#Пресс_тур

Журналистларнинг навбатдаги манзили "Ғайрат" маҳалласидаги иссиқхоналар бўлди.

Пискент тумани ҳокимлиги ташаббуси билан ташкил этилган мазкур камхарж иссиқхоналар Жанубий Корея технологияси асосида иситиш манбасиз бўлиб, уч қават плёнка остида совуқ кунларда ҳам қуёш нури мевалар етилиши учун етарли бўлади. 10 гектар майдонда барпо этилган 100 та иссиқхона тадбиркорлик билан шуғулланиш истаги бўлган фуқароларга 10 сотиҳдан 10 йил муддатга ижара асосида берилмоқда.
Мутахассислар томонидан совуққа чидамли "Солл хьянг" навли қулупнай экилиб, суғориш тизимлари билан бирга тайёр ҳолда топширилган.

Иссиқхонадаги ишлар, ҳосилга кирган кўчатлар ва кутилаётган фойда ҳақида журналистларга фойдаланувчиларнинг ўзлари сўзлаб бердилар.

Каналга уланиш⤵️
https://t.iss.one/piskenthokimligi

#Пишиқчилик
#Пресс_тур

Чиллаки чумак урибди

Йил серёғин келиб, ёз анча кечиккан бўлсада, мевалар ўз вақтида пишиб етилди. Пискентдаги деярли ҳар бир хонадонда ток ўстирилади, узум етиштирилади. Ортгани эса пойтахт бозорларини тўлдиради. Умуман, туманда боғдорчилик тармоқлари қандай ривожланмоқда?

Бугун шу мавзуда оммавий ахборот воситалари журналистлари учун туманимиз узумзорларига пресс тур уюштирилди.

Узумчиликда Пискент тажрибаси ҳақидаги мақолани эса мана бу ерда ўқишингиз мумкин.

Каналга уланиш⤵️
https://t.iss.one/piskenthokimligi

#Пресс_тур

Журналистларнинг навбатдаги манзили "Zhongtian Chemical" МЧЖ Ўзбек-Хитой қўшма корхонаси бўлди.

"Кўлота" МФЙ ҳудудида жойлашган, 12 гектар майдонда барпо этилган ушбу корхонада синтетик тола тайёрлашда қўлланадиган «ксантогенат» кимёвий гранулалари ишлаб чиқарилади. Айни вақтда 150 нафар маҳаллий аҳоли иш билан таъминланган. Мазкур лойиҳанинг умумий қиймати 5 млн АҚШ доллари бўлиб, шундан 3 млн 500 минг АҚШ доллари тўғридан тўғри хорижий инвестиция ҳисобидан амалга оширилган. Маҳсулотлар Россия, Қозоғистон давлатларига экспорт қилинади.

Каналга уланиш⤵️
https://t.iss.one/piskenthokimligi

#Пресс_тур

Кўҳна Пискентнинг ҳар бир гўшаси узоқ ўтмишдан сўзлайди, қаърида сирлар яширин.

Сўлим Қирққиз зиёратгоҳида бўлган пресс тур иштирокчилари у билан боғлиқ афсоналарни тинглаш ва ҳақиқатларни ўрганишга имкон топдилар. Кўлота қишлоғи аҳли, зиёратга келган Наманган, Сирдарё ва Бухоролик зиёратчилар билан суҳбатлашиб, таассуротлари билан ўртоқлашдилар.
Кўҳна манзилларнинг бугунги ҳолати тасвирга олинди.

Каналга уланиш⤵️
https://t.iss.one/piskenthokimligi