#ғалаба75

📌Жорий йилда фашизм устидан қозонилган ғалабанинг 75 йиллиги муносабати билан уруш ва фронт орти қатнашчиларига ҳар йилгидан-да алоҳида эътибор қаратилаётгани рост.

🔶Бугун Олмалиқ шаҳрида истиқомат қилаётган 101 ёшли Абдураҳим ота Мавлоновга Ўзбекистон Республикаси Президенти ҳамда Россия Федерацияси томонидан юборилган "Иккинчи жаҳон урушидаги ғалабанинг 75 йиллигига" эсдалик юбилей медаллари топширилгани шулар жумласидандир.

🤝Медалларни шахсан Олмалиқ шаҳар ҳокими Усмон Раҳимов ва шаҳар Мудофаа бўлими бошлиғи Фаёз Сирочев отанинг хонадонига бориб, тақдим этишди.

🤲 Юксак мукофотларни олган Абдураҳим ота қўлларини дуога очар экан, юртимиз тинч ва фаровон бўлишини, Президентимизнинг умрлари зиёда бўлишини тилаб, шаҳар ҳокимлигига ҳам алоҳида миннатдорлик изҳор этди.

@Olmaliq_shahri

#антикоронавирус
#бандлик
#назорат

Бугунги кунда эпидемиологик вазият туфайли мамлакатимизда жорий этилган карантин қоидаларини назорат қилиш мақсадида Олмалиқ шаҳрида ҳам мунтазам тарғибот ишлари ўтказилмоқда.

Жумладан, муддатли ҳарбий хизмат вазифасини ўтаб қайтган 15 нафар йигитлар Миллий гвардия Тошкент вилояти қўриқлаш бошқармаси 4-алоҳида батальон ходимларига бириктирилиб, "Эркин посбон" сифатида хизматга жалб қилинган.

Бунда уларнинг ойлик маоши тўланган ҳолда вақтинчалик, яъни, мавсумий иш билан таъминланмоқда. "Эркин посбон"лар карантин чекловлари ҳақида фуқароларга тушунтиришлар бериб бормоқда.

Шу ўринда, ЙПХ ходимлари томонидан ҳам карантин қоидаларини назорат қилиш бўйича мунтазам равишда назорат тадбирлари олиб борилмоқда.

@Olmaliq_shahri

#Ғалаба75

Айни дамда Олмалиқ шаҳар ҳокими Усмон Раҳимов, шаҳар Мудофаа ишлари бўлими бошлиғи Фаёз Сирочев, Халқ банки Олмалиқ филиали вакили билан иккинчи жаҳон уруши қатнашчиси Рустам ота Шокировнинг хонадонида бўлиб турибди.

Усмон Раҳимов Рустам отага Президент Шавкат Мирзиёевнинг байрам мактубини ўқиб эшиттириб, 10 миллион сўм пул мукофотини ҳамда "Ғалабанинг 75 йиллигига" эсдалик медалини ва қимматбаҳо совғаларни тақдим этди.

Айни вақтда шаҳар ҳокими Шокир отанинг хонадонида биргаликда Ўзбекистон24 телеканали орқали эфирга узатилаётган Президент Шавкат Мирзиёевнинг байрам табригини онлайн тинглашмоқда.

@Olmaliq_shahri