Taʼkidlanganidek, keyingi yillarda ko‘paygan nosog‘lom maʼrifiy tadbirlar ham aholi, ayniqsa, yoshlar ongiga yot g‘oya va hissiyotlarni singdirishga xizmat qilmoqda. Tashkilotchilar go‘yoki maʼrifiy deb baholaydigan bunday tadbirlar maxsus bilim va tajribaga ega bo‘lmagan hamda asosiy maqsadi pul ishlash bo‘lgan soxta trenerlar, lektorlar tomonidan amalga oshirilmoqda.

Hatto bunday tadbirlarda diniy qarashlar, ko‘pxotinlik, feminizm, axloqiy buzuqlik, huquqbuzarliklar targ‘ib qilinib, tinglovchilar ongini manipulyatsiya qilish holatlari ortayapti. Bunday faoliyatni to‘xtatish, taqiqlash yoki tartibga solishning esa imkoni bo‘lmayapti. Chunki amaldagi qonunchilikda bunday faoliyat huquqiy jihatdan tartibga solinmagan.