#Ibrat

Qoʻsha qarish saodati

Donishmand xalqimiz toʻylarda yoshlarga “Ilohim qoʻsha qaringlar” deb duo qilishi bejiz emas. Murotali mahalla fuqarolar yigʻini Qoʻshtepa qishlogʻida yashovchi Abduqahhor ota va Muyassarxon aya Nosirovlar qoʻsha qarib, hayotning achchiq-chuchugini hamdam, yelkadosh boʻlib birga totgan insonlardan. 9 oʻgʻil, 1 qizni tarbiyalab voyaga yetkazgan nuroniylar bugun 35 nevara va 30 chevaranig ardogʻida turmushining 60 yilligini nishonlamoqda.

Shu munosabat bilan Piskent tumani “Nuroniy” kengashi raisi Muzaffar Axrorov va Murotali mahallasi raisi Egamberdi Usmonov ushbu xonadonda boʻldilar. Nuroniylarni tabriklab, samimiy tilaklar bildirishdi.

Abduqahhor ota 45 yil maktabda bolalarga adabiyot fanidan saboq bergan, Muyassarxon aya esa 20 yil kolxozda ishlab, pilla boqqan. Ular birgalikda turmush kechirgan yillar xotiralarini mehmonlar, nabiralariga soʻzlab berarkan, oʻtgan yillardagi qiyinchiliklarni yodga olishdi. Hozirgi tinch va toʻkin zamonning qadriga yetish va farovon hayot kechirish uchun halol mehnat qilish zarurligini taʼkidladi. Piri badavlat keksalarning xonadonida hozir ham 3 sotix issiqxona, chorva saqlanadi. Maktabda oʻqish bilan birga nabiralari ish bilan band boʻlishadi.

Bu kabi qoʻsha qarigan oilalarning hayot yoʻli bugungi yoshlarga ibrat maktabidir.

Kanalga ulanish⤵️
https://t.iss.one/piskenthokimligi

⚡️2024 йил 1 январдан бошлаб бир қатор ижтимоий тўловлар Ижтимоий ҳимоя миллий агентлиги тасарруфига ўтказилди:

➖ Ёшга оид нафақа;
➖ Боқувчисини йўқотганлик нафақаси;
➖ Ўзгалар парваришига муҳтож ногиронлиги бўлган 18 ёшгача болаларнинг парвариши билан банд бўлган қонуний вакилига нафақа;
➖ Болаликдан ногиронлиги бўлган шахсларга нафақа (1 ва 2-гуруҳ, 18 ёшдан катта);
➖ 1 ва 2-гуруҳ ногиронлари учун нафақа;
➖ Кам таъминланган оилалар учун болалар нафақаси;
➖ Кам таъминланган оилаларга моддий ёрдам;
➖ Фарзанд туғилганда бериладиган бир марталик нафақа (“Суюнчи пули”);
➖ Дафн қилиш учун нафақа (“Дафн пули”) .

Бунда ижтимоий тўловлар учун ариза бериш, уларни кўриб чиқиш, тайинлаш ва тўлашнинг амалдаги тартиби сақлаб қолинади.

Мазкур ижтимоий тўловлар билан боғлиқ барча мурожаатларни туман ёки шаҳарлардаги "Инсон" ижтимоий хизматлар марказлари қабул қилади.

Каналга уланиш: 
➖@uzauz