#расмий

Бугун Халқ депутатлари Тошкент вилояти Кенгашининг сессияси бўлади

Тошкент вилояти ҳокими в.в.б. Р. Холматов “Олтинчи чақириқ халқ депутатлари Тошкент вилояти Кенгашининг биринчи сессиясини чақириш тўғрисида” қарор қабул қилди.

Унда олтинчи чақириқ халқ депутатлари Тошкент вилояти Кенгашининг биринчи сессияси 2020 йил 13 январь куни соат 15:00 да чақирилиши белгиланди.

Сессия кун тартибига қуйидаги масалалар киритилди:

- 2019 йил 22 декабрда ўтказилган Халқ депутатлари вилоят Кенгаши депутатлари сайлови якунлари бўйича вилоят сайлов комиссияси раисининг ахбороти;

- халқ депутатлари Тошкент вилояти Кенгашининг Регламенти ва доимий комиссиялар тўғрисидаги Низомни тасдиқлаш ҳақида;

- халқ депутатлари вилоят Кенгашига сиёсий партиялардан сайланган депутатларнинг партия гуруҳларини рўйхатга олиш тўғрисида;
- халқ депутатлари вилоят Кенгашининг доимий комиссияларини тузиш тўғрисида;

- ташкилий масала;

- халқ депутатлари вилоят, туман ва шаҳар Кенгашлари депутатлари Қўшма мажлиси Маслаҳат Кенгаши аъзолигига номзодни тавсия этиш ҳақида.

@Olmaliq_shahri
Каналимизга уланиш👇
https://t.iss.one/joinchat/AAAAAEzL6uu-qLwFn1aW4Q

#Билдириш

Олмалиқ шаҳар газ таъминоти участкаси баёноти

Олмалиқ шаҳар аҳоли ва улгуржи истеъмолчиларини куз-қиш мавсумида табиий газ билан узлуксиз таъминлаш учун юқори босимли №39-сонли ҳамда №6-сонли ГТН кириш босими камида 3 кг/см2 бўлиши кўзда тутилган.

Аммо бугунги кунда юқорида кўрсатиб ўтилган ГТНларнинг кириш босими камайиб, 1,1 кгс/см2 га тушиб кетган.

Шу сабабли, Олмалиқ шаҳридаги "Гултепа", "Ўзбекистон" МФЙларининг "Гултепа", "Боғишамол", "Андижон", "Оқтош", Лутфий, "Қалмоққир", "Гулбаҳор" кўчаларида газ босими камайиб кетган.

"Қалмоққир" МФЙнинг "Тоғолди", "Наврўз", "Тинчлик", "Рамазон" МФЙларидаги "Алпомиш", "Саодат", Чўлпон, "Чинор" кўчаларида эса газ ўчган.

Пискент тумани "Намуна" МФЙдаги "Жалойир", "Тўқай", "Эвалак" маҳаллаларида ҳам газ таъминоти ўчган.

"Бўстон" МФЙдаги 1,2,3,4-кварталларида ҳам газ босими тушиб кетган.

@Olmaliq_shahri
Каналимизга уланиш👇
https://t.iss.one/joinchat/AAAAAEzL6uu-qLwFn1aW4Q

#Расмий

Халқ депутатлари Тошкент вилояти кенгашининг сессияси тўғрисида

Аввал хабар берганимиздек, бугун Халқ депутатлари Тошкент вилояти кенгашининг сессияси бўлиб ўтади.

Сессия кун тартибига кўра, 6 та масала Халқ депутатлари Тошкент вилояти кенгашига сайланган депутатлар томонидан кўриб чиқилади.

Айни пайтда, вилоят ҳокимлиги мажлислар залида сессия қатнашчиларини рўйхатга олиш бошланди.

Сессия ишида Ўзбекистон республикаси бош вазирининг иштирок этиши кутилмоқда.

@toshvilpressa

#Расмий

Халқ депутатлари Тошкент вилояти Кенгашининг олтинчи чақириқ, биринчи сессияси очиқ деб эълон қилинди

Ўзбекистон Республикасининг давлат мадҳияси янгради.

Сессия ишида Халқ депутатлари вилоят Кенгашига сайланган депутатлар, вилоят ҳокимининг ўринбосарлари, туман ва шаҳарларнинг тўртта сектори раҳбарлари, сиёсий партияларнинг вилоят Кенгаши раислари иштирок этмоқда.

