учун тўловлар 1,5 бараварга оширилади;

➖ 2021 йил 1 апрелдан бошлаб ҳудудий халқ таълими бўлинмалари методистларининг иш ҳақи миқдори олий тоифали ўқитувчининг базавий тариф ставкаси миқдорига тенглаштирилади;

➖ 2024/2025 ўқув йилига қадар фаолияти давомида юқори натижаларга эришган педагогларнинг ойлик маоши меҳнатга ҳақ тўлашнинг энг кам миқдори 15 бараваригача босқичма-босқич ошириб борилади;

➖ Мактаб битирувчиларининг ўқишга кириш ҳамда ишга жойлашиш кўрсаткичлари асосида мактабнинг раҳбар ходимларини турли миқдорларда рағбатлантириш йўлга қўйилади;

➖ мактаб, коллеж, лицей битирувчиларининг шаҳодатномаси (диплом иловаси)даги мажбурий 11 йиллик таълимнинг сўнгги 6 йиллик баҳоларининг ўртача кўрсаткичи киритилади ва ушбу кўрсаткич ОТМга кириш имтиҳонларида инобатга олинади;

➖2021 йил 1 январдан бошлаб мактаб директорларини лавозимга тайинлаш, уларга нисбатан интизомий жазо қўллаш ҳамда иш берувчининг ташаббусига кўра лавозимидан озод этиш тегишли халқ депутатлари туман (шаҳар) Кенгашлари билан келишилган ҳолда амалга оширилади.

Ва бошқа шу каби ўзгаришлар таклиф этилмоқда. Лойиҳа билан танишиб, ўз таклиф-мулоҳазаларингизни қолдиринг.


👉 @xushnudbek 👈

Фармон лойиҳасига кўра, яна қуйидагилар таклиф қилинмоқда:

➖ миллий рейтингида сўнгги 5 йил давомида доимий равишда биринчи 3 та ўриндан бирини эгаллаган ОТМларга олий маълумотли кадрлар тайёрлаш бўйича академик ва молиявий мустақиллик бериш ҳамда мустақиллик мезонлари Европа университетлари ассоциацияси стандартларига мувофиқ қабул қилиш;

➖ миллий рейтингида биринчи 10 та ўриндан бирини эгаллаган ОТМларга мавжуд ихтисосликлар бўйича илмий унвонларни мустақил бериш ваколатини бериш;

➖ 2021 йил 1 сентябрга қадар ҳар бир ҳудудда нодавлат, жумладан давлат-хусусий шериклик асосида камида биттадан ОТМлар ташкил қилиш;

➖ 2021/2022 ўқув йилидан бошлаб ОТМлар қарорига мувофиқ номутахассислик фанлари модуль тизими асосида ўқитиш;

➖ 2020/2021 ўқув йилидан бошлаб хорижий талабаларни ОТМларга ўқишга қабул қилишни йилда 2 марта семестрнинг бошида ташкил қилиш.

Фармоннинг тўлиқ матни бу ерда:
https://regulation.gov.uz/ru/document/23678


👉 @xushnudbek 👈

❓1 октябрдан имтиёзлар тугади. Тўпланган фоиз ва қарзларни бирдан тўлайманми?

Марказий банк раиси Мамаризо Бердимуратович ушбу саволга жавоб берди.

Каналга уланиш⤵️
https://t.iss.one/piskenthokimligi

#сессия
#онлайн

VI чақириқ Халқ депутатлари Пискент туман Кенгашининг XVI сессияси бўлиб ўтмоқда.

Кун тартибидан қуйидаги масалалар ўрин олган:

1. Ўзбекистон Республикаси Президентининг “Мамлакатимиз таълим-тарбия тизимини янада такомиллаштириш, илм-фан соҳаси ривожини жадаллаштиришга оид қўшимча чора-тадбирлар тўғрисида”ги Фармони лойиҳаси тўғрисида;

2. Пискент туманидаги умумий ўрта таълим мактаблари, 79-сонли мактаб интернати ва 1-сонли касб-ҳунар мактаби фаолиятини босқичма-босқич аньанавий ҳамда масофавий ҳолатда фаолият юритиши тўғрисида;

3. Пискент тумани маҳаллий бюджетининг 2020 йил 9 ойликдаги ижроси тўғрисида.

Каналга уланиш⤵️
https://t.iss.one/piskenthokimligi

#сессия

ХТБ раҳбари, мактаб директорлари ҳамда депутатлар томонидан таълим-тарбия тизимини янада такомиллаштириш, илм-фан соҳаси ривожини жадаллаштириш оид таклифлар билдирилди.

