#Ustozga_ehtirom

1oktyabr - O‘qituvchi va murabbiylar kuni munosabati bilan tantanali tadbir bo‘lib o‘tdi

"Malika" tantanalar majmuasida bo‘lib o‘tgan tadbirda tuman hokimi Nodirbek Yakubov, sektor rahbarlari, Maktabgacha va maktab ta'limi tizimida mehnat qilayotgan jonkuyar o‘qituvchilar va faxriy ustozlar ishtirok etdi.

Tuman hokimi Nodirbek Yakubov ta’lim sohasiga e’tibor davlat siyosati darajasiga ekanligi o‘qituvchilar uchun yuksak sharaf bo‘lishi bilan birga ulkan mas’uliyat yuklashini ta’kidladi. Kasbiga fidoyi, ta’lim-tarbiya jarayonida vatanparvarlik namunasini ko‘rsatib kelayotgan o‘qituvchi va murabbiylarga tuman hokimligi, maktabgacha va maktab ta’limi bo‘limi, ta’lim, fan va madaniyat xodimlari kasaba uyushmasi tuman kengashining faxriy yorliqlari, qimmatbaho sovg‘alari tantanali topshirildi.

Bayram dasturi tuman Madaniyat bo‘limi honandalari, san'atkorlarning dilrabo kuy-qo‘shiqlari bilan yanada fayzli o‘tdi.

Kanalga ulanish⤵️
https://t.iss.one/piskenthokimligi

#Obod_xonadon_obod_koʻcha_obod_mahalla

Suvtida hasharlar davom etmoqda

Mahallada aholi turmush darajasini yaxshilash, xonadonlar, ko‘chalar obodligini ta’minlash bo‘yicha hasharlar davom etmoqda.

Bugun tuman hokimi Nodirbek Yakubov mahalladagi Mustaqillik ko‘chasidagi xonadonlarda bo‘ldi. Turmush madaniyatiga xos bo‘lmagan va ko‘cha ko‘rinishini buzib turgan eski va xarob ahvoldagi inshootlarni bartaraf etish yuzasidan xonadon egalari bilan suhbatlashdi.

Eslatib o‘tamiz, "Obod xonadon, obod ko‘cha, obod mahalla" mezonlarini joriy etishda Suvti MFY tanlab olingan bo‘lib, obodonlashtirish ishlari barcha mahallalarda davom etadi.

Kanalga ulanish⤵️
https://t.iss.one/piskenthokimligi

#Obod_xonadon_obod_koʻcha_obod_mahalla

Obodonlashtirish ishlari doirasida O‘zbekiston ko‘chasiga piyodalar o‘tish chiziqlarini yangilash, noqonuniy qurilmalarni buzib, tartibga keltirish, ariqlarni tozalash ishlari olib borilmoqda.

Kanalga ulanish⤵️
https://t.iss.one/piskenthokimligi