#шукуҳ

510 ўринли талабалар турар жойи фойдаланишга топширилди

⚡️Бугун шаҳримизда яна бир қад ростлаган янги бино - Ислом Каримов номидаги Тошкент давлат техника университети Олмалиқ филиалининг талабалар турар жойининг расман очилиш маросими бўлиб ўтди. тадбирда шаҳар сектор раҳбарлари - ҳоким Қобил Хамдамов, прокурор Абдумалик Кулдашев, ИИБ бошлиғи Нодирбек Саидов, ДСИ бошлиғи Ихтиёр Алиев ҳамда нуронийлар ва кенг жамоат вакиллари иштирок этди. Ўзбекистон Республикаси Вазирлар Маҳкамасининг 2021 йил 9 сентябрдаги 563-сонли қарорига асосан амалга оширилган ушбу бино қурилиши давлат-хусусий шериклик асосида қурилган бўлиб, 510 нафар талабага хизмат қилади.

📌Объект қиймати 25,9 млрд. сўмни ташкил этиб, қурилиш-таъмирлаш ишларини “Nеw-Brеnd-Hоusе” МЧЖ томонидан амалга оширилди. Белгиланган маблағнинг 46,2 % субсидия, 53,8% тадбиркорнинг ўз маблағи ҳисобидан реализация қилинди. Беш қаватдан иборат бинода 142 та хона мавжуд бўлиб, ҳар бир хонага 3 нафар талаба жойлашиши мўлжалланган. Турар-жойдаги хоналар дарс қилиш, кийим-кечак ва ётоқ мебеллари, шунингдек кўрпа-тўшак ҳамда чойшаблар билан тўлиқ таъминланган. Бинода сув таъминоти, иссиқлик, ёритиш, канализация тизимларининг сифатли ишлаши йўлга қўйилган.

✅ Талабалар турар жойи биносининг пастки қисмида ёшларнинг бўш вақтини мазмунли ўтказишга мўлжалланган спорт тўгараклари, караоке хоналари ва бошқаларни ташкил этиш ишлари амалга ошириш жараёнида. Давлатимиз раҳбарининг олиб бораётган улкан ислоҳотлари натижасида ёшларга яратилаётган шарт-шароитлар уларнинг чуқур билим олишлари, етук кадр бўлиб шаклланишларига асос бўлиб хизмат қилмоқда.

Kаналга уланиш ⤵️
@Olmaliq_shahri

🌍Web-site |✅ Telegram | ✅Faсebook | ✅You tube