Жумладан, умумий ўрта таълим тизимида таълим сифатини ошириш, кадрлар салоҳиятини кўтариш ва моддий-техник базасини мустаҳкамлаш учун

-мактабларнинг йиллик сметасида бадиий китоблар учун маблағ ажратиш;

-тумандаги умумий ўрта таълим мактабларида фаолият юритаётган 748 нафар синф раҳбарларини малака ошириш курсларига жалб этиш;

-барча ўқитувчилар учун режа-график асосида малака ошириш курсларининг анъанавий ва онлайн шаклларини ташкил қилиш;

-туман Халқ таълими бўлими тасарруфидаги оптик толали алоқа тизими етиб бормаган мактабларни босқичма босқич интернет тармоғига улаш;

- мактабни "олтин" ва "кумуш" медаллар билан тамомлаган битирувчиларга ОТМ га киришда имтиёзлар бериш;

-туман ҳокимлиги билан келишган ҳолда, туманда 1 та математика (42-мактаб), 1 та информатика (6-мактаб), 1 та кимё ва биология (4-мактаб) фанларига ихтисослашган мактаб ташкил қилиш;

-навбатлилик коэффициенти паст бўлган 6, 14, 27, 42-умумтаълим муассасаларидан бирини хусусий секторларга ишончли бошқарувга бериш;

-тумандаги умумий ўрта таълим мактабларида тахсил олаётган ўқувчилар орасидан иқтидорли ёшларни аниқлаш ва қўллаб-қувватлаш мақсадида ички олимпиадалар, ҳудудлар кесимида онлайн мусобақалар, турли қизиқарли тестлар ва иншолар танловлари ўтказиш, халқаро онлайн олимпиадаларда иштирок этишлари учун шароитлар яратиш;

-Рақамли иқтисодиётни ривожлантириш мақсадида туман Молия бўлими, туман Ахборот коммуникациялар боғламаси билан ҳамкорликда IT марказ фаолиятини ташкил этиш сингари таклифлар муҳокама этилди.

Каналга уланиш⤵️
https://t.iss.one/piskenthokimligi

#Расмий

"Ангрен шакар" корхонасида содир бўлаётган ҳолат юзасидан ахборот

Ижтимоий тармоқларда “Ангрен шакар” маъсулияти чекланган жамияти томонидан оммавий равишда ходимларни ишдан бўшатилаётганлиги билан боғлиқ маълумотлар тарқалди. Мазкур ҳолат вилоят ҳокимлиги ахборот хизмати ва ОАВ вакиллари билан биргаликда жойига чиққан ҳолда ўрганилди.

Корхона иш фаолиятининг тўхтатганлиги алоҳида ёндашувни талаб қиладиган, боз устига, масаланинг моҳиятида бозор иқтисодиёти тамойиллари, чунончи, талаб ва таклиф қонуни турганини инобатга олиб, айни пайтда муаммонинг бу жиҳатига тўхталмаймиз. Биз бу ўринда, корхона фаолият олиб бормаган даврда унда меҳнат қилаётган 600 нафардан зиёд ишчи-ходимлар тақдири ҳақида сўз юритамиз.

Мазкур корхона қарийб 5 ойдан буён фаолият кўрсатмасдан келмоқда. Лекин шунга қарамасдан, шу вақтга қадар ишчи-ходимларга ойлик маош тўлаб келинган. Айримлари эса ҳақ тўланмайдиган таътилга чиқарилган.

Ҳозирги вақтга келиб, корхона томонидан ўзаро келишув асосида, яъни келгусида корхона иш фаолиятини тиклагач, қайта ишга олиш шарти билан ходимлар билан тузилган меҳнат шартномалари бекор қилинмоқда. Айни дамда 150 дан ортиқ ишчи-ходим ишдан бўшатилган, уларнинг барчасига компенсация пуллари тўлаб берилган. Ишдан бўшатишлар, ҳақ тўланмайдиган меҳнат таътиллари яна давом этиши мумкин.

Айни пайтда Оҳангарон шаҳар ва туман ҳокимлиги вақтинча ишсиз қолган фуқароларни иш билан таъминлаш бўйича дастлабки режаларни муҳокама қилиб, таклифлар тайёрламоқда. Бунда, асосан, саноат ва ишлаб чиқаришда маълум тажрибага эга бўлган ишчиларни ўз соҳасига яқин бўлган ишлаб чиқариш объектларига ишга жойлаштириш назарда тутилмоқда.

Бугун Оҳангарон тумани ҳокимининг биринчи ўринбосари Миршоҳид Мирюнусов, ҳудудларни ижтимоий-иқтисодий ривожлантириш бўйича 4-сектор раҳбари Анвар Мўминов мазкур корхонада бўлиб, ишчилар ва раҳбарлар билан суҳбатлашди.

Корхонадан бўшатилган ишчи-ходимларга 15 кун муддатда янги иш ўринлари таклиф этиш бўйича хулоса тайёрланаётгани ҳақида ахборот берилди.

Каналга уланиш: https://t.iss.one/toshvilpressa

Web-site| Facebook| Instagram|Telegram