#xalqaro_hamkorlik

🇺🇿🇰🇷 Oʻzbekiston Respublikasi Maktabgacha va maktab taʼlimi vazirligi bilan Koreya ilm-fan va ijod jamg‘armasi hamda Koreya Respublikasi elchixonasi qoshidagi Koreya ta’lim markazi oʻrtasida hamkorlikni rivojlantirish toʻgʻrisida ANGLASHUV MEMORANDUMI imzolandi.

📝Mazkur hujjat doirasida:
➖ STEM fanlari boʻyicha iqtidorli oʻquvchi va oʻqituvchilar oʻrtasida oʻzaro tajriba almashish maqsadida qisqa va uzoq muddatli onlayn va offlayn shaklda almashinish dasturlarini yoʻlga qoʻyish;
➖Tashkilotlar oʻrtasida oʻzaro kadrlar almashuvi tizimini yoʻlga qoʻyish;
➖ Iqtidorli yoshlar bilan ishlash tizimi bilan tanishish hamda ularni Xalqaro va mintaqaviy fan olimpiadalari (STEM fanlaridan) va musobaqalariga tayyorlash boʻyicha hamkorlikni yoʻlga qoʻyish;
➖ Taʼlim tizimidagi yangiliklarni almashish uchun seminarlar tashkil qilish singari bir qancha loyihalar amalga oshiriladi.

🗣Xabar berganimizdek, Maktabgacha va maktab ta’limi vazirligi huzuridagi Ixtisoslashtirilgan ta’lim muassasalari agentligi hamda Abdulla Avloniy nomidagi milliy-tadqiqot instituti xodimlaridan iborat ta’lim delegatsiyasi Koreya Respublikasida boʻlib turibdi.

✅Delegatsiya a’zolari mazkur amaliy tashrif davomida Koreyada O‘zbekiston Respublikasi ta’lim tizimi rahbarlari uchun tashkil etiladigan amaliy seminarlar, treninglar, malaka oshirish kurslari hamda ta’lim jarayonlaridagi eng so‘ngi zamonaviy metodikalar bilan tanishishlari va bir qancha ta’lim tashkilotlarida bo‘lishlari ko‘zda tutilgan.

Telegram | Facebook | Instagram | YouTube