Joriy yilda Prezident maktablari ta’lim dasturi yana 1 mingta maktabda boshlanadi. Hokimlar ularni moddiy-texnik bazasini yaxshilashga mas’ul bo‘ladi.

Yig‘ilishda maktab ta’limidagi islohotlarni yanada jadallashtirishga qaratilgan vazifalar belgilab berildi.

O‘tgan yili Respublika ilmiy-metodik markazi tashkil etildi. Shu bilan birga, o‘tgan hafta Loyiha ofisi tashkil qilindi va katta ilmiy-amaliy tajribasi bor va salohiyatli kadrlar jamlandi.

Markaz va ofisga Maktabgacha va maktab ta’limi, Oliy ta’lim vazirliklari bilan birgalikda:

- maktablarda matematika, fizika, kimyo, biologiya va xorijiy tillar bo‘yicha o‘quv reja va dasturlarini xalqaro standartlar asosida yangilash;

- o‘quvchilar bilimi, tahliliy, tanqidiy va kreativ fikrlashi, muammolarga yechim topib, amaliyotda qo‘llay olish ko‘nikmalarini shakllantirishga qaratilgan o‘quv metodikalarini ishlab chiqish topshirildi.

Bunda, tan olingan xorijiy dasturlar (A-level, IB kabi), o‘quvchi va muallimlar bilimini baholashda xalqaro tajribalar (PISA, TIMSS, PIRLS) bosqichma-bosqich joriy etiladi.

Telegram | Facebook | Instagram | YouTube

#Faxrimiz

OLIMPIADA G'OLIBLARIMIZ SAFI KO'PAYMOQDA

🎉 Xiva shahridagi Prezident maktabi o'quvchilari "LINGUIST" chet tillari olimpiadasida ishtirok qilib faxrli va sovrinli o'rinlarni qo'lga kiritdilar. Mazkur o'quvchilarimizni yutuqlari bilan tabriklaymiz.

🥇𝑆ℎ𝑎ℎ𝑟𝑖𝑧𝑜𝑑𝑎 𝐾𝑜𝑚𝑖𝑙𝑗𝑜𝑛𝑜𝑣𝑎
🥇𝑆ℎ𝑎ℎ𝑧𝑜𝑑𝑎 𝑌𝑎𝑛𝑔𝑖𝑏𝑜𝑦𝑒𝑣𝑎
🥇𝑋𝑎𝑦𝑟𝑢𝑙𝑙𝑎 𝐽𝑢𝑚𝑎𝑛𝑖𝑦𝑜𝑧𝑜𝑣
🥈𝑃𝑜𝑙𝑣𝑎𝑛𝑏𝑒𝑘 𝑀𝑎𝑞𝑠𝑢𝑑𝑜𝑣
🥈𝑀𝑢ℎ𝑎𝑚𝑚𝑎𝑑𝑎𝑚𝑖𝑛 𝐸𝑟𝑘𝑖𝑛𝑜𝑣
🥈𝑋𝑢𝑑𝑎𝑦𝑏𝑒𝑟𝑔𝑎𝑛 𝐴𝑙𝑙𝑎𝑏𝑒𝑟𝑔𝑎𝑛𝑜𝑣
🥈𝐴𝑏𝑑𝑢𝑙𝑎𝑧𝑖𝑧 𝑀𝑎𝑠ℎ𝑎𝑟𝑖𝑝𝑜𝑣
🥉𝑅𝑎𝑠𝑢𝑙𝑏𝑒𝑘 𝑁𝑎𝑧𝑎𝑟𝑜𝑣
🏆𝑆ℎ𝑎𝑥𝑧𝑜𝑑𝑏𝑒𝑘 𝑅𝑎𝑧𝑧𝑜𝑞𝑏𝑒𝑟𝑑𝑖𝑦𝑒𝑣
🏆𝑆𝑎𝑚𝑎𝑑𝑗𝑜𝑛 𝑆ℎ𝑢𝑘𝑟𝑢𝑙𝑙𝑎𝑦𝑒𝑣

𝑩𝒊𝒛 𝒊𝒋𝒕𝒊𝒎𝒐𝒊𝒚 𝒕𝒂𝒓𝒎𝒐𝒒𝒍𝒂𝒓𝒅𝒂:
telegram | instagram
facebook | you tube

#Alisher_Navoiy_tavalludining_583_yilligi

ALISHER NAVOIY ILMNI ULUG'LAGAN

Nizomiddin Mir Alisher 1441-yilning 9-fevralida Hirotda, temuriylar xonadoniga yaqin bo‘lgan davlat xizmatchisi Gʻiyosiddin Bahodir oilasida tavallud topgan.

