«Кадастр соҳасида айрим давлат хизматлари кўрсатишнинг маъмурий регламентларини тасдиқлаш тўғрисида» ҳукумат қарори қабул қилинди

➡️ https://bit.ly/3548X4v

Каналга қўшилиш ⬇️
https://t.iss.one/joinchat/AAAAAEHi_Tk-4p_xI26gIw

🚌 Олмалиқда имтиҳон кунлари арзонлаштирилган транспорт хизмати йўлга қўйилди

👏🏻 Олмалиқ шаҳридан олий ўқув юртларига ҳужжат топширган жами 7 247 нафар абитуриент тест синовларида иштирок этиши учун шаҳар ҳокимлиги томонидан 2 сентябрдан 14 сентябргача 2 сменадаги арзонлаштирилган транспорт хизмати ташкиллаштирилди.

🚍 Тестнинг биринчи кунида 25 та транспорт воситаси абитуриентларни пойтахтга олиб бориб келди. Абитуриентларнинг хавфсизлигини таъминлашда шаҳар ИИБ ва ЙҲХ ходимлари иштирок этишди.

👉 Тошкент хабарлари

#Қонунчиликдаги_янгиликлар

Валюта операцияларини амалга ошириш соддалаштирилди

Марказий банк бошқаруви томонидан тасдиқланган Ўзбекистон Республикасида валюта операцияларини амалга ошириш қоидалари Адлия вазирлигида давлат рўйхатидан ўтказилди.

➡️ Мазкур ҳужжат валютани тартибга солиш соҳасидаги амалда бўлган 5 та идоравий норматив-ҳуқуқий ҳужжатларни унификация қилиш орқали қабул қилинди ва 2020 йил 1 сентябрдан кучга кирди.

🔰 Мазкур Қоидалар билан валюта операцияларини амалга оширишда қуйидаги янгиликлар жорий этилди:

👉 жисмоний шахслар билан валюта операцияларини амалга оширишда улардан паспорт нусхаси талаб қилиш билан боғлиқ норма чиқариб ташланди;
👉 банклар томонидан мижозлар билан валюта операцияларини амалга оширишда ортиқча вақт ва ҳужжатлар талаб этилиши билан боғлиқ нормалар бекор қилинди;
👉 хўжалик юритувчи субъектларнинг маблағларини конвертация қилиш жараёнлари ҳамда чет эл валютасини сотиб олиш учун тақдим этиладиган буюртмаларни банклар томонидан кўриб чиқиш тартиби соддалаштирилди;
👉 валюта биржаси савдоларида иштирок этиш учун мижознинг ҳисобварағида қатъий равишда маблағлар резерв қилиниши бўйича талаб бекор қилинди;
👉 сотиб олинган маблағлардан фойдаланиш борасида қўшимча қулайликлар яратилди, хусусан, банк мижозларининг махсус валюта ҳисобварағига турли хил сабабларга кўра қайтиб тушган валюта маблағларидан такроран фойдаланиш имконияти яратилди;
👉 Марказий банк томонидан айирбошлаш шохобчаларини рўйхатга олиш ва уларга гувоҳномалар бериш амалиёти бекор қилинди;
👉 айирбошлаш операцияларини расмийлаштириш тартиби, валюта айирбошлаш шохобчаларида ходимлар сони, хавфсизлик талаблари, уларни мониторинг қилиш ва бошқа талаблар тижорат банклари томонидан мустақил белгиланади.

⚠️ Маълумот учун: Ўзбекистон Республикаси Президентининг “Давлат ҳуқуқий сиёсатини амалга оширишда адлия органлари ва муассасалари фаолиятини янада такомиллаштириш чора-тадбирлари тўғрисида” 2020 йил 19 майдаги ПФ–5997-сон Фармони билан 2020 йил 1 июлдан 2021 йил 1 январгача идоравий норматив-ҳуқуқий ҳужжатларни қабул қилиш тўхтатилган, бундан ўзгартириш ва қўшимчалар киритиш ҳамда ўз кучини йўқотган деб топиш тўғрисидаги, шунингдек унификация қилишни назарда тутувчи идоравий норматив-ҳуқуқий ҳужжатларни қабул қилиш мустасно.

