Бироздан сўнг Президент Шавкат Мирзиёев ҳузурида аграр соҳада таълимни янада ривожлантириш масалалари ҳамда қишлоқ хўжалиги йўналишидаги лойиҳаларнинг бориши юзасидан йиғилиш бошланади.
—
Скоро при Президенте Шавкате Мирзиёеве начнется совещание по вопросам дальнейшего развития образования в аграрной сфере и ходе реализации сельскохозяйственных проектов.

Facebook|Instagram|Twitter

Президент ҳузурида қишлоқ хўжалигида халқаро молия институтлари иштирокидаги лойиҳаларнинг бориши ҳамда таълим сифатини яхшилаш масалалари муҳокама қилинмоқда.

Сўнгги беш йилда соҳага 2,5 миллиард доллар хорижий ресурслар жалб қилинди. Шундан, 1,7 миллиард доллар ўзлаштирилиб, 4 мингга яқин лойиҳа амалга оширилди.

Бунинг ҳисобига 2,5 минг гектар замонавий иссиқхоналар, 11 минг гектар интенсив боғлар, 6 та кўчатчилик хўжалиги ва 350 минг тоннали музлаткичли омборхоналар ташкил этилди.

Бугунги кунда, соҳада 810 миллион доллар ўзлаштириладиган маблағ мавжуд.

Давлатимиз раҳбари ушбу маблағлар ҳисобига қилиниши лозим бўлган ишларни белгилаб берди.

Йиғилишда Қишлоқ хўжалиги вазирлигига йил якунига қадар 400 миллион долларлик лойиҳаларни бошлаш топширилди.

Бугунги кунда 580 та янги лойиҳа ишлаб чиқилган бўлиб, кредитлар қисқа муддатга берилиши боис уларни амалга ошириш кечикмоқда. Шу муносабат билан:

- вазирликка лойиҳаларни ишга тушириб, лизинг асосида сотиш ваколати берилади.

- Боғдорчилик агентлигига 1 майга қадар 20 миллион доллар, натижага қараб, йил якунига қадар яна 45 миллион доллар ажратилади;

- бунинг ҳисобига жорий йилда 6 та вилоятда 1,8 минг гектарда интенсив боғ ва токзорлар барпо этилиб, тадбиркорларга камида 7 йил муддатга лизингга берилади.

- 1 майдан боғ ва токзорлар барпо этиш учун кредитлар тадбиркорларга камида 10 йил муддатга ажратилади;

- йил якунига қадар хусусий сектор билан бирга жами 115 минг тоннали 17 та кичик агрологистика марказини ишга туширилади. Улар “тайёр ҳолда” 5 йиллик имтиёзли давр билан камида 10 йилга лизинг асосида сотилади.

Йиғилишда 2022 йилда Андижон, Жиззах, Наманган, Самарқанд, Фарғона ва Хоразм вилоятларида агрохизматлар марказлари ташкил этилиб, 100 дан ортиқ хизматлар йўлга қўйилиши лозимлиги кўрсатиб ўтилди. Шунингдек:

- қишлоқ хўжалигида маблағларни бошқариш ва мониторинг қилиш ахборот тизимини ишга тушириш;

- ерлар ва экинлар ҳисоби ҳамда мониторингини юритишни рақамлаштириш;

- 1 августга қадар 7 турдаги, 2023 йилда барча турдаги субсидия тўлашни электрон тизимга ўтказиш;

- сув баланси ва сарфи ҳисобини юритиш ҳамда ерларни тўғри суғориш ишларини масофавий мониторинг қилиш ахборот тизимини 1 декабргача Фарғона ва Самарқандда, 2023 йилда барча ҳудудларда жорий қилишга топшириқ берилди.

Президент янги Халқаро қишлоқ хўжалиги университети 2022-2023 ўқув йилидан ўз фаолиятини бошлаши зарурлигини қайд этди.

Биринчи ўқув йилида университетда 7 та мутахассислик бўйича 200 нафар талаба ўқитилади.

Йиғилишда аграр соҳа учун замонавий билимга эга ўрта бўғин мутахассисларини тайёрлаш масаласига алоҳида эътибор қаратилди.

Қишлоқ хўжалиги вазирлиги Аграр университет билан тизимдаги коллеж ва техникумларнинг ўзаро боғлиқлигини таъминлаши зарурлиги таъкидланди.

Бугунги кунда Жиззах, Тошкент ва Фарғонада 3 та қишлоқ хўжалиги техникумини модернизация қилиш бошланди.

“Лекин қолган 31 та техникум ва коллеж билан, 83 та касб-ҳунар мактаби билан қачон шуғулланамиз?”, дея савол қўйди Президент.

Қишлоқ хўжалиги ва олий таълим вазирларига икки ой муддатда техникумлар бўйича алоҳида дастур ишлаб чиқиш топширилди.

Бунда:

- аграр соҳадаги барча техникумлар Қишлоқ хўжалиги вазирлиги тизимига ўтказилади;

- кластер ва бошқа йирик қишлоқ хўжалиги корхоналари билан ҳамкорликда техникумлардаги ўқув дастурлар, методологияси, дарсликлар ва амалиёт тизими бутунлай қайта кўриб чиқилади;

- техникумлар янги ташкил этиладиган агрохизматлар марказлари билан узвий боғланади.

Йиғилиш якунида мутасаддилар ҳисобот берди.

#Қутлов

Бугун Пискент тумани Халқ таълими бўлими раҳбари Ҳаётжон Рашидов туғилган кун. Ҳ.Зарафшоновични табриклаб, халқ таълимини ривожлантириш йўлидаги хизматларида муваффақият тилаймиз.

Каналга уланиш⤵️
https://t.iss.one/piskenthоkimligi

#Билдириш

«Тошкент сув таъминоти» МЧЖ Пискент туман бўлими огоҳлантиришига кўра, жорий йил 28 - 30 апрель кунлари янги сув тармоғида реконструкция ишлари олиб борилади. Шу муносабат билан Лолаариқ, Митан, Навоий, Ойбек, Мўминобод, Майлобод, Бекобод, Янгиобод маҳаллаларида ичимлик суви таъминоти вақтинчалик тўхтатилади.

Таъмирлаш ишлари якунлангандан сўнг, ичимлик суви меъёрида узатилади.

Каналга уланиш⤵️
https://t.iss.one/piskenthоkimligi

#МИБ

МИБ - апрель ойида 137 млн сўм махсус дафтарларга йўналтирилган

Прокуратура бюроси томонидан Ўзбекистон Республикаси Президентининг 2020 йил 24 ноябрдаги ПФ-6118 -сонли фармонидан келиб чиқиб, суд ва бошқа органларнинг қарорлари асосидаги жарималар “Аёллар дафтари”, “Темир дафтар” ва “Ёшлар дафтари”га киритилган фуқароларни қўллаб-қувватлашга йўналтирилмоқда.

Биргина апрель ойи давомида бюронинг туман бўлими томонидан 274 млн сўм пул маблағлари ундирилиб, шундан 137 млн сўм махсус дафтарларга ўтказилган.

Каналга уланиш⤵️
https://t.iss.one/piskenthоkimligi

#ОАВ_нигоҳида
#Бунёдкорлик

«Бунёдкорлик йўлида» кўрсатуви ижодкорларининг навбатдаги манзили Пискент тумани бўлди
#27apr #uzbekiston

Каналга уланиш⤵️
https://t.iss.one/piskenthоkimligi