​Namunali ota-ona bo‘la olyapmizmi?

So‘nggi kunlarda maktab o‘quvchilari bilan bog‘liq turli holatlarni kuzata turib, yurtimizdagi barcha ota-onalarga bir savol bilan murojaat qilishni istadim: bugun biz namunali ota-ona bo‘la olyapmizmi? Namunali ota-ona kim o‘zi?

Ijtimoiy tarmoqlarda farzandlarimiz tarbiyasi, aniqrog‘i tarbiyasizligi bilan bog‘liq ko‘plab videolar tarqalmoqda. Birida o‘g‘il bola o‘quvchi hech tap tortmay ustozi va qiz bola sinfdoshlari oldida kurakda turmaydigan mavzuda gapirishga haddi sig‘ayotgan bo‘lsa, boshqasida bir-bir bilan mushtlashayotgan o‘g‘il-qizlarga guvoh bo‘lish mumkin. Afsuski, bunday holatlar kam emas.

Kelajagimizni ta’minlashda har tomonlama yetuk avlodni tarbiyalash, mustaqil fikrlaydigan, ezgu fazilatlarga ega yoshlarni voyaga yetkazish bugungi kunning eng muhim vazifalaridan biriga aylanib bormoqda.

Xo‘sh, bunda bugungi ota-onalarning o‘rni va xizmatlari qanday bo‘lyapti? Bugungi namunali ota-onalarning hayotiy mezonlari nimalardan iborat?

Qayd etish joizki Vazirlik tomonidan ishlab chiqilgan “Namunali ota-ona” mezonlarida bu haqida quyidagicha muhim ta’riflar keltirib o‘tilgan.

Unga ko‘ra, o‘z farzandining ta’lim-tarbiyasi bilan muntazam shug‘ullanadigan, uni tinglash uchun doim vaqt topa oladigan, farzandida o‘qishga bo‘lgan ishtiyoqni oshirib, unga motivatsiya beradigan ota-onalar bu borada yetakchilik qiladi.

Farzandi ongida ma’naviy qadriyatlarni shakllantira oladigan, uni umuminsoniy va milliy qadriyatlar hamda jamiyatdagi qonun va qoidalarga hurmat ruhida tarbiyalaydigan, bu borada o‘zi shaxsiy namuna bo‘la oladigan ota-onalar ham ushbu mezonga to‘la mosdir.

Farzandining bo‘sh vaqtini kimlar bilan va qanday o‘tkazayotganini doimiy nazorat qilib boradigan, uni ta’lim oladigan maktab jamoasiga nisbatan hurmat ruhida tarbiyalayotgan insonlar namunali ota-onalardir.

Sababi, yuqorida keltirib o‘tilgan o‘quvchilar ishtirokidagi salbiy holatlarning tag zamirida ota-onalarning o‘z farzandi tarbiyasi, kelajak taqdiriga befarqligi va uning bo‘sh vaqtini qanday o‘tkazayotgani bilan qiziqmasligi yotibdi.

Istardimki, ota-onalarimiz, mahalla-ko‘y va bobo-buvilarimiz bolalarimiz bilan ko‘proq suhbat olib borishsa, ularning hayot, odob-axloq, kelajak orzulari, qiziqishlari haqida bolaning o‘zi bilan muloqot olib borsa.

Farzand tarbiyasidagi muvaffaqiyat kaliti bu albatta unga bo‘lgan muhabbat, g‘amxo‘rlik va hurmatdir. Farzand har jihatda namunani ota-onasidan oladi. Namunali ota-ona bo‘lishning shartlari esa juda oddiy va shu bilan birga juda murakkabdir. Ammo uning mevasi shirin, bu – farzand kamoloti va baxtidir.

Shunday ekan, aziz ota-onalar! Zimmangizga yuksak va ma’suliyatli vazifa yuklatilgan, oilangizda o‘rnatilgan namunali tartib va ijobiy muhit nafaqat farzandingiz tarbiyasiga, balki sizning kelajagingizga bevosita ta’sir etishini unutmasligingizni so‘rab qolaman.


Suratda bugungi kunda ikki nafar farzandi Prezident maktabida tahsil olayotgan, ularning ta’lim-tarbiyasida barchaga namuna bo‘la oladigan ota-onalardan biri Abdulhay va Nargiza Jo‘raevlar oilasi.

