YANGI BOG‘CHA FOYDALANISHGA TOPSHIRILDI

Bugun Oybek mahallasi bolajonlari uchun ajoyib sovg‘a-yangi bog‘cha foydalanishga topshirildi. Maktabgacha va maktab ta’limi bo‘limi tasarrufidagi 13-bo‘g‘cha 1970 yilda qurilgan, moslashtirilgan binoda faoliyat yuritar edi. Hududda bolalar soni ortishi yangi va zamonaviy binoga ehtiyoj tug‘dirdi.

Mana bugun esa Investitsiya dasturi asosida 2 milliard 600 million so‘m evaziga 90 o‘rinli yangi bino bolajonlar ixtiyoriga topshirildi. Tantanali ochilish marosimida Piskent tumani hokimligi mas’ullari, viloyat va tuman Maktabgacha va maktab ta’limi bo‘limi rahbarlari, deputatlar, faollar va nuroniylar, ota-onalar jam bo‘lishdi.

Muassasada sifatli ta’lim-tarbiya olish uchun barcha sharoit yaratilgan. Keng, shinam va yorug‘ xonalar, mashg‘ulot va ovqatlanish zallari, oshxonalar issiqlik tizimiga ulangan.

Tadbir doirasida OAV vakillari uchun press tur tashkil etildi.

Kanalga ulanish⤵️
https://t.iss.one/piskenthokimligi

MITAN MAHALLASIDA HAM YANGI BOG‘CHA OCHILDI

Bolajonlar va ota-onalarining bayram kayfiyati davom etmoqda. Gap shundaki, bugun yana bir yangi hususiy maktabgacha ta’lim muassasasi tantanali ochildi.

Mitan mahallasida joylashgan yangi bog‘cha ayniqsa tuman markazida joylashgan korxona va tashkilotlarda ishlovchi onalarga katta qulaylik yaratdi. Yosh tadbirkor Sh.Atayeva tashabbusi bilan qad rostlagan muassasa 50 nafar bolajonlarni o‘z bag‘riga oldi. Shinam va yorug‘ xonalarda bolajonlar ona tilidagi mashg‘ulotlardan tashqari rus va ingliz tili, musiqa va sport bilan shug‘ullanish imkoniyatiga ega bo‘lishadi.

Tadbirda qatnashgan Ma’naviyat va ma’rifat bo‘limi rahbari S.Azimova, Maktabgacha va maktab ta’limi bo‘limi rahbari B.Ishmurodova o‘z so‘zida bolajonlar bu maskanda yaratilgan sharoit va imkoniyatlardan samarali foydalanib, Vatanimiz kelajagi uchun zarur insonlar bo‘lib yetishiga tilak bildirdi.

Kanalga ulanish⤵️
https://t.iss.one/piskenthokimligi

Qiynalganga yelka tutish, nochorga imkon berish xalqimizga xos fazilatdir.

Bugun IIV, Mudofaa vazirligi mas’ullari, tuman Kambag‘allikka qarshi kurashish va bandlikka ko‘maklashish bo‘limi rahbari M.Miryunusov, Lolaariq mahallasi raisi R.To‘rayev va hokim yordamchisi K.Sobirjonov hududdagi uy ta’miriga muhtojligi uchun "Ayollar daftari" ga ro‘yxatga olingan xotin-qizlar xonadonida bo‘ldi.

Ehtiyojmand insonlar holidan xabar olish barobarida oziq-ovqat mahsulotlari taqdim etildi. Shart-sharoitini yaxshilash choralari ko‘rildi.

Eslatib o‘tamiz, "Ayollar daftari"ning 4-bosqichida 4 ta sektordan jami 35 nafar uy-joyi ta’mirga muhtoj xotin-qizlar ro‘yxati shakllantirilib, amaliy ishlar olib borilmoqda.

Kanalga ulanish⤵️
https://t.iss.one/piskenthokimligi

Республика ишчи гуруҳи ўз фаолиятини Тошкент вилоятида давом эттирмоқда

Давлатимиз раҳбари топшириғига асосан тузилган Республика ишчи гуруҳи ўз фаолиятини Тошкент вилоятида давом эттирмоқда.

📍https://uza.uz/posts/499140

🔻Ўзбекистоннинг ягона расмий ахборот агентлиги

Тelegram | Facebook | Instagram | You Tubе