Шунингдек, ҳуқуқни муҳофаза қилувчи идоралар раҳбарлари, вилоят ҳокимлиги котибият мудирлари, гуруҳ раҳбарлари, вилоят, туман, шаҳар сайлов комиссиялари раислари ва оммавий ахборот воситалари вакиллари иштирок этиши кутилмоқда.

Сессияда Ўзбекистон Республикаси Бош вазири Абдулла Арипов иштирок этмоқда.


@toshvilpressa

Рустам Холматов -- Тошкент вилояти ҳокими!

Ўзбекистон Республикаси Президенти тақдимномасига асосан, Халқ депутатлари Тошкент вилояти Кенгашининг олтинчи чақириқ, биринчи сессиясида Холматов Рустам Қурбонназарович Тошкент вилояти ҳокими этиб тасдиқланди.

@toshvilpressa

#Расман

Рустам Қурбонназарович Холматов -- Тошкент вилояти ҳокими

Рустам Холматов 1961 йилда Тошкент вилояти Оққўрғон туманида туғилган. У Тошкент халқ хўжалиги институти (ҳозирги — Тошкент давлат иқтисодиёт университети)ни иқтисодчи мутахассислиги бўйича тамомлаган.

У 1995 йилдан 2003 йилгача Тошкент вилояти ҳокимининг биринчи ўринбосари, кейинроқ Чиноз ва Қуйи Чирчиқ туманлари ҳокими бўлиб ишлаган. 2008 йилдан 2013 йилгача эса Тошкент вилояти ҳокими бўлиб ишлаган.

2017 йилдан 2018 йилгача Жиззах вилояти ҳокими ўринбосари бўлган. 2018 йилдан 2019 йилга қадар Тошкент вилояти ҳокимининг қишлоқ ва сув хўжалиги масалалари бўйича биринчи ўринбосари вазифасида ишлаган.

Рустам Холматов 2019 йилдан бошлаб, Тошкент вилояти ҳокими вазифасини бажарувчи лавозимида ишлаб келаётган эди.

@toshvilpressa

#Сессия

Суратда: Халқ депутатлари Тошкент вилояти Кенгашининг янги таркибдаги депутатлари.

@toshvilpressa

#Расмий

Халқ депутатлари Тошкент вилояти Кенгашининг олтинчи чақириқ, биринчи сессиясидан видеолавҳа.

Сессия ишида Ўзбекистон Республикаси Бош вазири А. Арипов Президент вакили сифатида иштирок этди.

@toshvilpressa

#расмий

Эртага, 15 январда Халқ депутатлари Олмалиқ шаҳар Кенгашининг сессияси бўлади

Олмалиқ шаҳар ҳокими У.Раҳимов "Олтинчи чақириқ халқ депутатлари Олмалиқ шаҳар Кенгашининг биринчи сессиясини чақириш тўғрисида"ги қарор қабул қилди.

Қарорга кўра, Олтинчи чақириқ халқ депутатлари Олмалиқ шаҳар Кенгашининг биринчи сессияси 2020 йил 15 январь куни соат 09-00 га чақирилиши белгиланди.

Сессия кун тартибига қуйидаги масалалар киритилди:

1. 2019 йил 22 декабрда ўтказилган Халқ депутатлари Олмалиқ шаҳар Кенгаши депутатлари сайлови якунлари бўйича вилоят сайлов комиссияси раисининг ахбороти.

2. Халқ депутатлари Олмалиқ шаҳар Кенгашининг Регламенти ва доимий комиссиялар тўғрисидаги Низомини тасдиқлаш ҳақида.

3. Халқ депутатлари Олмалиқ шаҳар Кенгашига сиёсий партиялардан сайланган депутатларнинг партия гуруҳларини рўйхатга олиш тўғрисида.

4. Халқ депутатлари Олмалиқ шаҳар Кенгашининг доимий комиссияларини тузиш тўғрисида.

5. Ташкилий масала.

6. Халқ депутатлари шаҳар Кенгашлари депутатлари Қўшма мажлиси Маслаҳат Кенгаши аъзолигига номзодни тавсия этиш ҳақида.

@Olmaliq_shahri
Каналимизга уланиш👇
https://t.iss.one/joinchat/AAAAAEzL6uu-qLwFn1aW4Q