Каналга уланиш👇👇👇
https://t.iss.one/huquqiyaxborot

#комиссия_баёноти

Олмалиқ шаҳрида кунлик эпидемиологик вазият ҳақида 2020 йил 3 сентябрь ҳолатига бўлган маълумот

❇️ Бугунги кунга қадар, шаҳар фуқароларининг жами 198 нафарида коронавирус инфекцияси тасдиқланган.

Улардан

✅ тўлиқ соғайганлар - 185 нафар
⚫️ ўлим ҳолати - 2 нафар

Шундан:

✅аҳоли орасида – 178 нафар
✅чет давлатлардан келган фуқаролар орасида - 20 нафар

🔶 стационар шароитда - 7 нафар
🔶уй шароитида - 4 нафар
🔶пневмония - 7 нафар

📆 Кун ҳолатига

✅ Кун давомида аниқланганлар – 3 нафар (аҳоли орасида)
✅соғайганлар - 3 нафар

@Olmaliq_shahri

Эртага Олмалиқ шаҳрининг айрим жойларида 8 соат давомида ичимлик суви бўлмайди

Эртага – 4 сентябрь куни соат 9 дан cоат 17-00 гача шаҳарнинг пастки қисми, яьни 5/1, 5/2, 5/3, "Ойдин", қуйи трасса, "Эвалак" ҳудудларида ичимлик сув таъминоти тўхтатилади.

"Сувоқова" ДУК Олмалиқ шаҳар филиалининг хабар беришича, бу вақтда ушбу ҳудудларга сув етказувчи сув иншоотларига электр энергиясини етказиб берувчи жиҳозлар жорий таъмирланади.

👉 Тошкент хабарлари

Хитойда яратилган коронавирусга қарши вакцинанинг клиник синовлари Ўзбекистонда ҳам ўтказилиши мумкин

➡️ https://bit.ly/2QSTw6R

Каналга қўшилиш ⬇️
https://t.iss.one/joinchat/AAAAAEHi_Tk-4p_xI26gIw

#аҳоли_бандлиги
#cеминар

Ҳоким хотин-қизлар бандлиги бўйича маҳалла раислари билан семинар ўтказди

⚡️Бугун Олмалиқ шаҳар ҳокими Усмон Раҳимов раҳбарлигида шаҳардаги МФЙ раислари иштирокида “ELEGANT GARMENT TEXTILE” МЧЖ текстил корхонасида аҳоли бандлигини таъминлаш бўйича семинар ташкил этилди.

Семинар аввалида маҳалла раисларини корхона фаолияти билан яқиндан таништириш мақсадида экскурсия ташкил этилди. Экскурсия давомида корхона бошқарувчиси Наргиза Бекмуродова маҳалла раисларига корхона имкониятлари ва ишлаб чиқариш жараёни бўйича батафсил маълумот бериб ўтди.

Айтиш жоизки, “ELEGANT GARMENT TEXTILE” МЧЖ бугунги кунда кенг қамровли ишларни йўлга қўйган. Фаолиятини бошлаганига кўп бўлмаган корхонада ҳозирги кунда 400 га яқин ишчи-ходим меҳнат қилмоқда.

Корхона трикотаж маҳсулотлари ишлаб чиқарувчи етакчи корхоналардан бири бўлиб, бугунги кунда йиллик ишлаб чиқариш ҳажми 10 миллион дона трикотаж маҳсулотининг деярли 99 фоизи Россия ва МДҲ давлатларига экспорт қилинмоқда. Корхонада асосан 4 ёшдан юқори болалар, аёллар ва эркаклар учун кийим-кечаклар ишлаб чиқарилади.

Корхонада ишчилар учун барча шароит яратилган. Уларнинг ойлик маоши ўртача 850 минг сўмдан 1 миллион 200 минг сўмгача бўлиб, ходимларнинг ишга келиб-кетиши ва тушлик корхона ҳисобидан қопланмоқда.

Корхонада қўшимча цех очилиши муносабати билан айни вақтда қўшимча яна 200 иш ўрни яратилди. Ҳоким У.Раҳимов таъкидлаганидек, яратилган янги иш ўринлари билан Олмалиқдаги 200 нафар хотин-қизларнинг бандлиги таъминланади.

@Olmaliq_shahri