🥉 Zabt etib boʻlmas toʻsiq yoʻq yoxud Surxondaryoga 3-oʻrin yarashaveradi!

🏆 Surxondaryo viloyati “Zakovat” klubi tashkil etilganligiga koʻp boʻlgani yoʻq. O‘zbekiston Respublikasi Prezidentining 2022-yil 20-yanvardagi PQ-96-son qaroridan soʻng viloyatimiz boʻylab muntazam ravishda “Zakovat” oʻyinlari oʻtkazib kelinmoqda. Dastlabki 2022-yil biz uchun “Adaptatsiya yili” boʻlib xizmat qilgan boʻlsa, mana oxirgi ikki yildirki har yili kamida bitta yoʻnalishda Respublikada sovrindor boʻlyapmiz. Bu albatta quvonarli. Poytaxtdan olisdagi bir klub uchun yaxshi natija. Hozircha...

✅ Yaratganning goʻzal bir hikmatini qarangki nuqul 3-oʻrinni begona qilmayapmiz. Bugungi kunda ixtisoslashtirilgan taʼlim muassasalari oʻrtasida Denov tuman 2-IMI, oʻrta maxsus va professional taʼlim muassasalari oʻrtasida esa DXX ChQ “Yosh chegarachilar” HAL jamoalari bronza medallarini qoʻlga kiritib, “Zakovat”ning bir-biridan ajoyib imtiyozlariga ega chiqib ulgurdi. Toshkent tibbiyot akademiyasi Termiz filiali esa kuni kecha “Breyn-ring” oʻyinida 3-oʻrinni qoʻlga kiritib, talabalar oʻrtasida ham natija qilish mumkinligini isbotlab berdi. Sezganingizdek bu imtiyoz beradigan oʻyindagi natija emas, afsuski, “Zakovat”da hali qilinajak ishlarimiz koʻp. Balki kelgusi yil ushbu boʻlajak shifokorlarning oʻzlari bu ishni uddalar. Har qalay tarkib jihatdan biz ularni doimo “oltin avlod” deb hisoblaganmiz.

❌ Umumiy oʻrta taʼlim muassasalari oʻrtasida esa uch yildirki natija qila olmayapmiz. Termiz shahar 9-maktab ikki yil mardonavor kurashib koʻrdi. Biroq sovrinli oʻrin nasib qilmadi. Bundan tashqari Oʻqituvchilar va Ayollar oʻrtasida boʻladigan musobaqalarda ham hali hanuz faqat “muzqaymoq yeb qaytyapmiz”.

⚡️ Umid qilamizki kirib kelayotgan 2025-yilda bu yoʻnalishlarda ham oʻzimizni koʻrsata olamiz. Buni uddasidan chiqsa boʻladi, tepada nomi zikr etilgan uchta taʼlim muassasalari isbotlab ulgurdi. Va shuningdek kelgusida 3-oʻrinni 2- va 1-oʻrinlarga almashtirish vaqti kelmadimikin?! 😊

📲 @Surxondaryo_ZakovatNNT