#Shukuh
#Onlayn

O‘zbekiston Respublikasi mustaqilligining 32 yillik bayrami "Yangi hayot uchun, yangi O‘zbekiston uchun!” degan ezgu g‘oya ostida Piskent tumanida ham keng nishonlanmoqda.

Ayni vaqtda qutlug‘ sana munosabati bilan katta bayram tantanasi tashkil etilgan. Tuman hokimi Nodirbek Yakubov boshchiligida Yoshlik markaziy o‘yingohida minglab piskentliklar, tuman faollari, nuroniy keksalar, yoshlar ishtirok etmoqda.

Tinch va osoyishta yurtga bayramlar yarashadi. Bu yerda ham bolajonlarning yuz-ko‘zida quvonch, keksalar qalbida shukronalik hislari jo‘sh urmoqda.

Kanalga ulanish⤵️
https://t.iss.one/piskenthokimligi

#Shukuh
#Onlayn

O‘yingoh bo‘ylab pavilonlarda milliy qadriyatlarimiz aks etgan, so‘rilarda kayvoni ayollar ishtirokida "kelinsalom", "yor-yor" ijro etildi, hunarmandchilik buyumlari hamda qardosh xalqlar va o‘zbek milliy taomlari ko‘rgazmalari joy olgan. Tadbir doirasida milliy va belbog‘li kurash musobaqalari, sharq yakka kurash bellashuvlari namoyish etildi.

Kanalga ulanish⤵️
https://t.iss.one/piskenthokimligi

#Shukuh

Tantanali tadbirni Piskent tumani hokimi Nodirbek Yakubov tabrik so'zi bilan ochib berdi.

Taʻkidlanganidek, mamlakatimiz mustaqilligining o'tayotgan 32 yili ko'p millatli xalqimiz va davlatimiz hayotida juda katta islohotlar, ulkan yangilanishlar bilan tarixda qoldi. O'tgan davr mobaynida amalga oshirilgan ulkan bunyodkorlik ishlari va qo'lga kiritilgan yutuqlar ham shundan guvohlik beradi.

Bayram tadbiri sportchi va sanʻatsever bolajonlar, madaniyat xodimlari va yosh ijodkorlarning musiqiy chiqishlari, el sevgan estrada xonandalari Guli Asalxo'jaeva, Ali Otajonov, Jasur Umirov va Via Marokand guruhining diltortar kuy-qo'shiqlari bilan yanada fayzli o'tdi.

Bayram shukuhi mahallalarda, qishloqlarda va mehnat jamoalarida davom etadi.

Kanalga ulanish⤵️
https://t.iss.one/piskenthokimligi

#Shukuh

Istiqlol shukuhi hududlarda davom etmoqda

Mustaqilligimizning 32 yilligiga bag‘ishlangan bayram tadbiri Mingtepa mahallasida ham tashkil etildi.

"Yangi hayot uchun, yangi O‘zbekiston uchun!" shiori ostida o‘tkazilgan tadbirga mahalla raisi va faollari, nuroniylar, ibratli oila vakillari ham taklif etildi. Nuroniylarning duolari, kelinsalomlar, milliy taomlar va madaniyat xodimlari ijrosida kuy-qo‘shiqlar va raqslar bilan davra fayzli o‘tdi.

Kanalga ulanish⤵️
https://t.iss.one/piskenthokimligi

#Shukuh

"Yangi hayot uchun, yangi O‘zbekiston uchun!" degan ezgu shior ostida Mitan mahallasida ham bayram tadbiri tashkil etildi.

Mahallaning ibratli oilasi A.Eshboyev xonadoniga jam bo‘lgan mahalladoshlar to‘kin dasturxon atrofida dildan suhbat qurishdi. Tadbirda ishtirok etgan tuman hokimi o‘rinbosari M.Usmonova, Kambag‘allikni qisqartirish va bandlikka ko‘maklashish bo‘limi rahbari M.Miryunusov, "Mahalla" xayriya jamg‘armasi rahbari N.Kenjayev yig‘ilganlarni Vatanimiz mustaqilligining 32 yilligi bilan tabrikladi. Mahallaning faol fuqarolari va nuroniylarga sovg‘alar topshirildi.

Kanalga ulanish⤵️
https://t.iss.one/piskenthokimligi

#Shukuh

Mustaqillik bayrami xalqimizning eng ulug‘ va eng aziz bayramidir

Mustaqillik mahallasida ham rais va hokim yordamchisi, 4-sektor mas’ullari birgalikda bayram tadbiri uyushtirdilar. Keksalar duoda, yoshlar xizmatda, bolajonlar esa o‘yin-kulgu bilan band.

Kanalga ulanish⤵️
https://t.iss.one/piskenthokimligi