#тайинлов

"Нурафшон" телеканалига янги раҳбар тайинланди

Таниқли журналист Ғуломжон Самадов Тошкент вилояти "Нурафшон"  телеканали директори сифатида иш бошлади. Бунгача у Президент Админстрациясида масъул вазифада хизмат қилган.

Бугун Нурафшон шаҳрида телеканал янги раҳбарининг вилоят журналистлари,  телеканал ижодкорлари,  туман ва шаҳарлар ҳамда бошқарма-ташкилотлар Ахборот хизматлари вакиллари билан ижодий мулоқоти бўлиб ўтди.

Мулоқотда телеканалнинг яқин истиқболдаги режалари ҳамда вилоятдаги медиа тармоқлари билан ҳамкорлик йўналишлари муҳокама қилинди.

Шу вақтгача телеканал раҳбари вазифасини бажариб келган Олимжон Бегалиев директор ўринбосари сифатида фаолиятини давом эттириши маълум қилинди.

Тадбирда вилоят ҳокимининг ўринбосари Жамшид Бабажанов иштирок этди.

Kаналга уланиш ⤵️
@Olmaliq_shahri

🌍Web-site |✅ Telegram | ✅Faсebook | ✅You tube

#ҳокимлик_соати

⚡️Олмалиқ шаҳар сектор раҳбарлари раислигида шаҳар корхона-ташкилот раҳбарлари билан навбатдаги "ҳокимлик соати" йиғилиши ўтказилди. Таҳлилий ва танқидий руҳда ўтган йиғилишда 5 та масала муҳокама қилинди ва бу борада масъулларнинг ахбороти тингланди. Дастлаб шаҳарни ижтимоий-иқтисодий ривожлантириш кўрсаткичларининг 9 ойлик якунлари таҳлил қилиниб, бунда саноат, чакана савдо, қурилиш соҳасида маҳсулот ҳамда хизматлар ҳажмининг ўсиш суръатлари кўриб чиқилди.

📌 Хусусан, шаҳардаги бир нечта корхонада ишлаб чиқариш ҳажми ўтган йилнинг мос даврига нисбатан камайгани кескин танқид қилинди. Шунингдек, кичик бизнес субъектлари кўрсаткичларини статистик ҳисоботларда тўлиқ акс эттириш борасидаги мавжуд камчиликлар кўрсатиб ўтилди. Кун тартибидаги иккинчи масала – камбағалликка қарши самарали, аниқ йўналтирилган тартибда курашиш, фуқаролар билан фаол мулоқот қилиш лозимлиги қайд этилди. Хусусан, давлатимиз Раҳбари белгилаб берган “Камбағалликдан фаровонлик сари” дастурида қайд этилган энг асосий тушунча ва тамойиллар бўйича ишни ташкил қилишга, ҳар қандай муаммога креатив, халқчил ёндашиш зарурлигига алоҳида эътибор қаратилди.

🔍“Камбағалликдан фаровонлик сари” давлат дастурида белгиланган вазифалар ижросида сусткашликка йўл қўйган бир қатор мутасаддилар огоҳлантирилди. Бундай раҳбарларнинг масалага етарлича эътибор қаратмаётгани юзасидан жамоатчилик муҳокамасини ўтказиш, жараёнга оммавий ахборот воситаларини ҳам жалб этиш тавсия қилинди. Шаҳардаги мавжуд маданият ва аҳоли дам олиш марказлари фаолияти, намунали марказ фаолиятини йўлга қўйиш юзасидан қилинган ишлар қониқарсиз деб топилди. Мазкур масала бўйича алоҳида муҳокама йиғилишини ўтказишга тайёргарлик кўриш бўйича топшириқ берилди.

📎 Йиғилиш кун тартибидаги кейинги масала – йўл ҳаракати хавфсизлигини таъминлашга доир амалга оширилаётган ишлар юзасидан соҳа масъулларининг ахбороти эшитилди. Шаҳар ҳокими мавжуд муаммолар ҳақида тўхталиб, шаҳар ЙҲХБ биргаликда фаол иш олиб бориши лозимлиги таъкидланди. Хусусан, “Опен бюджет” лойиҳаси орқали қурилган йўлларда йўл чизиқлари ва белгиларини ўрнатиш, шаҳардаги барча таълим ташкилотларида “Йўл ҳаракати жамоатчи навбатчиси” фаолиятини тўлиқ йўлга қўйиш топшириғи берилди. Йиғилишда кўтарилган масалалар юзасидан масъул раҳбарларнинг ҳисоботлари тингланди.

Kаналга уланиш ⤵️
@Olmaliq_shahri

🌍Web-site |✅ Telegram | ✅Faсebook | ✅You tube