#Qabul_2023
#Yangi_Oʻzbekiston_universiteti

❗️Agentligimiz tizimidagi “Yangi O‘zbekiston” universitetida o'qishga hujjatlar qabuli davom etmoqda!

⚡️ Endilikda siz 2023/2024-o‘quv yilidan bakalavr bosqichida quyidagi yo‘nalishlarda ta’lim olishingiz mumkin:

🔹Kimyo va materialshunoslik muhandisligi
🔹Mexanika muhandisligi
🔹Elektrotexnika va kompyuter muhandisligi
🔹Dasturiy ta’minot muhandisligi
🔹Kiber xavfsizlik
🔹Sun’iy intellekt va robototexnika
🔹Amaliy matematika
🔹Iqtisodiyot va ma’lumotlar tahlili
🔹Pedagogika
🔹Sanoat boshqaruvi

🗓 Imtihonlarni o‘z xohishingizga ko‘ra may yoki avgust oyida topshirishingiz mumkin.

📝 O‘qishga ariza topshiring: https://newuu.uz/uz/admission/form

☎️ +998712024111
🤖 @newuucontact_bot

Agentlikning rasmiy sahifalariga ulanish:
Telegram | Facebook | Instagram | YouTube

🔬 55-Xalqaro kimyo olimpiadasida ishtirok etuvchi O'zbekiston terma jamoa a'zolari ma'lum bo'ldi

📝 Ular bilan tanishing:

1. Azizbek Nazarov — Abu Ali ibn Sino nomidagi ixtisoslashtirilgan maktabning 11-sinf o‘quvchisi;
2. Abdulloh Mahmudov — Uchtepa tumanidagi 81-maktabning 10-sinf o'quvchisi;
3. Sohibjon Dilmurodov — Toshkent shahridagi Prezident maktabining 10-sinf o‘quvchisi;
4. Shaxzoda Xakimova — Abu Ali ibn Sino nomidagi ixtisoslashtirilgan maktabning 11-sinf o‘quvchisi;

💡Ma'lumot uchun, mazkur nufuzli xalqaro fan olimpiadasi shu yilning 16-25-iyul kunlari Shvetsariya davlatida bo'lib o'tadi.

⏩ Bundan tashqari, joriy yilning 30-aprel — 7-may kunlari Qozog'istonning Ostona shahrida 57-Xalqaro Mendeleyev kimyo olimpiadasi tashkil qilinadi. Mazkur xalqaro olimpiadada yurtimiz sharafini 6 nafar o'quvchi himoya qilishi belgilangan.

🌡 Yuqoridagi o'quvchilardan tashqari yana 2 nafar o'quvchi 57-Xalqaro Mendeleyev kimyo olimpiadasida ishtirok etishadi:

5. Biloliddin Zuhriddinov — Abu Ali ibn Sino nomidagi ixtisoslashtirilgan maktabning 9-sinf o‘quvchisi;
6. Azizbek Xafizov — Buxoro davlat tibbiyot instituti akademik litseyi 2-bosqich o'quvchisi.

🥇Xalqaro fan olimpiadalarida ishtirok etadigan barcha ishtirokchilarimizga omad yor bo‘lsin.

Agentlikning rasmiy sahifalariga ulanish:
Telegram | Facebook | Instagram | YouTube

#oʻquvchilar_ijodidan

✨Xiva shahridagi Prezident maktabining bitiruvchi o'quvchisi Rahmonova Sumbula ijodidan.

TO'RA SULAYMON

Otashin quyoshning otash farzandi,
Falakning yulduzi, falak gardishi,
Ma’nolar maxzani, tilsim maxzani
Sulaymon farzandi To‘ra Sulaymon.

Bahorni kuyladi tinmay og‘rinib,
Xotira qarida yashadi mangu,
Ajdodlar izini tinmayin bosib,
Armondan tug‘dirdi yangi bir orzu.

Bulbul xonishin kuyiga soldi,
Gullar nolasin soldi yallaga.
Undan ajoyib qo‘shiqlar qoldi,
She’rlari aylandi o‘lmas allaga.

🌐Bizni kuzatishda davom eting
Telegram | Instagram | Facebook | you tube