🇺🇿 Zamonaviy maktab liderlar nigohida

Joriy yilning 7-10 fevral kunlari Maktabgacha va maktab ta’limi vazirligi tizimidagi Ixtisoslashtirilgan ta’lim muassasalari agentligi tomonidan “Zamonaviy maktab liderlar nigohida” loyihasi doirasida seminar-treninglar tashkil etilmoqda.

Bundan ko‘zlangan maqsad Agentlik tizimidagi maktablar direktorlari tajribasini umumta’lim maktablari rahbar kadrlari bilan bo‘lishishdir.

Mazkur treninglar maktab rahbarlarini zamon bilan hamnafas, jahon standartlaridan xabardor, jamoasini bir maqsad atrofida birlashtira oladigan haqiqiy liderlar etib tayyorlashga qaratilgan.

Bugun Boysun tumanidagi Prezident ta’lim muassasalari agentligi tizimidagi ixtisoslashtirilgan maktabida seminar-trening bo‘lib o‘tdi.

Ushbu treninglar doirasida:

-ta’limni rivojlantirish yo‘lidagi ustuvor maqsadi va yangicha yondashuvi bilan tanishtirish;

-maktabni rivojlantirish strategiyasini (istiqbol reja) shakllantirishda ta’lim tizimining maqsad va qadriyatlarini asos qilib olishni tushunib yetish;

-maktab strategiyasini ishlab chiqishda maktab jamoasini jalb etish zaruriyatini anglash ko‘zda tutilgan.

Ma’lumot o‘rnida, ushbu loyiha doirasida joriy yilning 28 yanvaridan boshlab “Liderlar haftaligi” seminar-treninglariga start berilgan edi.

Mazkur seminardan ko‘zlangan maqsad umumta’lim maktablari direktorlari uchun uzoq muddatli strategiya va ustuvor vazifalarni belgilash, jamoada sog‘lom muhit yaratish, samarali ta’lim tamoyillari hamda liderlik ko‘nikmalarini rivojlantirish hisoblanadi.

Kanalga ulanish 👉https://t.iss.one/boysunaxborotxizmati

✅ Telegram 💬 Facebook 📹 YouTube 🌍 Web-site

#Жараён

Айни вақтда Денов туманида Мактабгача ва мактаб таълими вазирлиги тизимидаги Ихтисослаштирилган таълим муассасалари агентлиги томонидан “Замонавий мактаб лидерлар нигоҳида” лойиҳаси доирасида семинар-тренинглар ўтказилмоқда.

Мазкур тренинглар мактаб раҳбарларини замон билан ҳамнафас, жаҳон стандартларидан хабардор, жамоасини бир мақсад атрофида бирлаштира оладиган ҳақиқий лидерлар этиб тайёрлашга қаратилган. Шунингдек, умумтаълим мактаблари директорлари учун узоқ муддатли стратегия ва устувор вазифаларни белгилаш, жамоада соғлом муҳит яратиш, самарали таълим тамойиллари ҳамда лидерлик кўникмаларини ривожлантириш ҳисобланади.

Семинар-тренингда 103 нафар мактаб директорлари иштирок этишмоқда.


Денов тумани ҳокимлиги
Ахборот хизмати

❤ t.iss.one/dthaxborotxizmati 🎞 YouTube

🌐 Web-site 🌐 Facebook 🌐 Instagram