Navoiy 16 ta adabiy janrda ijod qilgan. Shoirning lirik merosi umumiy hajmi 50000 misradan ortiq “Xazoyinul-maoniy” nomli to‘rt devonga jamlangan. Turkiy tildagi ilk “Xamsa" ni 2 yil davomida yozadi. Dunyoning 64 tiliga tarjima qilingan bu asar 51 ming misradan ortiq. Navoiy adabiy merosi yoshlar maʼnaviyatini yuksaltirish, ularni vatanparvarlik ruhida, umuminsoniy gʻoyalar asosida tarbiyalashda muhim ahamiyatga ega.

Mutafakkir ilmga muhabbat insonning eng goʻzal va zarur fazilatlaridan biri, har bir kishining eng muhim burchi bilim olishdir, deb hisoblagan. Shu boisdan maorif masalalariga katta ahamiyat bergan, maktab, madrasalar qurdirishda tashabbus ko'rsatgan. Hirot shahrida bunyod ettirgan “Ixlosiya” madrasasi yonida maktab ochib, bolalarni oʻqitish va tarbiyalashga homiylik qilgan.

Alisher Navoiy 1501-yil 3-yanvarda vafot etgan.

Telegram | Facebook | Instagram | YouTube

#Navoiy_tavalludining_583_yilligi

✅ Gʻazal mulkining sultoni sifatida barcha turkiy xalqlar orasida yuksak qadrlanadigan buyuk shoir va davlat arbobi Alisher Navoiy ijodi chinakam ma’noda o‘zbek adabiyotining ulkan xazinasidir.

❗️Navoiy o‘z davrida ikki — turkiy va forsiy tillarda birdek ijod qilgan kam sonli ijodkorlardan. Uning barcha asarlarida inson va borliq, uning ichki kechinmalari va tuyg‘ulari, ijtimoiy-siyosiy, ilmiy-falsafiy yo‘nalishlarga doir dolzarb mavzular katta badiiy mahorat bilan tasvirlangan.

⚡️Yoshlarni ilm olishga undovchi, Vatanga sadoqat hamda ota-ona va yaqinlarni qadrlash ruhida tarbiyalaydigan nazmiy asarlari necha asrlarki xalqimiz tomonidan sevib mutolaa qilinadi.

Alisher Navoiy — o‘zbek adabiyoti va tarixining buyuk shaxslaridan biridir.

#Bobur_tavalludining_541_yilligi

Zahiriddin Muhammad Bobur — turkiy adabiyotning atoqli vakili, mutafakkir, tarixshunos va davlat arbobi, boburiylar sulolasi va saltanati asoschisi.

Bobur 1483-yilning 14-fevralida Andijonda tug’ilgan. U Fargʻona hokimi Umarshayx Mirzoning oʻgʻli edi. 1494-yili otasi vafotidan keyin 12 yoshida Fargʻona hokimi etib tayinlanadi.

1519–1527-yillarda Bobur Afgʻoniston, Pokiston va Hindiston yerlarini egallab, Boburiylar saltanatiga asos soladi.

Hindistonda Boburiylar sulolasi hukmronligi 300 yildan oshiq davom etgan.

Mutafakkirning "Boburnoma"si o‘zbek mumtoz adabiyotidagi bebaho asarlar qatoridan munosib o‘rin egallagan. Unda Oʻrta Osiyo, Afg‘oniston, Hindiston va Eron xalqlari tarixi, geografiyasiga oid qimmatli ma'lumotlar jamlangan. Asarning o‘sha davr o‘zbek adabiy tilining yorqin namunasi sifatidagi qadr-qimmati hamon yuqori.

Bobur 1530-yil 26-dekabrda Agrada vafot etgan.

Telegram | Facebook | Instagram | YouTube